Mikel Díaz, JakinCode enpresako zuzendari nagusia: “Digitalizazio estrategiak egitean kontuan hartu behar da zibersegurtasuna”
JakinCode enpresa arabarrarentzat azpimarragarria da Basque CyberSecurity Centre-k zibersegurtasunaren inguruan egin duen kontzientziazio-lana
Malware eta bestelako erasoez gain, zibersegurtasun arloko enpesen erronka nagusia da enpresak kontzientziatu beharra konponbideak gauzatu ditzaten zibererasoak saihesteko. Bere egoitza Araban daukan eta lau urteko ibilbidea egin duen JakinCode enpresak ohartarazi duenez, “erabateko segurtasunik ez dago, baina pertsonak dira segurtasuna lortzeko arazo nagusia, ez baitira jabetzen zein garrantzitsua den antolakunde bateko elementu desberdinak babestea”. JakinCode enpresako zuzendari nagusi den Mikel Díaz de Arcayaren iritziz: “Kontzientziazio-lan horretan garrantzi handia hartuko du Basque CyberSecurity Centre-k. Enpresa munduari ikusarazi behar zaio beren sistemen ahuleziek kalte handia egin diezaioketela antolakunde bati, eta ezinbestekoa dela segurtasun elementuak ezartzea, lapurren aurka segurtasun-ateak jartzen diren bezalaxe”.
JakinCode enpresak neurrira eginiko tresnak garatzen ditu IT eta OT inguruneetako gailuak babesteko, tratatzeko eta balizko ahuluneak detektatzeko. “Ez dugu saltzen ez hardware-rik, ez software-rik, ez hirugarrenen programarik. Uste dugu zibersegurtasunak testuinguruaren araberakoa izan behar duela eta bezero bakoitzari egokitua. Batzuentzat garrantzitsuena da erabiltzen duten informazioaren konfidentzialtasuna zaintzea, ez dadin iritsi hirugarren batzuen eskuetara. Beste batzuentzat, disponibilitatea da funtsezkoena; zibersegurtasun konponbideak ezartzea baina makinen funtzionamenduari eragin gabe. Industrian oinarrizkoa da disponibilitatea, eta kontuz ibili behar da gauzak noiz eta nola egin. IT inguruneek ez dauzkate baldintza horiek”, azpimarratu du Mikel Díaz de Arcayak.
Arabako konpainiak bi esparrutara biltzen ditu bere zerbitzuak: erasoa eta defentsa. Defentsari dagokionez, hauxe dio JakinCode enpresako zuzendari nagusiak: “gaur egun zentzugabekeria da enpresa baten trafiko guztia aztertzea munduan diren balizko ahulune guztien kontra. Malware askok ez dute eraginik izango gugan, sistema eragile nahiz teklatuaren hizkuntza jakin batzuetara zuzentzen direlako. Guk konpromisozko adierazleak garatzen ditugu gure ingurune geografikoko enpresetan eragina izan dezakeen malwarerako, eta horri esker askoz positibo faltsu gutxiago izaten ditugu”.
“Erasoari dagokionez, geure tresna propioak garatuz bereizten gara beste enpresa batzuetatik. Guretzat garrantzitsuena ez da zure enpresari esatea ahulune asko dituela, baizik eta saiatzea zure enpresako sarera sartzen eta informazioa harrapatzen inork detektatu gabe. Enpresaren baimenarekin, erasotzaile baten azalean jartzen gara, hasten gara informazioa biltzen, eta ikusten dugu zer egin daitekeen eta nolako ahuluneak dauden. Asmoa da ikustea egin ote dezakedan hori guztia detektatua izan gabe. Horretarako, hainbat tresna garatu ditugu. Behin arazoak detektatu ondoren, konponbideak eskaintzen ditugu zerbitzuen eskaintza sendotu eta segurtatzeko. Konponbide horiei esker bezeroek posible dute gailu guztiak monitorizatzea, modu zentralizatuan kudeatzea, ahuluneak etengabe aztertzea edo amuak jarri eta sarkinak detektatzea”, azpimarratu du JakinCode enpresako zuzendari nagusiak.
Zibersegurtasun-tresnak industria sektorean aplikatzea da euskal konpainiako adituen iritziz erronka zailenetako bat, agerian jartzen duena, berriz ere, zeinen ezberdinak diren IT inguruneak (ordenagailu pertsonalak, zerbitzariak, mezularitza zerbitzuak…) eta OT direlakoak (PLCak, sistema banatuak, sentsoreak, SCADA gailuak, IoT…). “Askoz zailagoa da OT munduko konponbideak inplementatzea, protokolo horiek gehienak nahiko zaharrak direlako eta ez daudelako pentsatuta segurtasunaren ikuspegitik. Gainera, horri gehitu behar zaio disponibilitatearen handicap-a ere, ezin baita ekipo bat blokeatu edo gelditu; aldiz, IT inguruneetan ez legoke arazorik horretarako. OT munduan edozein konponbidek, oinarrizkoa izanik ere, arazoak sor ditzake, esaterako mikrosegundotako latentziak, zeinaren ondorioz zerbitzuak ukatu eta makina gelditu egin baitaiteke, horrek fabrikazio prozesuari ekarriko lizkiokeen kalte edo kostu guztiekin”.
Mikel Díaz de Arcayaren iritziz, etorkizuneko joerek erakusten dute enpresa txiki zein handiak 4.0 Industriarantz orientatu beharko direla, baina prozesu hori erronka eta arriskuz josita dago: “Digitalizazioak abantaila asko eskaintzen dizkio industriari. Egin behar dena da digitalizazioaren diseinua eta estrategia moldatzean kontuan hartu zibersegurtasuna. Dispositiboak konektatuz ate asko zabaltzen zaizkio erasotzaileari, lehen ez zirenak. Eszenatoki hori saihestezina da, eta horregatik garrantzitsua da inplementatu aurretik pentsatu eta diseinatzea”.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.