LinqCase-n konponbide berritzailea pieza industrialak ikuskatzeko
LinqCase startup gipuzkoarra dugu euskal enpresak egiten ari diren berrikuntza-lan handiaren beste adibide bat. Zerbitzu berritzaile bat garatu du fabriketako produkzio-lineetako piezak ikuskatzeko pieza horiek suntsitu gabe; horrela, kostuak murrizten dira eta kalitatea hobetzen da. Konpainiak SPRI Taldearen laguntza jaso du BDIH Konexio programaren bitartez, zeinarekin Basque Digital Innovation Hub-ek ETEen eskura jartzen baitu fabrikazio aurreratuko aktibo eta zerbitzuen sare konektatu bat prestakuntzarako, ikerketarako, testak egiteko eta baliozkotze prozesuetarako.
Enpresa 2018an sortu zen lau ekintzailek bultzaturik eta CEIT teknologi zentroaren laguntzarekin, eta azken horrek Ibaetan (Donostia) dituen instalazioetan dago kokatuta gaur egun. “CEITen lan asko egiten da ikerketa eta garapen arloan, baina ongi dakite azken urrats bat eman behar dela teknologia hori merkatura eramateko. Guk uste dugu gai garela produktuak eta negozioak ongi garatzeko, eta badaukagu teknologia. Eta, halaxe, bi aldeen artean sortu genuen enpresa”, azaldu du Ibon Iribarrenek, LinqCase enpresako zuzendari nagusiak.
Eskaintzen duten produktua ikuskapen ez suntsitzailea da. “Industrietan, askotan, ezinbestekoa izaten da piezak ebakitzea egiaztapenak egiteko. Oso garestia da piezak suntsitzea, txatar bihurtzeak kostu bat duelako eta ikuskatzeko astia behar delako, eta horrek hainbat orduz eragiten dio produkzioari”. Guk eskaintzen ditugun makinak gai dira piezak egiaztatzeko pieza horiek suntsitu beharrik gabe. Oso azkar bukatzen dugu identifikazio-prozesua, eta hala, kostuak murrizten dira eta kalitate hobea lortzen da”.
Iribarrenek nabarmendu du bezeroek denbora beharko dutela euren negozioa onartzeko, baina, bi urteko ibilbidearen ondoren, dagoeneko saldu dio bere produktua txertatuta duen makina bat Stellantis enpresa iparramerikarrari. Stellantis 2020an sortutako automozio-talde bat da, munduko liderretako bat.
Bigarren negozio-ildoa intralogistika adimenduna da. “Produkzio-lineak gelditu egiten dira material edo tresna ezagatik. Eta ohartu ginen hori arazo handi bat dela. Hortaz, produkzioko makinen datuak irakurtzen ditugu eta, robot programagarriak baliatuz, behar dituzten material edo tresnez hornitzen ditugu produkzio-lineak”.
Duela sei hilabete konponbide bat saldu zioten Ford enpresak Europan duen motor lantegi bati. Konponbide horrek tresnen desgastearen ondoriozko produkzio-lineen geldialdiak aurreikusten ditu. “Material ezagatiko geldialdiak saihestea da gure helburua. Batzuetan oso zaila da geldialdi bat prebenitzea, baina beste batzuetan badakizu zer gertatuko den, adibidez logistikako geldialdien kasuan. Lan-esparru handia dago hor, eta robot fabrikatzaileek ere interes handiz begiratzen diote gure konponbideari, lagungarri zaielako euren ekipoak produkzioko makinekin konektatzeko”.
Orain konpainiak zazpi pertsona dauzka plantillan, eta iaz 400.000 euro baino gehiago fakturatu zituzten. “Aurten 600.000 euro inguru fakturatuko ditugu. Gastu handiena langileen arloan eta I+G-n egiten dugu; azken hori da gure partida nagusia eta horretan gastatzen da negozioaren % 33”.
BDIH Konexio programaren bitartez jaso duten 20.000 euroko laguntzarekin makina adimendunen arloko proiektu bat garatu dute. Zehazki, ikuskapen digitalekoa. “Automozioko ardatzen gainean gotortzeko proiektu bat da. Sentsorearen garapena bukatzeko erabiliko dugu laguntza. Dagoeneko badaukagu prototipoa, eta probatzen ari gara. Baliteke amerikarrei (Stellantis taldeari) saldu diegun makinan txertatzea”.
Etorkizunean, enpresak bere merkatua zabaldu nahi du Ipar Amerikara eta Europara. “Ikuskapen ez inbaditzailearen kasuan, ardatzetan, engranajeetan eta estanpazioko piezetan zentratzen gara; infralogistikaren kasuan, berriz, automozioan, farmazian eta elikaduran”. Euren asmoa da bizpahiru urtetan plantilla 16 pertsonaraino handitzea eta 5 milioi euroko urteko fakturaziora iristea.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.