Euskal enpresaren blog-a Zure enpresarentzat garrantzitsua den eguneroko informazioa

30 iraila, 2020
Ideable-k zuzentzen duen proiektu europarrak helburutzat du adinekoen ahultasuna detektatzea

Fraagile proiektuaren asmoa da adinekoen etxeko independentzia luzatzea

 

Ahultasuna da pertsona batek ezgaitasun fisiko nahiz mental bat garatzeko duen arriskua, eta oso faktore garrantzitsua da adinekoen erorketa arriskua detektatzeko orduan. Fraagile proiektu europarraren helburua da ahultasun-zantzuak urrunetik zaintzea eta prebentzio-plan pertsonalizatuak eskaintzea.

 

Ideable Solutions euskal enpresak zuzentzen du proiektu hori, zeinak oinarritzat baititu software plataforma bat, erabiltzaileentzako tablet bat eta wearable gailuak. Sistema horrek ahultasun-zantzuei buruzko datuak biltzen ditu, erabiltzaileak etxetik betetzen dituen ohiturei buruzko galdetegien, test kognitiboen eta ariketa fisikoen bidez. Adimen artifizialeko teknologiak erabiliz, Fraagile-k informazio hori aztertzen du eta emaitzak helarazten dizkie mediku arduradunei.

 

Proiektu honen helburua da ahultasunaren kudeaketa erraztea, irisgarriago eta eskuragarriago izan dadin. “Gaur egun ez dago ahultasuna neurtzeko plataformarik; test guztiak kontsultan egiten dira presentzialki eta oso lantzean behin, gainera, batzuetan emaitzak paperean apuntatzen dira” azaldu du Iñaki Bartolomék, Ideable enpresako zuzendari nagusiak, “Fraagile-k, aldiz, datu guztiak informatizatzen ditu eta aukera ematen du paziente bakoitzaren bilakaera aztertzeko”. Sistema honek bere datuak eskaintzen dizkie ahultasuna neurtzeko nazioarteko eskala garrantzitsuenei, besteak beste, Deustuko Unibertsitateko eVida ikerketa-taldeak proiektuaren barruan garatutako eskala bati.

 

Jasotako informazioan oinarriturik, medikuek paziente bakoitzari zuzendutako planak egin ditzakete erorketak saihesteko, sistemak berak proposatzen dituen ariketekin osaturik. “Helburu nagusia da pertsona bat ez dadila inoiz iritsi erorketa bat eragin dezakeen ahultasun fisiko edo mentalera, horrek izugarri murriztuko bailuke bere bizi kalitatea” azaldu du Iñaki Bartolomék “erorketak detektatzeko sistema asko daude, baina guk nahi duguna da erorketarik ez gertatzea”.

 

Proiektu honetan Suitza, Hungaria, Txipre eta Errumaniako 8 bazkidek parte hartzen dute, eta baita Deustuko Unibertsitateko eVida ikerketa taldeak ere. Momentuz, plataformaren lehen bertsioa bukatuta dago, eta espero da aurtengo abenduan hasiko direla probak benetako erabiltzaileekin. Helburua da sistema hau medikuentzako eta adinekoen zaintza-zentroetarako zerbitzu bihurtzea, eta Ideable enpresaren Kwido plataforman sartuko da.

 

Fraagile proiektua 2019aren erdialdean abiatu zen, AAL Programme eta Bizkaiko Foru Aldundiaren laguntza eta finantzaketarekin.

 

IKTak 23 urria, 2020
Langabezia % 10etik behera, BPGa % 40tik gora industrian eta zerbitzu aurreratuetan, eta I+G Europako batez bestekoan

Existitzen den produkzio-egitura indartzearen aldeko apustua egin du Tapiak eta hiru trantsizio...Leer más

IKTak 21 urria, 2020
Irontec-ek telelanaren eraginkortasuna hobetzeko zerbitzua abiarazi du

  Urruneko lana erabat edo partzialki ezarrita, erakundeek beren lantaldea konektatuta...Leer más

Digitalizazioari esker krisiari ongien aurre egin dioten enpresen ikaskuntzak

  Ezin da ukatu digitalizazioa oinarrizkoa izan dela osasun larrialdian zehar. Teknologiari...Leer más

deusto forotech
“Garai berriak? Konektatu, partekatu eta parte hartu”: ForoTech

Urriaren 28tik 30era, Deustuko Unibertsitateak FOROTECH Ingeniaritzaren eta Teknologiaren...Leer más

IKTak 20 urria, 2020
ERLO Group: “Teknologia ez da helburua, baizik eta zerbitzuak saltzen laguntzen digun bitartekoa”

  ERLO Group konpainia gipuzkoarra adibide argia da erakusteko nola, digitalizazioari eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?