Euskadik bere datu irekiak erabiltzeko ideiarik onenak sarituko ditu

Eusko Jaurlaritzak, hiru foru aldundiek eta EAEko hiriburuetako hiru udalek datu irekien bi lehiaketa antolatu dituzte, open data kultura eta datuen berrerabilpena sustatzeko asmoz.

Azken urteotan, Open Data mugimenduak indar handia hartu du mundu luze-zabalean; izan ere, herri administrazioak euren datuak irekitzen hasi dira berriz erabiltzeko moduko euskarrietan eta erabilera-lizentzia irekien bidez. Open data Euskadi (http://opendata.euskadi.eus) Eusko Jaurlaritzaren datu-irekien ataria da; 6000 datu multzo baino gehiago ditu bere datu katalogoan eta 10 urte baino gehiagoko ibilbidea du.

Testuinguru honetan, open data kultura eta datuen berrerabilpena Euskal Herrian sustatu nahian, datu-irekien bi lehiaketetarako izen-emate epea zabaldu da:

Ideia  lehiaketa

Lehiaketa honek bi ideia hoberenak sarituko ditu, zerbitzu, ikerketa, web-aplikazio edo gailu mugikorrentzako aplikazio bat sortzeko baliagarri izan daitekeena. Ideia horrek datu irekiak erabili beharko ditu. Ez da beharrezkoa garapen edo programazio ezaguerarik izatea eta edozeinek har dezake parte. Ideia dokumentu batean azaldu eta dokumentu hori inskripzioa egitean erantsi besterik ez da egin beharko.

• Izen-ematea: urriaren 8tik azaroaren 19rarte.
• 8000 euroko sariak.
• Ikasleei, profesioalei edo enpresei zuzenduta dago. Ez da programazio ezaguerarik behar parte-hartzeko.
• Informazio gehiago ideia lehiaketari buruz:
  http://opendata.euskadi.eus/datu-irekien-lehiaketak/

Aplikazio  lehiaketa

Lehiaketa honek datu irekiak erabiltzen dituen bi proiektu hoberenak sarituko ditu: zerbitzuak, ikerketak, web-aplikazioak edo gailu mugikorrentzako aplikazioak aurkeztu ahal izango dira.

• Izen-ematea: urriaren 8tik azaroaren 19rarte.
• 18000 euroko sariak.
• Programazio ezaguera duten ikasleei, profesionalei edo enpresei zuzenduta dago.
• Informazio gehiago ideia lehiaketari buruz:
  http://opendata.euskadi.eus/datu-irekien-lehiaketak/

Anima zaitezte eta parte hartu!

Lotutako albisteak

24 apirila, 2024 Digitalizazioa

114 enpresak hartu dute parte Euskadiko industriaren digitalizazioa sustatzeko kongresuan

Irakurri gehiago

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

Joan blog-era