Berrikuntza Eraldaketa digitala
Elkarrizketak 23 ekaina, 2020

EGA Solutions-ek produkzio-prozesuen optimizaziorako eta segurtasunerako tresnak garatzen ditu

Gasteizko enpresa honen konponbideak dira: tresnak kontrolatzeko sistemak, barnealdeetako lokalizazioa eta estutze-momentuen kontrola

 

Gasteizko enpresa honen konponbideak dira: tresnak kontrolatzeko sistemak, barnealdeetako lokalizazioa eta estutze-momentuen kontrola

 

EGA Solutions konpainia 2018aren hasieran sortu zen EGA Master enpresaren spin-off bezala. EGA Master-ek eskuko tresna industrialak fabrikatzen ditu, munduko 152 herrialdetara esportatzen du eta esportazio-jomuga gehien dituen Espainiako enpresa da. Egoitza Gasteizen duen EGA Solutions-ek, berriz, helburutzat dauka konponbideak eskaintzea produkzio-prozesuak eta prozesu horietako segurtasuna optimizatzeko. Konponbide horiei buruz mintzatu gara Ander Eguidazurekin, EGA Solutions-eko Business Development Managerrarekin.

 

Zer egiten duzue EGA Solutions-en?

Ingeniaritza bat gara eta “giltza eskuan” motako proiektuak egiten ditugu produkzio-prozesuak eta euren segurtasuna optimizatzeko. Bezeroaren premiak aztertzen ditugu eta teknologia desberdinak garatzen eta integratzen ditugu premia horiei erantzuteko. Hiru teknologiatan zentratzen gara:

lehenik, tresna eta inbentarioen kontrol-sistemak, FOD (Foreign Object Damage) delakoa saihesteko, hau da, material jakin batek ez dezan bukatu azpi-multzo batean. Arazo handia izan liteke, esaterako, aeronautika sektorean, hegazkinak aireratu egiten direlako. RFID teknologia eta ikusmen artifiziala baliatzen ditugu horretarako.

 

Bigarren konponbide bat ere badugu, barnealdeetarako lokalizazio-sistema bat, zeina lagungarri baita produkzio-fluxuak optimizatzeko, jakiteko aktiboak non dauden eta aktibo horiek zenbat denbora igarotzen duten produkzio-gunean, e.a. Denbora errealean datu errealak eskuratzea da kontua, horrela aktiboak eta pertsonak ere kudeatzeko. Adibidez, birfindegietan edo giro arriskutsuak dituzten enpresetan, pertsonak lokalizatuta izanez gero, abisu bat eman diezaiekezu arriskuren bat sortzen bada, eta hartara, ebakuazioa hobetu. Hori oso positiboa da.

 

Azkenik, estutze-momentuen kontrol-sistemak dauzkagu. Muntaia kritikoen kasuan (aeronautika sektorean, esaterako), estutze-momentuen konfigurazioa automatizatzen ari gara tresnetan eta datuak jasotzean (teknikariak egiten du lan hori); hala, erabateko trazagarritasuna daukagu, eta jakin dezakegu egin den lana bat datorrela enpresak ezarritako lan-, segurtasun- eta kalitate-jarraibideekin.

 

Aeronautika, eolika, Oil&Gas, burdinbide eta automozio sektoreekin lan egiten dugu gehienbat.

 

Eman zenezake teknologia horien aplikazio zehatzen adibideren bat?

Enpresa sortu zen Aernnova-rentzat egin genuen instalazio baten ondorioz; proiektu hartan 14 lan-estazio adimendun diseinatu, fabrikatu eta instalatu genituen Airbus A350 hegazkineko ateen muntaiarako. NFC txartel bat instalatzen zaie ateei eta, hala, gure lan-estazio adimendunetatik pasatzen direnean, ate modelo hori muntatzeko behar diren tresnak, lanabesak edo material kontsumigarriak dituzten apal eta armairuak bakarrik irekitzen dira. Horrela muntaiako akatsak desagertzen dira, bat ez etortzeak murrizten dira, eta, horrekin batera, kostuak gutxitzen dira.

 

Badugu tresnen kontrol-sistemen arloko beste kasu arrakastatsu bat, Airbus enpresarentzat garatu duguna, gorago aipatutako FODak saihesteko.

 

Beste kasu bat da ITP Aero enpresarentzat garatu dugun momentuaren kontrol-sistema, zeinaren bidez bermatzen dugun karkasa-azpimultzoen muntaketa enpresak definitutako lan-, kalitate- eta segurtasun-jarraibideen arabera egiten dela. Gainera, tresnei lokalizazio-sistema bat gehitzen diegu, horrela segurtatzeko teknikaria muntatu beharreko azpimultzoaren muntaketa egiten ari dela, eta ez beste bat. Horretarako, bi teknologia integratzen ditugu: momentuen kontrol-sistema eta lokalizazio-sistema.

 

Zeintzuk dira zuen konponbide teknologikoen abantaila garrantzitsuenak?

Merkatua prozesuak antolatzeko eta kudeatzeko modu berri bat eskatzen ari da, eta hori egiteko denbora errealeko datuak behar dira. Horixe da guk egiten duguna. EGA Solutions-eko lantaldeak eskarmentu handia du industria munduan, eta ezagutzen ditu teknologia garrantzitsuenak. Ez nioke 4.0 industria deituko, baizik eta 4.0 teknologiak. Teknologia horiek izugarrizko abiaduran eboluzionatzen ari dira eta guk horietako batzuk garatzen ditugu, hala nola, RFID edo ikusmen artifiziala.  Teknologien egoerak aztertzen ditugu, ikusteko nola egokitu ditzakegun oraingo nahiz etorkizuneko proiektuetara.

