Internet of Bodies: gorputzaren etorkizuna plataforma teknologiko gisa
Gauzen Interneten zabalkundearen hurrengo urratsa giza gorputza da, izan ere, gero eta ugariagoak dira gorputzera atxikitzen eta txertatzen diren edo ahotik sartzen diren gailuak eta gailu horien helburua da gorputzaren datuak biltzea. Joera horri Internet of Bodies deitzen zaio, eta abantaila handiak dakartza medikuntzan eta osasunean, baina erronka handiak ere bai datu horien erabileraren arloan.
Duela gutxi, Munduko Ekonomi Erakundeak liburu zuri bat argitaratu du, zeinetan aipatzen diren teknologia berri hauen aukera eta arriskuak, eta baita ere datuen gobernantza hobetzeko giltzarriak. Txostenak dioen bezala, datu biometrikoekin eta portaerari buruzko datuekin erlazionatutako informazio pertsonala biltzeak pribatutasun-arriskuak dakartza, baina diskriminazioa ere sor lezake enplegua, aseguruak, finantzak edo osasun-zerbitzuak eskuratzeko orduan.
Bai medikuntza arloan eta bai beste arlo batzuetan, ugaritu egin dira sentsorez hornitutako gailuak, hau da, gure gorputzaren funtzionamenduari buruzko datuak biltzen dituztenak. Gainera, horietako batzuk bereziki diseinatzen dira gorputzaren portaera aldatzeko, eta horrela hobetu egiten da patologia bati ematen diogun erantzuna edo areagotu egiten dira gure gaitasun fisikoak. Internet of Bodies kontzeptu zabala da, eta bere baitan hartzen ditu sistema ez inbaditzaileak (fitness eskumuturrekoak eta ordulari adimendunak), baina baita ere azalpeko txipak, organo artifizialak edo farmako digitalak.
Horrelako gailuak ikaragarri zabaldu dira azken urteotan, gero eta kezka handiagoa baitago gure osasuna modu pertsonalizatuan kudeatzeko. Horren erakusgarri, glukosa, tentsioa eta tenperatura bezalako datuak monitorizatzen dituzten partxe medikoek 7.500 milioi dolar inguru sortu zituzten 2018an. Gainera, arlo medikoaren eta ez medikoaren arteko muga gero eta lausoagoa da: fitness egiteko wearable fabrikatzaile batzuek (adibidez Apple edo Fitbit) dagoeneko bideratu dituzte euren produktu batzuk osasun- eta aseguru-sektoreetara, eta produktu medikoak egiten dituzten konpainiek ere arakatu dituzte beste arlo batzuk, esaterako, industria.
Horrelako teknologiek abantaila handiak dakarzkiote osasunari, besteak beste, pazienteen urruneko monitorizazioa, ohitura osasuntsuagoak sustatzea eta osasun prebentiboaren aurrerakuntza. Gainera, datu genetikoak, biologikoak eta portaerarekin lotutako datuak masiboki aztertzea oso baliagarria da zientziak aurrera egin dezan. Hala ere, Munduko Ekonomi Erakundearen liburu zuriak dio kontuan hartu behar direla interoperagarritasunarekin, zibersegurtasunarekin eta ekitatearekin lotutako arriskuak.
Hala, txostenak hainbat estrategia eta gomendio biltzen ditu gobernantza-sistema sendo bat eraikitzeko Internet of Bodies delakoaren inguruan. Neurri horietako batzuk dira “osasun arloko datuen” definizio berri bat, eta datu arriskutsuak sailkatzeko modu berri bat, beti ere oinarritzat hartuz horrelako teknologiekin eskuratutako datuek izan ditzaketen erabilpenak.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.