Klomos sortu da, IoT kudeaketa integralerako sektore anitzeko plataforma
2015ean, Industria 4.0 kontzeptua nonahi entzuten hasi zenean, Marta Aranak, Alberto Blazquezek eta David Montoyak D & A Innovative Systems enpresa teknologikoa sortu zuten, enpresei Gauzen Interneterako (IoT) trantsizioa erraztuko zieten irtenbide digitalak eskaintzeko asmoz. Domotika oinarri hartuta, sortzaileek esperientzia eta aurreko proiektuak baitzituzten arlo horretan, teknologia multzo hori aplikatzea erabaki zuten, bezeroak Industria 4.0 eta Smart Cityn kokatzeko, eta, horrela, makinen kontrola eta zerbitizazioa, produktuen eta proiektuen digitalizazioa, hirietako eraginkortasun energetikoa edo eraikuntza adimendunak bermatzeko.
Gaur egun, sei urte geroago, IIOT (Gauzen Internet Industriala) plataforma propioa atera dute: ‘Clomos’, edozein sektore eta jardueratara egokitu daitekeen irtenbide digitala, pertsonalizagarria gainera, enpresek gehien interesatzen zaien informazioa eskura dezaten. “Plataforma berriak enpresaren edozein aktiboren jarraipena egiten du, era guztietako sentsoreetara eta merkatuko sistemetara konektatuz, askotariko komunikazio-bideei esker. Horrela, erabiltzaileak sarera konektatuta dituen bere gailu guztiak nola funtzionatzen duten jakin dezake, eta emaitzen arabera erabaki estrategikoak har ditzake”, azaldu du Marta Arana D & A Innovative Systemseko CEOak.
Teknologia bera ez ezik, bildutako datuen kudeaketa ere pertsonalizagarria eta moldagarria da, bistaratzeko panelak erabiltzailearen irizpideen arabera konfiguratu baitaitezke, eta horrek, Aranaren arabera, “aktiboekiko interakzioak errazten ditu, enpresaren beharren arabera menuak eta panelak sortuz”. “Teknologiaren izaera moldagarri eta pertsonalizagarria eta kudeaketa-plataformaren sinpletasuna direla eta, jauzi teknologiko hori enpresa txiki eta ertainen eskura dago, eta ez soilik enpresa handien eskura, hori funtsezkoa baita egungo enpresa- eta industria-ehunean”, gaineratu du D & A-ko CEOk.
Zerbitizazioaren, 4.0 industriaren eta Smart cityarenaldeko apustua
Bizkaiko enpresak erabiltzen duen teknologiak aplikazio ugari ditu, ez bakarrik industriari dagokionez, baita hiri adimendunei dagokienez ere. Industriaren ikuspegitik, D & Ak zerbitizazioaren aldeko apustu sendoa egiten du. “Lehiarako abantaila lortzeko har daitezkeen mila estrategien artean, zerbitizazioa da manufaktura-enpresaren arma sekretua”, Aranaren esanetan. “Datuek eta ikaskuntza automatikoak aktiboak kontrolpean izaten, erabaki hobeak hartzen eta erreakzionatzeko gaitasun azkarra izaten laguntzen dute. Informazio digitalari esker eta zerbitizazioaren alde eginez, negozioaren emaitzak optimizatu eta diru-sarrera berriak sor ditzakegu, kostuak optimizatu, bezeroari esperientzia berriak eskaini…Horrela, teknologia digitalak aplikatzean balio erantsi bat emateko gai gara”, zehaztu du.
Hiri adimenduna da teknologia mota horrek aukeren leiho handi bat zabaltzen duen beste alorretako bat, hala dio Marta Aranak: “IoT-a hirietan sartzea hain da garrantzitsua, eta hainbeste etorkizun du, ezen Smart City-ek ia entitate propioa baitute, erabat bereizita tratatzeko modukoa”. Egia esan, hiri-altzarietan digitalizazioa (sentsorika) sartzeak funtsezko alderdiak kontrolatzea ahalbidetzen du, hala nola energia-efizientzia, trafikoaren kudeaketa eta bide-segurtasuna, airearen kalitatea, zaratak eta fluxuak edo eraikinen egiturazko osasun-egoera. Horrek guztiak mesede egiten die bai hiriari bai hirian bizi diren pertsonei, eta, azken batean, horixe da D & Ak xede duen ildoa: “Teknologien aurrerapena herritarren beharrak ezagutzeko behar den informazioa lortzera eta horiek asetzeko neurri egokienak definitzera bideratu behar da”, azpimarratu du CEOak.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0,BDIH Konexio, Zibersegurtasun Industriala, Enpresa Digitala edo Inplantalariak laguntzaprogramen bidez bultzatzen du. Aurkitu hemen eskuragarri dauden laguntza guztiak.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.