Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 5 Marzo, 2021 Digitalizazioa Ekintzailetza I+G EIKTak Start up up euskadi

Educa Reality-k urruneko eskolen sistema bat garatu du Haur Hezkuntzako ikasleak “beren gelan baleude bezala” ikasteko

Donostiako enpresa teknologikoak Gipuzkoako 14 zentrotan jarri du martxan eskolak modu birtualean jarraitzeko plataforma
Educa Reality

Pandemiaren ondorioak ia sektore guztietan nabaritu dira. Horien artean, kaltetuenetako bat hezkuntzarena izan da, konfinamenduak eskolak emateko eta jasotzeko moduan bat-bateko biraketa ekarri baitu, dinamikak goitik behera aldatuz. Hain zuzen ere, sektore horretan egiten du lan Educa Realityk, errealitate areagotuan (EA) eta errealitate birtualean (EB) oinarritutako hezkuntza-produktuak eta -zerbitzuak garatzen espezializatutako hezkuntza-enpresa teknologikoak.

Donostiako enpresa teknologikoaren arabera, “Haur Hezkuntzako ikasleentzat konfinatzeak, etxetik eta ikasgeletatik kanpo eskolak jarraitzea ez ezik, edukiak bereganatzeko zailtasunak, irakasleekiko komunikazio falta eta ohiko errutinak galtzea ekarri du, eta hori oso garrantzitsua da, batez ere adin txikietan”. Egoera horri irtenbidea emateko, Educa Realityk Skoobi HH360º (Haur Hezkuntza 360º) plataforma jarri du abian. Tresna horren bidez, ikasleek etxetik jarraitu ahal izango dituzte eskolak, beren ikasgelan egongo balira bezala.

Errealitate areagotuko eta errealitate birtualeko teknologiak erabiliz, enpresatik azaldu dutenez, “ikasgelaren argazki bat atera genuen 360º-tan, eta zenbait interakzio-puntu zehaztu genituen, non irakasleek edukiak erants ditzaketen: ariketa edo fitxa bat, klase oso bateko bideoa edo baita gai jakin baten garapen osoa ere. Hori guztia euskaraz edo gaztelaniaz egin dezakete”, azaldu du Iker Burguerak, Educa Reality-ko zuzendariak. “Horrela, ikasleek, edozein unetan eskola-programa etxetik jarraitzeko aukera izateaz gain, beren ikasgelatik jarraitzeko aukera ere badute, neurri handi batean ikasgelan ez egoteak eta ohiturak galtzeak dakarren eragina murriztuz”, azpimarratu du Burguerak.

Mugikorretik, ordenagailutik edo tabletetik sar daiteke plataforman eta bertan ikasgela bera zuzenean bisitatu daiteke, baita txertatuta dauden edukiak ikusi ere. Hori dela eta, “ikasleek beren denborak markatzen dituzte eta independentzia garatzen dute, etengabe gainbegiratuta egon izan beharrik gabe eta irakasleekiko eta ikasgelarekiko motibazioa eta atxikimendua sustatuz”, ondorioztatu du enpresa teknologikoaren zuzendariak.

14 ikastetxe baino gehiago murgiltze-teknologia erabiltzen

Dagoeneko 14 ikastetxek baino gehiagok ezarri dute sistema bere egituran, guztiak Gipuzkoan. “Eskolako gela bat konfinatua izan dugu astebetez, eta Skoobi HH360º plataformari esker, gure ikasleekin eta gurasoekin harremana oso erraz mantendu ahal izan dugu”, kontatu du Amaia Urruzmendik, Donostiako Axular Lizeoko irakasleak.

Izan ere, gurasoak beste faktore garrantzitsu bat dira etxetik ikasteko errealitate berri honetan. Ildo horretan, Miriam Uranga Educa Reality-ko psikopedagogoak honako hau adierazi du: “Tresna honek aukera ematen die ikasleei gurasoekin partekatzeko beren ikasketa-lekua: non marrazten duten, jostailuak non biltzen dituzten… Haurrentzat oso motibagarria da hori”.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

Lotutako albisteak

1 abendua, 2022 Digitalizazioa
RDT Taldeak Certiorem enpresa erosi du software-ingeniaritzako zerbitzu eta soluzio aurreratuak hobetzeko
Irakurri gehiago
29 Azaroa, 2022 Digitalizazioa
Industriarako digitalizazio-proiektuetan izan duten esperientzia partekatu dute 77 enpresak
Irakurri gehiago
22 Azaroa, 2022 Digitalizazioa
Indusmediak marketin pertsonalizatuan jarri du fokua, negozioa handitzeko industrian
Irakurri gehiago
22 Azaroa, 2022 Azpiegiturak
CodeSyntax enpresak “Egunean Behin” euskarazko joko arrakastatsuenaren galesezko bertsioa garatu du
Irakurri gehiago
17 Azaroa, 2022 Digitalizazioa
1.200 lagunetik gora bildu dira SPRI Taldeak bultzatutako teknologia berriei buruzko LibreCon2022 ekitaldian
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak