GPONDoctor: “Etxerainoko zuntz-sareen zerbitzuen kalitatea bermatzen dugu”
Euskadiko startup-ak teknologia propioa du, eta mundu osoko bezeroak ditu
GPONDoctor telekomunikazio-enpresak zuntz optikozko sareen konexioetan egon daitezkeen anomaliak identifikatzeko eta konpontzeko soluzioak garatzen ditu. Startup horrek garatzen dituen gailuek komunikazioaren kalitatean eragiten duten portaerak identifikatzen dituzte, eta, hala, telekomunikazio-operadoreek hutsegiteak konpon ditzakete, bezeroak akatsak igarri aurretik ere. FTTH (Fiber To The Home, edo zuntza etxeraino) motako sareei zuzenduriko zerbitzuari esker, Interneteko edukiak kontsumitzen dituzten azken bezeroek kalitate hobeagoko esperientzia dute.
Asko hedatzen ari den merkatu batean dago GPONDoctor, zuntz optikoaren aldeko apustu handia egiten ari baitira operadoreak. Kontsumitzaileek gero eta gehiago erabiltzen dituzte streaming bidezko bideo-zerbitzuak —Netflix edo Prime Video, adibidez—, eta konexioaren kalitatea gakoa da bezeroen fideltasuna bermatzeko. Zuntz optikoaren operadoreak kalitaterik eskaintzen ez badu, bezeroek segituan aldatuko dute konpainiaz.
Horregatik da GPONDoctor-en lana hain garrantzitsua operadoreentzat. “Anomaliak aurretiaz detektatzeko eta bezeroaren zerbitzuari eragin aurretik zuzentzeko aukera ematen dugu”, azaldu du Enrique Areizaga-k, startup-aren CEOak. “Operadoreek inbertsio handia egiten dute, eta, beraz, bezeroak fidelizatu behar dituzte”. GPONDoctor-en zuzendari exekutiboaren esanean, kalitate baxua izateak 700 milioi euroko galera ekartzen die urtean Estatu Batuetako telekomunikazio-operadoreei.
2016an sortu zen startup hau, Tecnalia R&I zentro teknologikoaren eta Telnet Redes Inteligentes enpresaren arteko lankidetzari esker. Ikerketan eta garapenean egindako inbertsio handi baten bidez, sarearen portaera zaintzeko gai den teknologia propioa sortu zuen lantaldeak. Horri esker, lehiakide gutxi dituen merkatuan kokatu da: nazioartean, bi lehiakide besterik ez ditu. GPONDoctor 25 herrialdetan baino gehiagotan dago, eta, dagoeneko, 65 bezero inguru ditu, operadore nagusiak barne. “Enpresa txiki bat gara, eta zifrek erakusten dute gure soluzioa baliagarria eta ahaltsua dela”, dio Enrique Areizagak.
Gaur egun, nazioartean hedatzen ari da enpresa, eta 2019ra begira bi produktu ari da lantzen. Alde batetik, 10 Gb-eko FTTH sareentzako egungo soluzioaren bilakaera garatzen ari dira. Bestetik, adimen artifiziala duen zaintza-ekipo txiki berri bat garatzen ari dira, beharrezkoa denean sistema era autonomoan birkonfiguratzeko gai izango dena. “Erabiltzaileek bezeroaren arreta-zerbitzura inoiz deitu behar ez izatea da helburua”, esan du startup-aren CEOak.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.