Dronak, burbuilatik etorkizuneko aukeretara
SPRI Taldeak jardunaldi bat antolatu du araudi berria ezagutzera emateko.
Garai batetik hona, dronak teknologia gorakor bilakatu dira. Gailuak merkatu egin dira, baina, horrez gain, erdigunean kokatu dira jaso duten arreta mediatikoari eta jarduera-eremu askotan izan ditzaketen negozio-eredu berriei esker. Dena den, burbuila eta errealitatea bereizi behar dira. Horretarako, martxoan eta apirilean hainbat hitzaldi antolatu dira, ezagutzera emateko teknologia horien egungo egoera, beren potentziala eta joan den abenduan Estatu osorako onartu zen araudi berriak berekin ekarri dituen aldaketa garrantzitsuenak.
“Teknologia horrek heltze-fase bat igaro behar du; sarritan nahastu egiten dira tresna bera eta tresnaren helburua, baina dronak tresna bat dira eta askotariko aplikazioak dituzte sektore desberdinetan” azaldu du Lorenzo Díaz de Apodacak. Airestudio enpresako zuzendari nagusiak hitzaldi bat emango du Dronak, burbuila ala errealitatea? jardunaldian. Bere ustez, “araudia izan da orain arteko balazta handienetako bat, ez baitzuen biderik uzten balio gehien sor zezaketen negozioak garatzeko, adibidez, dronak hiri-inguruneetara eramateko”.
Topaketa zabalik dago profesionalentzat nahiz gailu teknologiko horien potentziala ezagutu nahi duten guztientzat. Egitarauari hasiera emateko, dronen historia errepasatuko da eta azalduko da nolako dron motak existitzen diren. Ondoren, hizpide hartuko da gaur egungo legeriaren egoera. 2017az geroztik abian den araudi berriak dronen erabilera zabaldu du: aukera ematen die dronei hiri-guneen eta pertsona aglomerazioen gainean hegan egiteko, betiere aldez aurretik segurtasun azterketa bat eginda eta AESAren baimena eskuratuta. Lorenzo Díaz de Apodacak azaldu duenez, “operazio gaitasuna handitzen da, nahiz eta erantzuteko arintasuna galdu, horrelako operazioetarako egin beharreko aurretiazko tramitazioagatik”.
Hitzaldian zehar ezagutzera emango dira baita ere etorkizuneko proiekzio handieneko aplikazioak. Airestudio enpresako zuzendari nagusiaren arabera, aipatzekoak dira segurtasuna, nekazaritza eta lurraren behaketa. Dena den, ez dira nahastu behar tresna eta helburuak: “argi izan behar dugu zer nahi duen bezeroak, eta ez dugu ahaztu behar informazioa dela interesatzen zaiona, eta ez dronak”.
Topaketa dohainik izango da, eta martxoaren 8an egingo da Arrasateko Garaia Berrikuntza Gunean, apirilaren 10ean Gipuzkoako Zientzia eta Teknologia Parkean (Donostia), eta apirilaren 26an Bizkaiko Teknologi Parkean (Zamudio). SPRI Taldeak antolatu du hitzaldia Enpresa Digitalaren bitartez.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean