Elgar Works: automobilgintzako piezen egiaztapen automatiko berria garatzen ari den Arabako enpresa
Elgar Works Arabako Legutio herrian dagoen enpresa bat da, eta, langileek automobilgintzako piezak eskuz egiaztatu beharrean, modu automatizatuan egiaztatzen dituen proiektu berri bat sortu du. Modeloa prototipoa eraikitzeko fasean dago jada. SPRI Taldearenadimen artifizialeko programaren laguntza jaso du enpresak. Hain zuzen ere, programaren helburua da Euskadiko enpresen artean AAn oinarritutako proiektuak babestea.
Enpresa 2017an sortu zen, automobilgintzako piezak egiaztatzeko alorrean jarduteko asmoz. Zehazki, Elgar Works eratzeko ideia jatorriko konpainiako arduradunei bururatu zitzaien. Izan ere, jatorriko konpainia Transportes Ibarra da (Ibarra Logistika), Eibarren berrogeita hamarreko hamarkadan sorturiko familia-enpresa bat. Hirugarren belaunaldia lanean dabil dagoeneko, eta industriaren alorreko logistikan eta horniduran dihardute.
“Elgar Works automobilgintzako piezak berrikusi edo egiaztatzeko zerbitzuei begira eratu zen, bai eta pieza horiek paketatu, etiketatu eta berreskuratzeko zerbitzuei begira ere. Egiaztapen automatizaturik ez zegoela eta piezak eskuz berrikusten zirela ohartu ginen, aurreko mendean bezala ia-ia. Geuretzako eta beste batzuei laguntzeko aukera bat zela ikusi genuen” azaldu du Harkaitz Ibarrak, Elgar Workseko gerenteak.
Legutio eta Iruñeko instalazioetan, 40.000 pieza inguru berrikusten dituzte egunero, “begi hutsez, horrek dakartzan giza erroreak kontuan hartuta”. Horregatik, irtenbide automatizatu bat bilatzen hasi ziren. “Azoketara joan ginen, sektoreko enpresekin bildu ginen —adibidez, Bitmakersekin—… Baina ez ziguten irtenbiderik eman”.
Orduan, adimen artifiziala aplikatzeko aukera bururatu zitzaien, eta “Pixelabs enpresarekin harremanetan jarri ginen 2021ean. Metalezko piezetan akatsak detektatzeko irtenbide bat lantzen hasi ginen. Kudeaketarako softwarea garatu genuen, Chek, eta egiaztapen-algoritmo bat”.
I-verify plataforma
Proiektuak “emaitza optimoak izan ditu denborari eta erantzunari dagokienez”, eta I-verify deritzon plataforma batean probatu da jada. “Orain industria-ingurunerako prototipoa eraikitzen ari gara”.
Gaur egun, Elgar Worksen bezeroetako bat Cie Automotive enpresa da. “I-verify Ibarra Logistikan aplikatuko dugu lehenbizi, eta merkatuko beste enpresa batzuetan gero. Prototipoa baliozkotzen gabiltza orain, eta hil bukaeran amaituko dugu. Makina udaran egongo da martxan”.
Proiektu berritzaile horren bitartez, dozenaka mila langilek piezak begi hutsez berrikusteko arazoak konpon daitezke. “Gurean, 17 langile aritzen dira begi hutsez berrikusten”.
Elgar Worksen 23 langile daude, Legutioko eta Iruñeko instalazioetakoak baturik. Aurten, fakturazioa milioi bat eurora iritsiko da, eta I+G-a “ezinbestekoa zaigu. Gure baliabide guztiak horretara bideratzen ditugu”.
SPRI Taldearen adimen artifizialeko programaren laguntzak berrikuspen automatizatuko proiektu hori izan du xede, bere fase guztietan. “SPRIk emandako laguntza eskertu nahi dugu”.
Merkatura atera eta produktua euskal industriari eskaintzea dira erronkak, lehiakortasunaren mesedetan. “Elgarrek berrikuspen-enpresa bat izateari utzi behar dio, eta berrikuspen-zerbitzu bihurtu. Begi hutsezko berrikuspenean, adimen artifiziala hainbat sektoretan erabiltzen da; esate baterako, farmazia-industrian eta elikagaigintzan. Automobilgintzako piezetan ez dago behar bezala garatuta, ordea”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte hartu dezakezu.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.