Euskal adimen artifiziala profesionalak hautatzeko prozesuetan
ieTeam aholkularitza eta Kevo Technologies teknologia enpresak batu dira, adimen artifizialaren bidez, profesionalki bere ibilbidea hobeto nahi dutenen nortasun-profilak sortzea ahalbidetzen duen soluzio bat eratzeko. Horrekin aholkulariei lanean laguntzea dute helburu, bai eta bere karrera hobetzea bilatzen duten profesionalei aurrera egiteko elementuak ematea ere.
“Hautaketa prozesua demokratizatu nahi dugu, eta profesionala eta enpresa maila berean jartzea da gure helburua. Horretarako, beharrezkoa da prozesua berritzea eta optimizatzea “, azaldu du Iñigo Ugarte ieTeameko buruak eta sortzaileak. Urteak dira aholkularitza-enpresak iellow plataforma duela. Plataforma horrek aukera ematen du bilatu behar izan gabe lan-aukerak identifikatzeko, aplikazioak analisi bat egiten baitu enpresa batek behar duen profil baten eta bertan dauden profesionalen artean. Bateragarritasun maila altua dagoenean, hautagaiak alerta bat jasotzen du. Kevo Technologiesekin iellow Kevo sortu dute, “datuak modu ez hain intuitiboan erabiliz informazioa sortzeko, deep learningean oinarrituz, bere aholkularien ikuspegia osatzeko”, azaldu du Javier Manzanok, euskal teknologia enpresako buruak.
Helburua “teknika kualitatiboetan oinarrituta profil zehatzagoak sortzea da, aholkulariaren gaitasunak indartzeko, datu gehiago izan ditzan eta azterketa sakonagoa egin dezan, balioa emateko”, azpimarratu du Manzanok. “Prozesua objektibizatzeko, denborak murrizteko eta emaitzak hautagaiaren esku jartzeko tresna bat gehitzen dugu”, laburbildu du Ugartek.
Oiartzunen egoitza duen teknologia enpresan sortu duten ezagutza erabili da laguntzaile birtualak sortzeko, datuen analisian arreta jarriz. Konponbidea proben azken fasean dago ieTeam-en, eta ez du hautapen-prozesua egiten duten profesionalek pertsonekin duten interakzioarekin apurtzen.
Adimen artifiziala pertsonen eguneroko bizitzan
Aholkularitza-enpresaren ingurune kontrolatu bateko bideokonferentzia baten bidez edo baita aurrez aurreko elkarrizketa batean, hautagaiek eta aholkulariek elkarrizketa bat izaten dute hautaketa-prozesuaren barruan. Elkarrizketa automatikoki transkribatzen da, testua profilak egiterakoan psikologian aplikatutako metodologien bidez azter dadin –desberdintasuna da, tradizionalki teknologiarik gabe egiten ziren nortasun-testak edo testu-analisiak hemen sare neuronalen bidez exekutatzen direla-.
“Elkarrizketaren azterketa psikolinguistikoa egiten dugu, deep learning teknikei esker eta, profil horrekin, nortasun txostena egiten da”, zehaztu du Manzanok. Emaitza hautagaiaren “bat-bateko” profila lortzea da, Ugartek gaineratu duenez, artikulu zientifikoetan oinarrituta eguneratutako jokabide-psikologiaren teorietatik abiatuta.
“Langileen hautaketa aldatzen ari da, profesionalean zentratzen ari da: gaur egun oreka-puntu batean gaude, pisuaren % 50 enpresak du eta % 50 hautagaiak, baina urte batzuetan, bilakaera demografikoa dela eta, ez dugu profesional kualifikaturik izango bete beharko ditugun lanpostu guztietarako, eta horrek esan nahi du haiek hitza izango dutela”, adierazi du aholkulariak, haiei ere balioa emateko beharra defendatzeko.
“ieTeamek analisi zehatz bat ematen dio hautagaiari, bere kualifikazioak hobetzeko balio diezaiokeena”, azpimarratu du Kevo Technologieseko arduradunak. “Orain, modu tradizionalarekin konparatuta, nortasun-faktore gehiago neurtzeko gai gara. Izan ere, elkarrizketa tradizional batean gehienez 15 neurtzen genituen eta orain 40 inguru neurtzeko gai gara”, adierazi du ieTeamekoak.
“Proiektu honek alderdi teknikoena batzen du, adimen artifizialaren bidez, baina baita pertsonen zatia ere, tekla interesgarri bat jo dugula iruditzen zaigu”, azpimarratu du Manzanok, “Kevok adimen artifiziala erabiltzen du, ez arlo teknikoarekin zerikusi duten planteamenduetarako, baizik eta gizakiarekin zerikusia dutenetarako”.
SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.
