Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 20 maiatza, 2024 Digitalizazioa

Proiektu batek parke eolikoen mantentze-lanak optimizatu nahi ditu software baten bidez

Tamoin enpresa eta Tekniker zentro teknologikoa elkarlanean aritu dira instalazio horien digitalizazioa hobetzeko eta konponketa-denbora murrizteko.

Energia eolikoaren sektorean, langileek eta mantentze-lanez arduratzen diren enpresek izaten duten arazo ohikoenetako bat matxurak dira; izan ere, konpontzea garestia da, eta denbora asko behar da parke eolikoen ingurune konplexua dela eta. Hori dela eta, instalazio horien digitalizazioan aurrera egin nahi duten zenbait proiektu gauzatzen ari dira, eta horietako batean parte hartzen dute Teknikerrek eta Tamoinek. 

Tekniker zentro teknologikoa, Basque Research and Technology Alliance (BRTA) taldeko kidea, eta Tamoin enpresa bizkaitarra, Energia, Oil & Gas, Berriztagarri eta Industria sektoreetarako soluzio integraletan espezializatua, elkarlanean aritu dira parke eolikoak mantentzeko software bat sortzeko. Sistema horrek matxurak automatikoki ebaluatzen ditu eta akatsak arin konpontzeko gida eskaintzen die langile teknikoei, app baten bidez eta Adimen Artifiziala bezalako gailuak erabiliz. 

“Konponbideak mantentze-esparruari lotutako beharrezko informazioa jasotzen du, aerosorgailuaren egoeraren diagnostikoa ematen du, hautemandako arazoa konpontzeko ataza-sekuentzia egokia proposatzen du eta gomendioak arrakasta-maiztasunaren arabera egokitzeko egindako urratsak erregistratzen ditu”, azaldu du Egoitz Konde Teknikerreko ikertzaileak eta proiektuaren arduradunetako batek. Gainera, teknikariek egindako informazioaren trazabilitate osoa modu egituratuan eramaten denez, etorkizunean mantentze-epeak murrizteko eta optimizatzeko erabil daiteke. 

Ekimen honen bidez, Tamoinek aerosorgailuetan egiten dituen operazio- eta mantentze-zerbitzuei buruzko beharrezko ezagutza lortu nahi du, energia berriztagarria sortzeko edozein instalazioetan berdina ekoizteko, sistema bakar bat garatuz. Bilbon egoitza duen enpresak Estatuan eta atzerrian banatutako beste filial batzuk ditu, zehazki Erresuma Batuan eta Perun. Energia eolikoaren arloan aurrera egin nahi du proiektu honekin eta beste batzuekin, hala nola Nautilus I+G ekimenean, itsasoan instalazio eolikoen egitura flotatzaile erdi-urperagarria garatuz.  

SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. 

Lotutako albisteak

18 ekaina, 2024 Digitalizazioa
Buho Electronics, mantentze prediktibo industrialaren lider nazionala
Irakurri gehiago
14 ekaina, 2024 Digitalizazioa
Oreka Circular Economy aplikazio mugikor baten bidez elikagaien alferrik galtzea murrizten laguntzen du
Irakurri gehiago
Electricidad TELGA 12 ekaina, 2024 Digitalizazioa
Electricidad Telgak ikusmen artifiziala erabiltzen du prozesu elektriko industrialen automatizazioan
Irakurri gehiago
6 ekaina, 2024 Basque Trade & Investment
Eusko Jaurlaritzak euskal enpresei lagundu die BIEMHn, SPRI taldearen bitartez
Irakurri gehiago
5 ekaina, 2024 Azpiegiturak
Adimen Artifizialak zer nolako eragina du mugikortasunean?
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak