Euskal enpresaren blog-a Zure enpresarentzat garrantzitsua den eguneroko informazioa

25 apirila, 2018
Gamifikazioa erabiltzea talentua aurkitzeko

 

Maiatzaren 15ean doako jardunaldi bat egingo da Bizkaiko Zientzia eta Teknologia Parkean

Itsas-bidaia bat egiten ari zara Atlantikoan barrena, eta bat-batean, baltsa batean esnatu zara beste pertsona batzuekin batera. Itsasontzia hondoratu egin da, eta momentu horretako erabakien mende dago zuen biziraupena. Horixe da Gestionet euskal enpresak garatu duen eszenatokietako bat talentua aukeratzeko prozesu baterako, non jolasaren tresnak baliatzen baitituzte pertsonen gaitasunak ebaluatzeko.

 

Gamifikazioa bere txokoa lortzen ari da Giza Baliabideen sailetan, talentua atzemateko estrategia gisa erabiltzen baita; hala, esperientzia murgiltzaileak sortzen dira pertsonek beren gaitasunak praktikan jar ditzaten. “Egoera jakin batean jartzen duzu erabiltzailea, eta egoera horretan erabakiak hartu eta lehenetsi behar ditu, eta ingurukoekin kolaboratu” azaldu du Íñigo Ocarizek, Gestionet enpresako zuzendari komertzialak; “hortik abiatuta neurketa psiko-metriko batzuk egiten dira, jakiteko nolako jarrerak edo gaitasunak dituzten talde lanerako edo erabakiak hartzeko”.

 

Datorren maiatzaren 15ean, SPRI Taldeak Gamifikazioa talentu-hautaketan jardunaldia antolatuko du Bizkaia Enpresa Digitalaren bitartez Bizkaiko Zientzia eta Teknologia Parkean. Gestionet enpresako Íñigo Ocariz eta Daniel Gonzálezek emango dute hitzaldia, non azalduko baitute posible dela jolasaren estrategiak erabiltzea enpresetan, batik bat, talentua erakartzeko eta prestatzeko. Topaketak helburutzat du existitzen diren teknikak ezagutaraztea eta bere abantailak eta desabantailak erakustea. Jardunaldiaren egitarauan gamifikazioa zer den azalduko da, eta hizpide hartuko dira portaerak aztertzeko tresnak, serious games-en erabilera, eta hainbat aplikazio-eredu, kasu praktikoen bitartez.

 

Horrelako teknikak oraintxe hasi dira sartzen gure inguruko enpresetan. Gestionet enpresako kideek diote oso eraginkorrak direla, neurketa tradizionalak bezain beste, eta, gainera, ingurune atseginagoak eskaintzen dituztela, pertsonek beren gaitasunak era naturalagoan erakuts ditzaten. “Hertsiki loturik dago employer branding kontzeptuarekin eta enpresek talentua atzematean eman nahi duten irudiarekin, izan ere, profesional belaunaldi berriek beste komunikatzeko era batzuk erabiltzen dituzte” adierazi du Íñigo Ocarizek.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?