Gaizka Iriarte, Gureak Dataposteko zuzendaria.
Eraldaketa digitala
Albisteak 18 abendua, 2024

Gureak enpresak digitalizazioaren arloan aurkitu ditu desgaitasuna duten pertsonentzako enplegu berriak

Donostiako enpresak SPRI Taldearen Adimen Artifizialeko programaren dirulaguntza bat jaso du, eta 6.100 langile ditu.
-

Donostian du egoitza nagusia Gureakek eta Gipuzkoan enplegu gehien eskaintzen dituen enpresa pribatua da, 6.100 langilerekin. Enpresak lan-aukerak eskaintzen dizkie desgaitasuna duten pertsonei eta orain digitalizazioaren bidez enplegua sortzea da bere helburua. SPRI Taldearen adimen artifizialeko programaren laguntza jaso du enpresak. Hain zuzen ere, programaren helburua da Euskadiko enpresen artean AAn oinarritutako proiektuak babestea, eta enpresa honek Vuelingen erreklamazio-zerbitzua hobetzeko erabili du, bere bezeroetako bat baita.

Enpresa 1975ean sortu zen adimen desgaitasuna zuten pertsonen senideen ekimenez, garapen profesionala eskaintzeko. Sozietate anonimo publiko-pribatua da, irabazi-asmorik gabea, eta Atzegi da akziodun nagusia (% 32), desgaitasuna duten pertsonen Gipuzkoako elkartea. Beste % 20 Kutxa Fundazioaren, Gipuzkoako Foru Aldundiaren eta ONCEren mendeko Ilunion enpresaren esku dago, hurrenez hurren.

“Sozietate anonimo gisa hastea berritzailea izan zen” adierazi dute Gaizka Iriartek, Gureak Dataposteko zuzendariak, eta Irati Alkortak, zerbitzu digitaletako arduradunak. Jardueraren hasieran, industria-arloan jardun zuen, zerbitzuen eta komunikazioen dibertsifikazioarekin.

Orain, partaidetza pribatua duen enpresarik handiena da Gipuzkoan enpleguari dagokionez, 6.100 langile baititu (5.000k desgaitasuna dute) hiru dibisiotan banatuta: industria, zerbitzuak eta Datapost. “Eta gero Gureak Itineraty daukagu, desgaitasuna duten pertsonei garapen sozio-laboralean laguntzeko. Prestakuntza-ekintzak, lanean hasi aurrekoak edo hezkuntzakoak hartzen ditu barne”. Urteko fakturazioa 300 milioi euro ingurukoa da.

Industriako dibisioa da handiena; 3.000 pertsona inguru ditu Gipuzkoa osoan eta 14 ekoizpen-instalazio. Nazioartekotze maila handia du, 20 herrialdetan saltzen baitu. Automobilentzako osagarriak eskaintzen ditu –”multiteknologikoak dira, hala nola autoen argientzako kableak”– eta energia berriztagarrietarako, altxatzeko sektorerako eta etxeko erosotasunerako produktuak.

Zerbitzuen dibisioan 1.500 langile ditu garbiketan, lorezaintzan, hornitegietan, salmenta-makinetan eta ostalaritzan lanean. Arlo horretan, salmentak Gipuzkoan soilik egiten ditu. Hirugarren dibisioan, Gureak Dataposten, 500 pertsona baino gehiago ditu eta datua, informazioa eta komunikazioak kudeatzeko zerbitzuetan jarduten dute. “Datu-multzoak bidaltzen dizkigute eta guk informazio gehiago ematen diegu. Esaterako, Osakidetzako historia klinikoak digitalizatzen ditugu eta, ondoren, metadatuak gehitzen dizkiogu fitxategiak balio handiagoa izan dezan”.

“Datua handitzea esaten zaio horri”, gehitu dute. Adimen artifizialeko ereduen entrenatzaileak dira. “EJIEn (Eusko Jaurlaritzako sozietate informatikoan) automatikoki transkribatzeko ereduak hobetu nahi dituzte eta norbaitek entrenatu behar ditu eredu horiek. Horretarako gaude gu. Ereduaren fidagarritasun handiagoa lortzen dugu”.

100 postariko lantaldea

Hala, Gureak Datapostek bidaiaren erreklamazioei erantzuten die, Vuelingen moduko enpresetan; herritarrei arreta eskaintzen die udaletan; edo webguneei laguntza teknikoa ematen die, adibidez, Metapostari. Gainera, Kataluniako eta Euskadiko zergak eta isunak inprimatu eta gutun-azaletan sartzen dituzte, errenta-aitorpena egiten dute Gipuzkoan edo Osakidetzako komunikazioak egiten dituzte minbiziaren baheketa-programetarako. “Koloneko minbiziaren baheketako probak egiteko laginak bidaltzen ditugu. Autonomia-erkidego ia guztietan egiten dugu. Eta 100 postariko lantaldea dugu, Gipuzkoan gutunak banatzeko”.

Administrazio publikoa da haien bezero nagusia, negozioaren % 65, eta beste % 35 enpresa pribatuak dira, besteak beste, Vueling, Carrefour, Kutxabank, Caja Laboral, Mutua Madrileña edo Cuetara.

“Gure helburu nagusia da ingurune digitaletan enplegua sortzea, desgaitasuna duten pertsonentzako aukerak sortzea baita gure xedea. Historikoki aukerak sortu ditugu industrian eta zerbitzuetan eta bereizgarria da egun ingurune digitaletan eskaintzen ditugula”.

I+G garrantzitsua da Gureak enpresarentzat eta, funtsean, prozesuak egokitzean datza, desgaitasuna duten pertsonek parte hartu ahal izateko. Gureak Dataposten soilik, urtean 200.000 euro inguru inbertitzen dituzte I+Gn.

SPRI Taldearen Adimen Artifizialaren programarentzako laguntzarekin elkarrizketa bidezko laguntzaile bat garatu da Vuelingeko erreklamazioen zerbitzuko agenteentzat (desgaitasuna duten pertsonak dira). “Jazoerak nola kudeatu diren jakiteko erantzunak ematen ditu, historia eta jarduketa-protokoloak aintzat hartuta. Lehenengo fasea amaitu da dagoeneko eta Tekneik egin du garapen teknologikoa”.

SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.

 

 

Lotutako albisteak

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

Gipuzkoak  teknologia  kuantikoetan  sakonduko  du  Creative  Destruction  Lab  ekimenaren  bultzadarekin,  BIC  Gipuzkoa  
eta  IESE  Business  School  erakundeekin  lankidetzan

Gipuzkoak teknologia kuantikoetan sakonduko du Creative Destruction Lab ekimenaren bultzadarekin, BIC Gipuzkoa 
eta IESE Business School erakundeekin lankidetzan

CDL-Donostia zentroak bat egingo du nazioarteko CDL Quantum programarekin, 
eta adimen artifizial (AA) kuantikorako eta hizkuntza naturalaren prozesamendurako CDL AA korronte bat jarriko du abian; alde batetik, IBMren System Two ordenagailu kuantiko iritsi berria osatzeko eta, bestetik, teknologia sakonak Europan merkaturatzeko nodo gisa Gipuzkoaren ekimena haziarazteko.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira GISLAN, Arabako Enpresen Foroa, Enpresa Digitala, Proiekzio demolinguistikoa eta Cyber Range laborategi.

Euskal  Encounterrek  sistema  robotikoei  aplikatutako  adimen  artifizialari  buruzko  tailerra  jasoko  duobóticos

Euskal Encounterrek sistema robotikoei aplikatutako adimen artifizialari buruzko tailerra jasoko duobóticos

Ostegunean egingo da mintegia eta SPRI Taldearen laguntza jasoko du

Jakin  nahi  al  duzu  zure  enpresa  zibereraso  baterako  prest  dagoen?  Jakin  ezazu  SPRIren  zibersegurtasuneko  simulakroen  zerbitzu  berriarekin

Jakin nahi al duzu zure enpresa zibereraso baterako prest dagoen? Jakin ezazu SPRIren zibersegurtasuneko simulakroen zerbitzu berriarekin

Jarri proban zure enpresaren erreakzio-gaitasuna ingurune seguru eta errealista batean. SPRIk zibersegurtasuneko simulakroen doako zerbitzua jarri du abian ahultasunak identifikatzeko eta eraginkortasunez jarduteko aukera izan dezazun. Eskatu ORAIN.

Milaka  teknologia  zale  bilduko  dira  BECen,  Euskal  Encounter  topaketan,  sektore  digitalaren  hitzordu  handienean

Milaka teknologia zale bilduko dira BECen, Euskal Encounter topaketan, sektore digitalaren hitzordu handienean

Uztailaren 24tik 27ra, 4.000 ordenagailu eta 5.000 parte-hartzaile baino gehiago elkartuko dira Barakaldon, eta 200 jarduera inguru izango dira. Publiko zabalarentzako gune irekia ere egongo da, hitzaldi, tailer eta standekin, baita 3D inprimaketarako espazioa, ekimen solidarioak, hezkuntza-teknologiako proposamenak eta bideojokoen sektorearekin loturiko eremuak ere

INGENERSUNek  balazta-diskoen  pintaketa  automatizatu  du  Poloniako  Stellantis  instalazio  batean

INGENERSUNek balazta-diskoen pintaketa automatizatu du Poloniako Stellantis instalazio batean

Instalazioak bost ATEX robot eta teknologia aurreratuak integratzen ditu, zeinen bidez pintatzeko prozesuan produktibitate eta zehaztasun handiak lortzen diren.

Konexio:  “Gure  helburua  da  erakundeei  nazioarteko  talentua  aurkitzen  laguntzea  eta  prozesu  osoan  laguntzea”
16/07/2025 Ekintzailetza

Konexio: “Gure helburua da erakundeei nazioarteko talentua aurkitzen laguntzea eta prozesu osoan laguntzea”

Bizkaiko enpresak irtenbidea ematen dio tokiko profesionalak aurkitzeko zailtasunari, eta profilak beste herrialde batzuetatik lekualdatzea errazten du.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.