Euskal enpresaren blog-a Zure enpresarentzat garrantzitsua den eguneroko informazioa

4 abendua, 2019
EBk Euskadi saritu du banda zabal ultralasterra landa-eremuetara hedatzeko abiarazi dituen planengatik

Teknologia, Berrikuntza eta Lehiakortasuneko sailburuorde Estibaliz Hernáezek jaso du Bruselan Broadband Aword 2019 saria
Euskal delegazioa, saria jasotzen Bruselasen.

Teknologia, Berrikuntza eta Lehiakortasuneko sailburuorde Estibaliz Hernáezek jaso du Bruselan Broadband Aword 2019 saria

Euskadik Europako Batzordearen saria lortu du banda zabal ultralasterra landa-eremuetara hedatzeko abiarazi dituen proiektuengatik. Hartara, 2019ko European Broadband Award deritzonean sarituetako bat izan da, lurralde-oreka bermatu eta banda zabal ultralasterrerako sarbidea unibertsalizatzearen alde egindako lanagatik. Bost kategorietako batean saritu dute, “Socio-economic impact in rural and remote areas” delakoan, “best practice” bat baita Europan.

 

Aintzatespena Bruselan jaso du Teknologia, Berrikuntza eta Lehiakortasuneko sailburuorde Estibaliz Hernáezek.

 

Eusko Jaurlaritzak, hiru Foru Aldundiekin lankidetzan, Banda Zabal Ultralasterraren Euskal Behatokia sortu zuen, Euskadiko banda zabaleko sareen egoera monitorizatzeko eta sare horiek hedatzeko proiektuetan parte hartzen duten administrazio publikoei eta operadoreei sostengua emateko.

 

Jarraipen horretan oinarrituta, eta operadoreek eremu horietan ez inbertitzeko aipatzen duten errentagarritasun “ekonomikorik” ezari erantzunez, Eusko Jaurlaritzak eta hiru aldundiek 20 milioi euro baino gehiago bideratu dituzte azken urteotan operadoreei laguntzak emateko, sareak sakabanatuta dauden eremuetan, biztanlegune txikietan eta industrialdeetan heda ditzaten, ekimen pribatuak ez baititu sare horiek inguru horietan hedatuko.

 

Euskadin “Banda Zabal Ultralasterreko Sareak Hedatzeko Programen” hainbat deialdi egin dira, 450 enpresa-eremu edo industrialdetara eta landa-eremuan sakabanatutako biztanlegune eta eremuetako 48.000 etxe baino gehiagotara iristeko asmoarekin.

 

Europako Batzordeak Gigabit Society izeneko ekimena abian du, 2025. urtera begira Europan banda zabal ultralasterreko sareen eskuragarritasuna sustatzeko xedez.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?