Jolasek joko interaktiboen aldeko apustua egin du eskola-ingurunean kirola eraldatzeko
Jolasek, parke eta haurrentzako jolasen ekoizleak, 30 urte baino gehiago daramatza parkeetarako altzariak eskaintzen eta merkatuan erreferente bihurtu da, mundu osoko herrialdeetan presentzia duelarik. Zarautzen dagoen enpresa ezaguna da, besteak beste, iraunkortasunaren alde egiten duelako, edukiontzi horitik berreskuratutako hondakin plastikoak erabiltzen baititu jolas-parkeak egiteko. Orain, apustu horri faktore teknologikoa gehitu behar zaio, Lü gehitu baitu bere jarduerara, hezkuntza-sektoreari zuzendutako produktu berri bat, edozein espazio joko interaktiboko ingurune bihurtzea ahalbidetzen duena.
“Jolasetik uste dugu teknologiarik onena pertsonen bizitza hobetzen duena dela eta Lü-k horretan laguntzen du. Berrikuntza digitala eskola-inguruneko bilakaera fisikoari eta mentalari aplikatzen dion produktua da; izan ere, edozein espazio itxi, gimnasio bat kasu, zeharkako ikaskuntza-espazio bihurtzen du, eta bertan forma fisiko eta mentalean egotea lortzen da sormen handiko proposamen interaktiboen bitartez”, azaldu du Gipuzkoako enpresak.
Soluzioak 3D kamerekin funtzionatzen du, eta horiek sabaian muntatuta, aukeratutako espazioaren horman elementu interaktiboekin egindako hainbat joko proiektatzen dituzte, hartzailearen parte-hartzea eskatzen dutenak. Halaber, denbora errealeko argi- eta soinu-sistema bat du, parte-hartzaileen murgiltzea handiagoa izan dadin. «Hiru konfigurazio posible daude. Lehena, Üno, horma interaktiboa bakarra sortzen duen instalazio iraunkorra da, eta sabaian finkatzeko aurrez muntatutako hiru modulu ditu: 3D kamera, soinua eta argiak eta proiektorea. Hori oso egokia litzateke espazio txikienentzat”, azaldu dute. “Ondoren, Düo daukagu, bi Ünoren elkarketa izango litzatekeena, bi horma interaktibo sinkronizatu sortuz esperientzia talde handiagoetan gauzatu ahal izateko. Eta, azkenik, konfigurazio mugikorra dugu, horma interaktibo garraiagarri bat izatea ahalbidetzen duena, hainbat aretotan erabiltzeko. Muntaia ez da 20 minutu baino gehiagokoa, eta oso formatu egokia da eskola edo enpresentzat”, Jolasetik adierazi dutenez.
Instalazioekin batera, Lü-k hainbat trebetasun pedagogiko garatzera bideratutako aplikazio-sorta zabala proposatzen du, psikomotrizitatearekin edo mugikortasunarekin zuzenean lotutakoetatik hasi eta, aurrekoaz gain, memoria, logika, matematika, erlaxazioa edo hizkuntza lantzen dutenetaraino. «Mineworld aplikazioak, adibidez, hizkuntzaren eta hitzen trebetasunak garatzen ditu. Horretarako, objektu bat proiektatzen da, adibidez, ardi bat, letrez inguratua, eta helburua hitza sortzea izango da, kasu honetan “ardia”, dauden letra guztien artean letra zuzenei sakatuz. Beraz, aukeratutako espazioko horma batean proiektatuko genuke jolasa, eta, adibidez, baloi bat botako genuke letra zuzenetara, bilatzen dugun hitza osatzeraino, punteriarekin lotutako trebetasunak garatuz,hitzak eratzearekin batera», azaltzen dute.
Beste aplikazio batzuek parte-hartzaileen mugikortasuna, erritmoa eta memoria garatzen dituzte. Grööve izenekoak , adibidez, azken koreografia batera iritsi arte egin daitezkeen dantza-urratsen sekuentzia bat eskaintzen du; edo Corner edo Dunkekin futbol- edo saskibaloi-partidak egin daitezke, edo punteria praktikatu, Jolasen arabera, “ikasleentzat motibagarriagoa, eskuragarriagoa eta inklusiboagoa den ingurune batean”.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako programak eta laguntzak ditu. Hemen kontsulta daitezke.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.