Gauzen Internet edozein objektura eramateko gai da CoolFox
Stockare euskal startupa logistikarako eta 4.0 Industriarako lokalizagailuak garatzen ari da
Ia edozein objektu zaintzeko eta haren kokapenari eta egoerari buruzko daturik garrantzitsuenak jasotzeko gai da CoolFox gailu txikia. 2017an Lander Unanuek, Jon Clementek eta Aitor Gilek sortutako Stockare startup bizkaitarrak garatu du produktua. Taldeak Bind 4.0-ren azken deialdian parte hartu zuen —Eusko Jaurlaritza eta SPRI Taldea buru dituen azelerazio-programa horren helburua da 4.0 Industriarako irtenbide teknologiko berrien sorkuntza sustatzea—.
Beste lokalizagailuekin alderatuz gero, CoolFox-ek ezberdintasun garrantzitsu bat du: SigFox sarean oinarrituta dago. Komunikazio-sistema horrek ez du mugikorren edo WiFi-aren estaldurarik behar, eta datuak lainora bidaltzen ditu bateria gutxi gastatuta. Ezaugarri horiei esker, kokapen-datuak eta sentsoreen datuak (tenperatura eta hezetasuna, esaterako) bidaltzeko gai den eta urtebete baino gehiago iraun dezakeen bateria duen gailu txikia garatu ahal izan du Stockarek.
“Mugikorren ohiko estaldura erabiltzeko, lokalizagailu handiagoak behar ziren, kontsumoa handiagoa zen eta bateria, batzuetan, aste baten buruan agortzen zen”, azaldu du Lander Unanue Stockareren zuzendari nagusiak. “CoolFox-ekin ez duzu SIM txartelik behar edo operadoreekin kontraturik egin behar, tamaina txikiagoa du, kontsumo baxua eta bateriak gehiago irauten du”. Konexio-sistema honen bidez bidal daitekeen datu-bolumena mugatua da. Ez du balio irudiak edo bideoak bidaltzeko, bai, ordea, geolokalizazioarekin edo objektuaren egoerarekin erlazionatutako datuak bidaltzeko. Gailuaz gain, onlineko plataforma bat ere garatu du enpresak, informazio guztia kudeatu ahal izateko. Plataformaren bidez, alarmak jar daitezke; adibidez, objektua puntu jakin batetik ateratzen den edo aurretik finkatutako tenperatura gainditzen duen kasuetarako alarmak.
Aurten egin den Bind 4.0-ren bigarren deialdian parte hartu zuten 27 startupetako bat izan da Stockare. ABB konpainiarekin batera, kanpoko mantentze-lanetan ekipamenduen sarrera eta irteera kudeatzera bideratutako soluzio bat garatu du. Ekipamendu baliotsuenentzat eta mugikortasun handiagoa dutenentzat bereziki pentsatua dago gailua, eta uneoro lokalizatzeko aukera ematen du.
Enpresa dagoeneko hasi da CoolFox soluzioa merkaturatzen, eta estatuko nahiz Europako eta Afrikako bezeroak ditu. Horrez gain, hornikuntza-kateen ikusgaitasuna hobetzeko soluzio espezifiko bat garatzen ari da. “Une honetan, hornikuntza-kateak kutxa beltz bat bezalakoak dira”, azaldu du Lander Unanuek, “merkantzia enpresatik atera, garraiolariak jaso eta ez dakizu zer gertatzen den helburura heldu bitartean”. Startup honen asmoa da palet edo pakete bakoitzean jar daitekeen gailu bat sortzea, uneoro non dagoen, noiz helduko den eta bidean kalterik edo tenperatura-aldaketarik izan duen jakiteko.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.