 

Konpainia handien interesaz harago, nolako harrera egiten diete ETEek zuen zerbitzuei?

Kontuan hartu behar da nolako premia duten eta zenbaterainoko apustua egin nahi duten eraginkortasunaren, optimizazioaren, segurtasunaren eta digitalizazioaren alde; baina, oro har, ETEak gero eta irekiago daude horrelako konponbideak aplikatzera, zeren merkatuan lehiakor izan nahi badute, ezinbestekoa baitute horrelako inbertsioak egitea. Orain arte egin dugun bi urte eta erdiko ibilbide honetan argi ikusi dugu joera asko aldatu dela horrelako inbertsioei dagokienez. ETEak prest daude horrelako konponbideak aztertzeko. Benetako premia bat badute, inbertituko dute. Horrelako inbertsioak beste modu batera kudeatu behar dira. Ez da makina berri bat erostea bezala, ez da aktibo batean eginiko inbertsio bat. Informatika, Kalitate eta Segurtasun arloek bat egin behar dute honetan, inbertsio handia delako eta kudeaketa-modua erabat aldatzen duelako.

 

Lan-jarduerari hainbat muga jarri behar izan zaizkio koronabirusaren ondorioz. Zuen konponbideek asko lagundu dezakete horretan, ezta?

Bai, adibidez, barnealdeetarako lokalizazio-sistema berdin erabili daiteke aktiboekin nahiz pertsonekin, eta aukera eman lezake gune bateko pertsona kopurua edo elkarren arteko distantzia kontrolatzeko. 20-40 zentimetro bitarteko zehaztasuna izan dezake. Egia esan, ez genukeen sekula pentsatuko aplikazio hori izan zezakeenik, baina balio dezake horretarako.

 

Zeintzuk dira EGA Solutions-en etorkizuneko erronkak?

Badauzkagu kasu arrakastatsu garrantzitsu batzuk, halere jaioberriak gara oraindik, eta ondorioz, gure helburuak dira enpresa zabaltzea eta sektore berrietara iristea. 4.0 teknologia berriak garatu beharko ditugu gure portfolioan sartzeko, eta sakonago landu beharko dugu erantzukidetasun soziala. Enpresa guztiok egin beharko genukeen zerbait da hori.

 

Lotutako albisteak

Formatu  handiko  3D  inprimaketa,  modularra  eta  jasangarria:  Indart3D-ren  proposamen  diferentziala
23/05/2025 Berrikuntza

Formatu handiko 3D inprimaketa, modularra eta jasangarria: Indart3D-ren proposamen diferentziala

Pellet bidezko estrusioan espezializatuta dago. Bere teknologiak material birziklatu edo teknikoekin inprimatzeko aukera ematen du eta soluzio eraginkorrak, moldakorrak eta egungo industriaren erronketara egokituak eskaintzen ditu.

Laura  Ovies  (EIT  Community):  “Euskadi  eta  beste  eskualde  batzuk  beren  garapen  berritzailerako  aliatu  estrategiko  gisa  har  gaitzaten  nahi  dugu”
21/05/2025 Berrikuntza

Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”

Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).

Lantekek,  software  industrialean  munduko  liderrak,  36.000  bezero  baino  gehiago  ditu  dagoeneko

Lantekek, software industrialean munduko liderrak, 36.000 bezero baino gehiago ditu dagoeneko

Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du

Lowerton,  adimen  artifizialarekin  enpresak  berritzea  eskaintzen  duen  startupa

Lowerton, adimen artifizialarekin enpresak berritzea eskaintzen duen startupa

Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko

Duplostock  industria-irtenbide  pertsonalizatuen  diseinatzaile  eta  fabrikatzaile  bihurtu  da

Duplostock industria-irtenbide pertsonalizatuen diseinatzaile eta fabrikatzaile bihurtu da

Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.

Abuelo  Actual,  bi  hamarkada  adinekoen  etxeak  oztoporik  gabeko  espazio  bihurtzen
14/05/2025 Berrikuntza

Abuelo Actual, bi hamarkada adinekoen etxeak oztoporik gabeko espazio bihurtzen

Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.

Moldes  Ura  enpresak  berrikuntzaren  alde  egin  du  lehiakorra  izaten  jarraitzeko
13/05/2025 Berrikuntza

Moldes Ura enpresak berrikuntzaren alde egin du lehiakorra izaten jarraitzeko

Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.

Novaut,  blog  batetik  jaio  zen  marketplace  industrialaren  finkapena

Novaut, blog batetik jaio zen marketplace industrialaren finkapena

Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean

GM2k  digitalizazioaren  eta  nazioartekotzearen  aldeko  apustua  egin  du,  motorraren  sektorearen  hazkundea  bultzatzeko

GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko

Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.

Makegik  retrofitting  industrialaren  aldeko  apustua  egin  du,  nazioarteko  hedapenerako  bide  gisa
05/05/2025 Berrikuntza

Makegik retrofitting industrialaren aldeko apustua egin du, nazioarteko hedapenerako bide gisa

Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.