Euskal enpresaren blog-a Zure enpresarentzat garrantzitsua den eguneroko informazioa

16 iraila, 2021
Klomos sortu da, IoT kudeaketa integralerako sektore anitzeko plataforma

D & A Innovative Systems teknologia konpainiak atera berri duen soluzioak enpresako edozein aktiboren jarraipena egiten du, edozein sektorekoa izanda ere, eta merkatuko edozein sentsoretara konektatzeko gai da.

2015ean, Industria 4.0 kontzeptua nonahi entzuten hasi zenean, Marta Aranak, Alberto Blazquezek eta David Montoyak D & A Innovative Systems enpresa teknologikoa sortu zuten, enpresei Gauzen Interneterako (IoT) trantsizioa erraztuko zieten irtenbide digitalak eskaintzeko asmoz. Domotika oinarri hartuta, sortzaileek esperientzia eta aurreko proiektuak baitzituzten arlo horretan, teknologia multzo hori aplikatzea erabaki zuten, bezeroak Industria 4.0 eta Smart Cityn kokatzeko, eta, horrela, makinen kontrola eta zerbitizazioa, produktuen eta proiektuen digitalizazioa, hirietako eraginkortasun energetikoa edo eraikuntza adimendunak bermatzeko.

Gaur egun, sei urte geroago, IIOT (Gauzen Internet Industriala) plataforma propioa atera dute: ‘Clomos’, edozein sektore eta jardueratara egokitu daitekeen irtenbide digitala, pertsonalizagarria gainera, enpresek gehien interesatzen zaien informazioa eskura dezaten. “Plataforma berriak enpresaren edozein aktiboren jarraipena egiten du, era guztietako sentsoreetara eta merkatuko sistemetara konektatuz, askotariko komunikazio-bideei esker. Horrela, erabiltzaileak sarera konektatuta dituen bere gailu guztiak nola funtzionatzen duten jakin dezake, eta emaitzen arabera erabaki estrategikoak har ditzake”, azaldu du Marta Arana D & A Innovative Systemseko CEOak.

Teknologia bera ez ezik, bildutako datuen kudeaketa ere pertsonalizagarria eta moldagarria da, bistaratzeko panelak erabiltzailearen irizpideen arabera konfiguratu baitaitezke, eta horrek, Aranaren arabera, “aktiboekiko interakzioak errazten ditu, enpresaren beharren arabera menuak eta panelak sortuz”. “Teknologiaren izaera moldagarri eta pertsonalizagarria eta kudeaketa-plataformaren sinpletasuna direla eta, jauzi teknologiko hori enpresa txiki eta ertainen eskura dago, eta ez soilik enpresa handien eskura, hori funtsezkoa baita egungo enpresa- eta industria-ehunean”, gaineratu du D & A-ko CEOk.

Zerbitizazioaren, 4.0 industriaren eta Smart cityarenaldeko apustua

Bizkaiko enpresak erabiltzen duen teknologiak aplikazio ugari ditu, ez bakarrik industriari dagokionez, baita hiri adimendunei dagokienez ere. Industriaren ikuspegitik, D & Ak zerbitizazioaren aldeko apustu sendoa egiten du. “Lehiarako abantaila lortzeko har daitezkeen mila estrategien artean, zerbitizazioa da manufaktura-enpresaren arma sekretua”, Aranaren esanetan. “Datuek eta ikaskuntza automatikoak aktiboak kontrolpean izaten, erabaki hobeak hartzen eta erreakzionatzeko gaitasun azkarra izaten laguntzen dute. Informazio digitalari esker eta zerbitizazioaren alde eginez, negozioaren emaitzak optimizatu eta diru-sarrera berriak sor ditzakegu, kostuak optimizatu, bezeroari esperientzia berriak eskaini…Horrela, teknologia digitalak aplikatzean balio erantsi bat emateko gai gara”, zehaztu du.

Hiri adimenduna da teknologia mota horrek aukeren leiho handi bat zabaltzen duen beste alorretako bat, hala dio Marta Aranak: “IoT-a hirietan sartzea hain da garrantzitsua, eta hainbeste etorkizun du, ezen Smart City-ek ia entitate propioa baitute, erabat bereizita tratatzeko modukoa”. Egia esan, hiri-altzarietan digitalizazioa (sentsorika) sartzeak funtsezko alderdiak kontrolatzea ahalbidetzen du, hala nola energia-efizientzia, trafikoaren kudeaketa eta bide-segurtasuna, airearen kalitatea, zaratak eta fluxuak edo eraikinen egiturazko osasun-egoera. Horrek guztiak mesede egiten die bai hiriari bai hirian bizi diren pertsonei, eta, azken batean, horixe da D & Ak xede duen ildoa: “Teknologien aurrerapena herritarren beharrak ezagutzeko behar den informazioa lortzera eta horiek asetzeko neurri egokienak definitzera bideratu behar da”, azpimarratu du CEOak.

SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0,BDIH Konexio, Zibersegurtasun Industriala, Enpresa Digitala edo Inplantalariak laguntzaprogramen bidez bultzatzen du. Aurkitu hemen eskuragarri dauden laguntza guztiak.

Digitalizazioa 22 urria, 2021
SPRI Taldeko zuzendariak euskal enpresa-sarearen “bilakaera positiboa” nabarmendu du

SPRI Taldeko zuzendari Aitor Urzelaik euskal enpresa-sarearen “bilakaera positiboa” nabarmendu...Irakurri gehiago

Digitalizazioa 21 urria, 2021
Ecolaundry garbiketa industrialeko euskal frankizia bat da, 180 zentro biltzen dituena eta urteko % 15eko hazkundea duena

Garbiketa automatizatuko zentroen Ecolaundry euskal frankiziak hamar urte bete ditu berriki eta...Irakurri gehiago

Digitalizazioa 20 urria, 2021
Datik, garraio eraginkorrago, jasangarriago eta seguruagoa lortzeko teknologiaren erabileran erreferentea

Digitalizazioa eta datuen analisia gero eta gehiago agertzen dira sektore guztietan, eta...Irakurri gehiago

Digitalizazioa 19 urria, 2021
HRE Hidraulic, 40 urte berritzen eta eboluzionatzen

  HRE Hidraulic enpresa industrial bitxi bat da: bere negozioaren % 30 inguru ikastetxe eta...Irakurri gehiago

5G teknologia ezartzeko laguntzak eskatzeko azken astea

Aste honetan amaitzen da Eusko Jaurlaritzak bultzatutako Enpresentzako 5G Programaren laguntzak...Irakurri gehiago

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?