Gasteizek Startup Europe Week ekimena inauguratuko du azeleragailuei buruzko jardunaldi batekin
Martxoaren 5ean izango da Europa Jauregian
Startup Europe Week Europako Batzordeak bultzatutako ekimen bat da, eta bere helburua da eskualde desberdinetako startupen ekosistemak indartzea. Aurten hirugarren edizioa egingo da eta tokian tokiko topaketak antolatuko dira Europa osoan. Hala, Gasteiz izango da #SEW18 inauguratuko duen hirietako bat, startupen azeleragailuei buruzko ekitaldi batekin.
Jardunaldi hori martxoaren 5ean egingo da Europa Jauregian, Álava Emprende erakundeak antolaturik. Doako topaketa horretan zuzenean emango dira ezagutzera Euskadin, Estatuan nahiz Europan eskaintzen diren azelerazio-programa batzuk. Gainera, Startup Europe Week ekimenaren baitako ekitaldi guztietan bezala, orobat ezagutaraziko dira ekintzaileei eta enpresa berriei zuzendutako laguntza publikoak. Bertaratuek aukera izango dute hainbat erakundek (Gasteizko Udalak, Arabako Foru Aldundiak, Eusko Jaurlaritzak SPRIren bitartez, eta baita ere Estatuak eta Europak) bultzatzen dituzten programak ezagutzeko.
Hauek dira Startup azeleratzailea, moda ala aukera ona? topaketako parte-hartzaileak: Gasteizko Metxa azelerazio programa, Arabako Emprendiza inbertsio funtsa, industriara bideratutako Bind 4.0 azeleragailu publiko-pribatua (Eusko Jaurlaritzarena) eta Europako ETE Tresna programa. Horrez gain, Optimus 3D, Ensotest, Erle Robotics eta Optimitive euskal ETEek beste eskualde batzuetako azeleragailuetan izandako esperientziak azalduko dituzte: Lazarus (Gaztela Mantxa), Incibe (Leon), Techfounders (Alemania) eta Surge (Estatu Batuak).
Ekitaldi horrekin, Gasteiz izango da Startup Europe Week ekimena inauguratuko duen hirietako bat, Errumaniako Brasov hiriarekin batera. Europako ekimen horren barruan, tokian tokiko eragileek ekintzailetzari buruzko jardunaldiak antolatuko dituzte martxoaren 5etik 9ra bitartean. Gaur egun SEW da ekintzaileak bultzatzeko jardunaldi anitzeko ekitaldi handiena, eta bere helburua da ezagutzera ematea nolako laguntza-tresnak eta baliabideak dauden eskualde bakoitzean ekintzaileentzat.
Lotutako albisteak
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.