Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 8 otsaila, 2024 Digitalizazioa Zutaz mintzo (gara)

Move, 15 urte irizpideak ematen eta markak bideratzen

Donostiako branding-konpainiak enpresak eraldatzen laguntzen ditu haien marken estrategiaren, diseinuaren eta komunikazioaren bitartez, eta horrek, sortzaileen arabera, eragin positiboa du bezeroen errentagarritasunean.

“Desberdintzea gero eta beharrezkoagoa den mundu honetan, marka funtsezko aktiboa da modu esanguratsuan kokatzeko”. Esparru horretan, eta inpaktua eragiteko asmoz, Move izeneko branding-aholkularitza jaio zen duela 15 urte, Donostian. Izan ere, “lehiatzerakoan markaren balioaz kontzientziatzea beharrezkoa zela uste genuen, eta, horretarako, elkar ulertzen eta proiektatzen jakitea garrantzitsua zen”, adierazi dute Patxi Fernández eta Marisol Ruiz Moven bazkide fundatzaileek. 

Movek, brandingaren bidez, markei irizpidea eta norabidea ematen die, “zer garen eta, batez ere, zer ez garen” ulertzeko, sortzaileen arabera. Aholkularitzak enpresei laguntzen die haien eraldaketa gauzatzen, marka-estrategiatik gidatutako ekintza zehatzen bitartez. Horrela, eragin zehatza kuantifikatzea zaila izan arren, “ondo trakzionatutako branding-proiektu batek zuzenean eragiten dio errentagarritasunari eta enpresa baten salmenten gaineko marjinari”. 

Firmak “Move Brand Vision” izeneko metodologia du: “mundua begirada disruptibo batetik esploratzeko metodo gisa ulertzen dugu, markaren eta negozioaren estrategiari zentzua ematen diona eta inpaktu jasangarria lortzen duena”, azaldu dute konpainiaren bultzatzaileek. Hori markarekin eta merkatuarekin batera egindako sormen-esplorazio baten bitartez egiten da. 

Moven aburuz, “marka ez da soilik merkatuari kontatzen dioguna, baizik eta merkatuak gugandik jasotzen duena, eta barnean eraikitzeko gai garena”, azaldu dute Patxi Fernándezek eta Marisol Ruizek. Horregatik uste dute “funtsezkoa” dela marka-kultura bat izatea pertsonak negozio-ideia baten inguruan lerrokatzeko eta ideia hori errealitate bihurtzeko. Horrela, marka erdian jartzen denean, konpainia baten lehia-posizionamenduaren oinarri gisa, “gainerako erronkak markaren eraikuntzaren fase desberdinetan hartzen diren erabaki taktikoak izango dira”. 

Move markak birkokatzeko proiektuen artean, hainbat arrakasta-kasu daude: “Ibarmia, fabrika izatetik boutique industrial izatera igaro zena; Ikerlan, jarrera teknologikoa marka gisa bereizteko eta talentua erakartzeko eta atxikitzeko aktibo argi bihurtu zuena”; edo Ternua, Ezarri, Azkoyen edo Amenabar, “ondo bideratutako eta trakzionatutako marka-estrategia batetik abiatuta, haien markak eta negozioak maila askoz altuagoan kokatzea lortu zutenak, eta ez soilik irudian, errentagarritasunean ere bai”, aholkularitzako arduradunek azpimarratu dutenez. 

Brandingaren industrian gertatzen diren aldaketei erantzuteko asmoz, markak eta negozioak hazteko funtsezko hiru arlotan eboluzionatzeko lan egiten du. Brandinga enpresa-emaitza ukigarriekin konektatu nahi du, estrategiaren, diseinuaren, datuen eta teknologiaren konbinazio egokiak errendimenduan eragin positiboa izan dezan. Era berean, markaren kultura, branding proiektu baten ondoren, ‘next step’ gisa finkatu nahi du, “kultura hazkunde indibidual eta kolektiboaren palanka argia dela ikusten dugulako”, argitu dute Patxi Fernandezek eta Marisol Ruizek. Eta, azkenik, marken eta negozioen munduari ikuspegi sortzaile eta humanista eman nahi dio, “enpresei etorkizunaz hausnartzen eta balio-proposamenak berritzen laguntzeko, eta garrantzitsuak izaten jarraitzeko”. 

SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. 

Lotutako albisteak

23 apirila, 2024 Digitalizazioa
SPRIk Hannover Messe 2024 azokan dauden Euskadiko enpresei lagunduko die
Irakurri gehiago
18 apirila, 2024 Digitalizazioa
Hobycasa, aurrez fabrikatutako egurrezko etxeen arloan liderra den Gasteizko enpresa
Irakurri gehiago
12 apirila, 2024 Digitalizazioa
Lau ekintzailek plataforma bat sortu dute 4.0. Industriako proiektuak online kudeatzeko
Irakurri gehiago
12 apirila, 2024 Digitalizazioa
ScrapAdek hondakinen salerosketa-prozesua errazten die mundu osoko enpresei
Irakurri gehiago
5 apirila, 2024 Digitalizazioa
Zure enpresa industria adimendun bilakatzen laguntzen dizu Smart Industry programak
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak