Fabrikazio Gehigarria: Gaitzaile garrantzitsu bat 4.0 Industriarentzat
Argazkian, César Pérez aurkezten dizuegu, LORTEK-eko Teknologia Zuzendaria.
Hilabete honetan, Basque Digital Innovation Hub-en Fabrikazio Gehigarriko nodoaren gaitasun teknologikoak eta giza gaitasunak, euskal industria-sareari aurkeztu zaizkio, eta César Pérez BDIH Fabrikazio Aditiboko nodoaren koordinatzailearen iritziarekin itxi egingo da.
Cesarrek Kolonbiako Unibertsitate Nazionalean hasi zuen bere hezkuntza, Industria Ingeniaritzan graduatuz, eta geroago Zientzietako doktore titulua lortu zuen materialen arloan, Valladolideko Unibertsitatean. Ondoren, Enpresa Kudeaketako master bat egin zuen Alcala-ko Unibertsitatean, berrikuntzan eta finantzen kudeaketan espezializatuz IE Business Schoolen eta IESEn, hurrenez hurren. Berrikiago, espezializazio bat egin du Pennsylvaniako Unibertsitate ospetsuan, Big Dataren erabileran eta analisi prediktiboan oinarritua. Bere ibilbide profesionalean zehar, nagusiki manufaktura-enpresetan lan egin du, produktu-kudeatzaile, proiektu-kudeatzaile edo negozio-garatzaile gisa, eta, orain arte, Kolonbiako Unibertsitate Nazionalean eta Valladolideko Unibertsitatean irakaskuntza- eta ikerketa-karguekin uztartu du. 2019ko irailetik, LORTEK-eko zuzendari teknologikoa da.
Esperientzia eta lorpen horiekin batera, Cesar ere BDIHren fabrikazio gehigarriko nodoaren koordinatzailea da. – Nodoak hainbat zentroren gaitasunak, ezagutzak eta teknologiak integratzen dituzten egiturak dira, euskal empresa industrialei leiho bakar baten bidez ahalik eta erantzunik onena emateko.
Hala, Euskal Autonomia Erkidegoan fabrikazio gehigarriak gero eta garrantzi handiagoa hartu du industria-sektorean, abangoardiako tekniken eta industria-ekoizpenaren foku handia direla eta.
Nodo honek 32 aktibo ditu 13 zentrotan banatuta (LORTEK – Koordinatzailea, CEIT, CIDETEC, GAIKER, IDEKO, IKERLAN, IMH, INNOVALIA, MONDRAGON UNIBERTSITATEA, TECNALIA, TEKNIKER, UPV/EHU eta VICOMTECH), fabrikazio gehigarrirako teknikak txertatuz euskal industrian dauden arazoak konpontzen laguntzen dutenak. Teknika horiek balio-kate osoa hartzen dute barnean, diseinutik eta ekoizpenetik hasita eta Fabrikazio gehigarrirako diseinu, post-produkzio, baliozkotze, monitorizazio eta digitalizaziora arte, horrela, sektorearen lehiakortasuna eta eskualdearen eragin ekonomiko eta sozialak areagotuz Nodoaren balio handienetako bat, zentro guztien gaitasun tekniko eta giza gaitasun horiek guztiak bateratzea da, abangoardiako teknologia horiek erabiliz, euskal industriari produktuak eta zerbitzuak garatzen laguntzeko,
Fabrikazio gehigarria, geometrikoki konplexuak diren piezen serie laburren ekoizpenean oinarritzen da, ohiko tekniken bidez fabrikatzea ezinezkoa direnak. Teknika honek, piezak geruzaz-geruza bidez fabrikatzeko teknologiak erabiltzen ditu, baita diseinu-teknika sofistikatuak ere, hala nola, optimizazio topologikoa edo “diseinu sortzailea”, bezeroaren aurreikuspenak eta eskakizunak betetzen dituzten diseinu disruptiboak lortzeko. Piezak ekoizteko, fabrikazio gehigarriko teknologia ugari daude, bai material zeramikoetarako eta baita material polimerikoetarako, metalikoetarako edo konpositeetarako, horrela enpresaren erronka bakoitzaren neurrietara, tolerantzietara eta materialetara egokituz.
Fabrikazio Aditiboaren bidez eta nodoaren gaitasunekin lor daitezkeen piezen teknologia, lan-material, dimentsio eta tolerantzia batzuk, gida orientagarri honetan ikus daitezke.[1]
Euskal enpresa batzuk, zuzenean hasi dira fabrikazio gehigarriko nodoak eskaintzen dituen teknologia horien onurak lantzen eta esperimentatzen, eta funtzio berriak dituzten produktuen diseinu berriak lortu dituzte, prestazio handiagoak edo, oro har, funtzionalitate berriak eskaintzeko osagai optimizatuak.
Fabrikazio gehigarriak, diseinu- eta ekoizpen-teknologia berriak hartzea ez ezik, 4.0 iraultzan txertatutako industria-paradigmaren aldaketa argia ere suposatzen du. Produktuen hiperkustomizazioa errealitate bat da gaur egun, baita prozesuen eta produktuen iraunkortasunaren eta smartizazioaren eskakizunak ere. Fabrikazio gehigarriak, eginkizun garrantzitsua du erronka horietan: enpresei malgutasun handiagoa ematen die beren diseinuetan eta produktuetan, produktuen bizi-zikloetako jasangarritasun-paradigma berriei laguntzen die, eta enpresei aukera ematen die diseinu- eta ekoizpen-malgutasuna digitalizazioarekin, sentsorizazioarekin eta IoT-arekin bateratzeko produktu-lerro berriak sortzeko, produktuei bide berriak eta datuetan oinarritutako balioa irekiz.
Jar zaitez harremanetan BDIH sarearekin zure enpresa gehien interesatzen zaizkizun irtenbideetara nola hurbildu dezakegun jakiteko.
[1] Review Fused deposition modeling-based additive manufacturing (3D printing): techniques for polymer material systems, Materialstoday Chemistry, Volume 16, June 2020) -en oinarrituta
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.