Eusko Jaurlaritzak eta Munduko Itunak garapen jasangarriaren arloko aukerak hurbiltzen dizkiete enpresei
Abian jarri da NBEren Garapen Jasangarrirako Helburuei buruzko prestakuntza-plataforma
Enpresak ingurune jasangarria behar du arrakasta izango badu; horra Nazio Batuek Garapen Jasangarrirako Helburuetan (GJH) ezarri duten baldintzetako bat. Plan hori, 2016an indarrean sartu zena, ekintzarako estrategia anbiziotsu bat da, helburutzat duena oparotasuna lortzea pertsonak eta planeta erdigunean jarriz. Testuinguru horretan, enpresen inplikazioa ezinbestekoa da hazkunde ekonomiko jasangarri eta inklusiboa sustatzeko. Gainera, GJHek hainbat aukera eskaintzen dituzte sektore guztietako enpresentzat, batik bat, nazioartekotzea helburu dutenentzat.
Horregatik, Munduko Itunaren Espainiako Sareak eta Eusko Jaurlaritzak proiektu bateratu bat abiarazi dute enpresei prestakuntza emateko Garapen Jasangarrirako Helburuen inguruan. Berriki abiarazi den ekimen hau, non parte hartzen duten ADEGI, CEBEK eta SEA euskal enpresa-elkarteek, GJHei buruzko onlineko prestakuntza plataforma bat da.
Prestakuntza-espazio berri horrek hiru helburu argi dauzka: enpresei azaltzea zer diren Garapen Jasangarrirako 17 Helburuak, nolako negozio aukerak eskaintzen dituzten eta nola inplementatu ditzaketen antolakunde barruan. Azalpenezko bideo bat, ikus-entzunezko laguntza-materialak eta ikaskuntza-test bat sortu dira modulu bakoitzarentzat. Prestakuntza-prozesuak, berriz, ordubete inguruko iraupena du gutxi gorabehera. Mota guztietako enpresa antolakundeek erabil dezakete plataforma hori, edozein dela ere beren sektorea, tamaina eta jarduera.
Eusko Jaurlaritzari dagokionez, proiektu hau Euskadi Basque Country 2030 Agendaren barruan kokatzen da. Agenda hori Estatu mailako estrategia aitzindari bat da, zeinaren bidez Jaurlaritzaren planak Nazio Batuen Garapen Jasangarrirako 17 Helburuekin lerrokatzen baitira 2018tik. Zehazki, prestakuntza-programa honek zerikusia du 8. Helburuarekin, hau da, hazkunde ekonomiko sostengatu, inklusibo eta jasangarriarekin, eta Euskadi Basque Country Agendan 44. Helburuan ageri da: Enpresen Erantzukizun Soziala sustatzea.
Proiektu honekin, Eusko Jaurlaritzak enpresa-sarea inplikatu nahi du bateragarri egiteko garapen ekonomikoa eta negozioen helburuak epe luzeko ekitatearekin eta jasangarritasunarekin. Aurkeztu berri den prestakuntza-plataforma hau programa zabalago baten barruan kokatzen da, zeinak 2030 Agendan oinarritutako enpresa-kudeaketako tresna bat ere eskainiko baitu bigarren fasean.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat