Euskal enpresaren blog-a Zure enpresarentzat garrantzitsua den eguneroko informazioa

10 abendua, 2019
Elikadura industriaren erronkak eraldaketa digitalari begira

AZTIk landutako txosten baten arabera, sektorea aurreneko faseetan dago oraindik

AZTIk landutako txosten baten arabera, sektorea aurreneko faseetan dago oraindik

Elikaduraren arloko euskal enpresak “hasiberriaren” fasean daude eraldaketa digitalari eta 4.0 Industriarekin lotutako teknologiei dagokienez. Horixe da AZTI-Tecnalia zentro teknologikoak landu duen Elikadura Industriaren 4.0 Diagnostikoa txostenean bildutako ondorio nagusietako bat. Azterlana sektoreko 200dik gora enpresari egindako inkestetan oinarrituta egin da, horien eraldaketa digitalaren maila eta esku artean darabiltzaten erronkak ezagutzeko. Txostena Eusko Jaurlaritzako Ekonomiaren Garapen eta Azpiegitura Sailak finantzatutako GAITIK proiektuari atxikita gauzatu da.

 

Eraldaketa digitalak azken urteotan beste jarduera-arlo batzuetan izan duen aurrerakada azkarraren eta onurei buruzko kontzientziazio zabalaren aldean, elikaduraren arloan, euskal enpresak hasierako fasean daude oraindik. Txostenean jasotakoaren harira, hori estu-estu lotuta dago sektorearen ezaugarriekin, enpresa txikiek osatzen baitute nagusiki (enpresen % 75ek 10 langile baino gutxiago ditu), baita sektorearen konplexutasunarekin ere, iraungipen azkarreko produktu arras heterogeneoak kudeatzen baititu.

 

Datuen arabera, elikadura arloko enpresen % 48tan, 4.0 Industriaren inguruko teknologien inplementazioa ezdeusaren parekoa da, eta % 36 hasiberrien mailan daude. Hala ere, alde handiak daude enpresen tamainaren arabera, eta oro har, 3 enpresatik 1ek datozen urteotan eraldaketa digitalean inbertitzeko asmoa du.

 

25 langile baino gutxiago dituzten enpresetan, datu-bilketa eskuz egiten da oraindik ere (enpresen % 62tan), eta konpainiarik handienen % 78 prozesu hauek automatizatzen hasiak dira. Kudeaketa-softwarearen erabilerari dagokionez, enpresa handien % 42k erabiltzen du, baina enpresa txikien % 15ek baino ez. IKT zerbitzuen hedapena ere aldakorra da konpainien tamainaren arabera: enpresa txikien (25 langile baino gutxiago) % 54k ez du halakorik erabiltzen, eta enpresa handien % 80k espezializatutako langileak edo IKTen arloko kanpoko zerbitzuak dituzte horretarako.

 

Eraldaketa digitalari ekiteko moduari buruzko ezagutzarik eza eta inbertitzeko funtsen eskasia dira elikadura arloko enpresek aipatu dituzten eragozpen nagusiak. Bestalde, txostenean, teknologia horiek sektoreari ekar diezaizkioketen onurarik garrantzitsuenak bildu dira; hala nola, prozesuen eraginkortasun handiagoa, kostuen murrizketa, trazagarritasunaren hobekuntza eta bezeroen fidelizazio handiagoa.

 

Sektorearen egungo egoera eta eraldaketa digitalaren bidez gainditu beharreko erronkak aztertzea da txostenaren helburu nagusia. Horretarako, azterlanean jaso denez, garrantzi handikoa da enpresek abiapuntuko egoerari buruzko diagnostikoa landu eta helburuen araberako ekintza-plana finkatzea.

Digitalizazioa 23 urria, 2021
Euskadi 2025 Eraldaketa Digitaleko Estrategia

EEDE2025 hiru multzotan egituratzen da, eta, horri esker, Eusko Jaurlaritzak estrategiaren...Irakurri gehiago

Digitalizazioa 22 urria, 2021
SPRI Taldeko zuzendariak euskal enpresa-sarearen “bilakaera positiboa” nabarmendu du

SPRI Taldeko zuzendari Aitor Urzelaik euskal enpresa-sarearen “bilakaera positiboa” nabarmendu...Irakurri gehiago

Digitalizazioa 21 urria, 2021
Ecolaundry garbiketa industrialeko euskal frankizia bat da, 180 zentro biltzen dituena eta urteko % 15eko hazkundea duena

Garbiketa automatizatuko zentroen Ecolaundry euskal frankiziak hamar urte bete ditu berriki eta...Irakurri gehiago

Digitalizazioa 20 urria, 2021
Datik, garraio eraginkorrago, jasangarriago eta seguruagoa lortzeko teknologiaren erabileran erreferentea

Digitalizazioa eta datuen analisia gero eta gehiago agertzen dira sektore guztietan, eta...Irakurri gehiago

Digitalizazioa 19 urria, 2021
HRE Hidraulic, 40 urte berritzen eta eboluzionatzen

  HRE Hidraulic enpresa industrial bitxi bat da: bere negozioaren % 30 inguru ikastetxe eta...Irakurri gehiago

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?