Euskal enpresaren blog-a Zure enpresarentzat garrantzitsua den eguneroko informazioa

27 Marzo, 2020
SPRI Taldeak premiazko laguntzak eskaintzen dizkie ETEei material teknologikoa erosteko

Aurrekontua 2,3 milioi eurotik gorakoa da eta Industria Digitala programa aldatu du telelana errazteko

Aurrekontua 2,3 milioi eurotik gorakoa da eta Industria Digitala programa aldatu du telelana errazteko

 

SPRI Taldeak, enpresen garapenerako euskal agentziak, aste honetan argitaratuko ditu euskal ETEei zuzendutako eta material teknologikoa erostera bideratutako laguntzak. Ekonomi Garapen eta Azpiegitura Saila premiazko laguntza-multzo bat prestatzen ari da euskal enpresa COVID-19 birusaren ondorioetatik babesteko, eta programa hau laguntza-multzo horren barruan kokatzen da.

 

SPRIk aldatu egin ditu Industria Digitala programako ekintza subentzionagarriak, telelana errazteko eta helburu horrekin zabalik dagoen Inplantalariak programaren ekintzak osatzeko. Ehunka euskal ETE interesaturik agertu dira Inplantalariak programan.

 

Industria digitala programak 2,3 milioi eurotik gorako aurrekontua du aurten, eta Eskualdeen Garapenerako Europako Funtsak (FEDER) kofinantzatzen du, zeinak laguntzek estaliko duten zenbatekoen % 50a jarriko baitu. Ekimen honen helburua da Elektronika, Informazio eta Komunikazio Teknologiak (EIKT) txertatzen laguntzea industri arloko enpresetan eta produktu-prozesuarekin lotutako zerbitzu teknikoetako, diseinuko eta logistikako enpresetan, xedetzat hartuz enpresaren lehiakortasuna hobetzea.

 

Laguntzak % 25 eta % 50 bitartekoak izan litezke konpainiaren tamainaren arabera, eta orain telelana ere sartu da diruz lagundu daitezkeen kontzeptuen artean, aholkularitzako, ingeniaritzako eta hardware nahiz software erosketetarako gastuak ordaintzeko.

 

Sektore oso desberdinak izan daitezke programa honen onuradun: sentsorika, Big Data, adimen artifiziala, machine learning eta blockchain, errealitate birtuala, areagotua eta mistoa, ikusmen artifiziala, Smart factory (prozesu industrialen simulazioa gaitasun fisikoak eta birtualak konbinatuz), robotika kolaboratiboa eta malgua, fabrikazio gehigarria, gamifikazioa (jokoetatik ateratako teknikak aplikatzea aurreikusten duten aholkularitzako proiektuak, erabiltzaileak leialtzeko, motibatzeko eta euren konpromisoa lortzeko), merkataritza elektronikoa, enpresaren kudeaketa aurreratuko sistemak, produktuaren bizi-zikloaren kudeaketa (CAM CAE, PDM eta DMF motako aplikazioak ezartzea).

 

Orobat onartuko dira 2020ko urtarrilaren 1az geroztik hasitako proiektuen laguntza-eskaerak aurkeztu aurretik sortu edo fakturatutako gastuak, betiere eskaerak aurkeztu badira araudi hau Euskal Herriko Agintaritzaren Aldizkarian argitaratu (datorren apirilaren 1ean) eta bi hilabeteko epean.

 

Proposatutako dirulaguntza % 5 gehiago handituko da -betiere laguntzen gehienezko muga gainditu gabe-, baldin eta enpresak baldintza hauek betetzen baditu: Hizkuntzen Kudeaketako Bikain Kalitate Ziurtagiria -enpresan euskararen erabilera akreditatzen duena- izatea, Berdintasun plan bat izatea (enpresak 150 langile edo gutxiago baditu, zeren hori baino handiagoak direnak legez behartuta baitaude plan bat edukitzera) edo euskarazko softwarearen erabilera inplementatzen duten proiektuak izatea.

IKTak 22 ekaina, 2021
Enerlogix, eraginkortasun energetikora bideratutako adimen artifizial optimizatua

Jasangarritasunaren eta energia-eraginkortasunaren erronka Europako Batzordeak datozen...Leer más

IKTak 18 ekaina, 2021
Binary Soulek larrialdietako taldeak digitalizatzearen eta baliabideak aurreztearen alde egin du

Binary Soulek 2014tik soluzio pertsonalizatuak eskaintzen dizkie sektore guztietako enpresei,...Leer más

IKTak 15 ekaina, 2021
Sei enpresa handik industriako adimen artifiziala-ren lehen partzuergoa sortu dute Espainian

Repsol, Gestamp, Navantia, Técnicas Reunidas, Telefónica eta Microsoft enpresek IndesIA sortu...Leer más

Aner: software, zibersegurtasun eta innobazioaren nazioarteko presentzia ‘made in Euskadi’

Euskadik soluzio-teknologikoen arloan erreputazio globala mantentzen du Aner Taldea bezalako firmei...Leer más

IKTak 14 ekaina, 2021
SPRIk ezagutzera emango du Adimen Artifiziala industria-jardueran aplikatzeko eredua

Euskal enpresek uztail honetan ezagutuko dute SPRIren bitartez Adimen Artifiziala...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?