Euskal enpresaren blog-a Zure enpresarentzat garrantzitsua den eguneroko informazioa
Albisteak 24 Azaroa, 2021 Digitalizazioa I+G

Innovae-k Errealitate Mistoa aplikatzen duen proiektu aitzindari bat garatu du automozio industriarentzat

SAAM- Sistema Avanzado de Asistencia en Mantenimiento (Mantenimenduan Laguntzeko Sistema Aurreratua) izeneko produktu propio batean oinarrituta dago, zeinak teknologia holografikoa erabiltzen baitu kalitatearen kontroleko prozesuak hobetzeko

Errealitate Mistoan espezializatutako Innovae enpresak konponbide aitzindari bat garatu du Kataluniako Automozio Industriaren Klusterrarentzat (CIAC). Aplikazio bat da, pieza estanpatuen kalibrearen kalitatea kontrolatzeko prozesuak hobetzen dituena. Aplikazioak gailu bat darabil Errealitate Mistoaren teknologia baliatuz jarraibideak urratsez urrats betetzeko eta prozesua modu seguruan gauzatzeko.

 

Innovae-k automozio klusterrarentzat egin duen proiektu berritzaile honek oinarritzat hartu du enpresaren beraren SAAM produktua, teknologia holografikoa erabiltzen duena prozesu gidatuak urratsez urrats bistaratzeko eta lantegian egunero sortzen den ezagutza kritikoa digitalizatzeko. Innovae enpresaren eskarmentuari esker eta SAAM produktua aplikatuz abiarazi da proiektua Meleghy Automotive enpresan.

 

Meleghy Automotive enpresan inplementatu den proiektuak posible egin du kalitatea kontrolatzeko prozesua digitalizatzea, eta prozesu osoaren exekuzioa ere hobetu da Microsoft Hololens 2 izeneko azken belaunaldiko gailu baten bitartez, zeinak jarraibide birtualak gainjartzen baititu langilea prozesuan zehar gidatzeko. Teknologia horrek erabateko berme eta segurtasunez azkartzen du kalitatea kontrolatzeko prozesu osoa.

 

Inplementatu den beste funtzionaltasun bat da urrats bakoitza exekutatzeko behar den informazioa gehitzea; hala, pieza bakoitzaren kalitatea kontrolatzeko trazagarritasunari dagokion reporting-a digitalizatu da, beraz, orain ez da beharrezkoa paperezko txostenak egitea prozesua amaitzean.

 

Hauxe da Innovae-k egin duen lanaren emaitza: orain, SAAM aplikatuta, fidagarriagoa da Meleghy enpresaren kalitatea kontrolatzeko prozesua, eta gainera edozein langilek egin dezake prozesua modu seguruan.

 

SPRI Taldearen helburuetako bat da euskal enpresen eraldaketa digitala. Horretarako abian jarri ditu, besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantariak bezalako programak. Esteka honetan aurkituko dituzu eskuragarri dauden laguntza guztiak.

 

Albisteak 21 uztaila, 2022 Digitalizazioa
SPRIk programa bat diseinatu du enpresek euren profesionalen profil digitala hobetu dezaten
Irakurri gehiago
Albisteak 14 uztaila, 2022 Digitalizazioa
IndesIA-k jendaurrean aurkeztu du industria-enpresetan datua eta adimen artifiziala erabiltzeari buruzko kasu arrakastatsuen gida
Irakurri gehiago
Albisteak 14 uztaila, 2022 Digitalizazioa
Elmubas Petfood Group, lantegi bakar batean maskotentzako pentsu produkzio handiena duen taldea Europan
Irakurri gehiago
Ion Etxeberria_Ikerlan_IndeusElkarrizketak
Albisteak 8 uztaila, 2022 Digitalizazioa
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
Irakurri gehiago
IndeusBerri_uztaileko bannerra
Albisteak 8 uztaila, 2022 Digitalizazioa
IndeusBerri: industria eta euskara uztartzen dituen informazioaren topagunea
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak