Dataset enpresak elkarrekin uztartzen ditu Big Data eta adimen artifiziala enpresen produktibitatea hobetzeko
Ekintzailetzaren euskal ekosistemako eta startupen UpEuskadi plataformako enpresa bizkaitar honek konponbideak eskaintzen ditu bere bezeroen eraldaketa digitala bultzatzeko datuen bitartez
Industria sektoreko datuen analitika goraldian dago, erabiltzen baita prozesuak hobetzeko, makinen mantenimendu prediktiboa edo prebentiboa egiteko, energia kontsumoa hobetzeko eta beste hainbat zereginetarako. Arlo horietan espezializatu da 2017an sortu zen eta sei langile dituen Dataset startup bizkaitarra. Beste kasu batzuetan gertatu den bezala, enpresa honen hasierako negozio-eredua erabat aldatu da enpresen eraldaketa digitalak ekarri duen eskaera handiari erantzun ahal izateko. Dataset enpresako arduradun Julen M. Lejarzak 4.0 industrian izandako esperientziaz hitz egin digu.
Nola hasi zen Dataset?
2015ean hasi ginen taxutzen retail sektorera zuzendutako gure proiektua. Hasierako ideia zen WiFi seinalea imitatzen duten txip batzuk erabiltzea jendea trackeatzeko (jarraitzeko) merkataritza-guneetan edo museoetan. Gure asmoa ez zen bakarrik pertsonak zenbatzea eta posizionatzea, baizik eta portaera-patroiak bilatzea. Datuak eta adimen artifiziala erabili genituen horretarako. 2017an eratu ginen enpresa gisa eta handik gutxira Schneider Electric konpainia hurbildu zitzaigun, gure ezagutza industria sektorean aplikatu nahi zuelako. Harrezkero garatu ditugun ia proiektu guztiek zerikusia dute 4.0 Industriarekin.
Nolakoak dira industriari eskaintzen dizkiozuen datuen analitikako zerbitzuak?
Bezero bat hurbiltzen zaigunean, lehenik eta behin baloratzen dugu zein den bere hasierako egoera informazioaren tratamenduan, aztertzen dugu zein sistema dauzkaten datuak sortzeko, sistema horiek egokiak diren, portaera-ereduak sortzen ditugu machine learning oinarritzat hartuta informazio hori bezeroaren helburuetara egokitzeko, denbora errealean inplementatzen ditugu eta zer gertatzen den ikusten dugu.
Ia enpresa guztiek dauzkate informazio oso fidagarria ematen duten PLCak. Kontua da datuak iturri oso desberdinetakoak izaten direla, adibidez, CRM, Excel edo bestelako euskarrietakoak. Bezeroarekiko aurreneko kontaktuan azaldu behar izaten diogu informazioa antolatu egin behar dela, sistemak bilatu behar direla lineak sentsorizatzeko eta denbora bat behar dugula egiaztatzeko jasotzen dugun informazioa egokia dela.
Badugu abantaila handi bat, zeren Amazon Web Services, Microsoft Azure edo Google Cloud bezalako zerbitzuei esker, kontzeptu-probak egin baititzakegu oso azkar eta ia inbertsiorik egin gabe. Lehen asko kostatzen zen halakoak egitea, baina orain askoz errazagoa da cloud zerbitzuei esker.
Jarriko diguzu zuen garapenen adibideren bat?
Gehienbat eskatzen digute makinen mantenimendu prebentiboa eta prediktiboa egiteko, baina, hain zuzen, horiexek dira proiektu konplexuenak, informazio asko behar delako. Energia kontsumoaren arlokoak ere konplexuak dira. Zenbait kasutan, adibidez, Ilunion Lavandería Industrial enpresan, 54 inplementazio egin ditugu. Proiektu horren helburua da informazioa ateratzea SCADA gailu tradizionaletatik eta sistema adimendun bat inplementatzea jakiteko zein baliabide beharko dituzten aurrerantzean, zenbateko kostua duen prozesu bakoitzak, zein akats dauzkaten lantegi edo linea batean edo posible den produkzioa beste lantegi batzuetara desbideratzea. Baina ez dugu inoiz lortu adimen artifizialeko sistemak automatikoki elkarreragin dezala. AAri denbora eta heldutasuna falta zaio horretarako.
Lanean ari gara MINDFLU startuparekin ere. Social marketplace adimendun bat da, bere produktuak (arropa) pertsonalizatzen dituena erabiltzaileen gustuen arabera eta markekin elkarreragiten duena produktuak gomendatzeko. Aztertzen du nola elkarreragiten duten erabiltzaileek sare sozialarekin, horren arabera arropa gomendioak egiteko. Guk webaren eta programazio-logikaren garapena egin ditugu, portaera-ereduak sortzeko eta eredu horien arteko elkarreragina bideratzeko.
Zein erronka dituzue bezeroekin zuen eguneroko lanean?
Batzuetan informazio gehiegi daukagu aztertzeko eta garrantzitsua da datu horiek iragaztea benetan balioa emango digutenetan zentratzeko eta, horrela, gure bezeroaren helburua lortzeko.
Beste arazo bat da bezeroen informazioa euskarri desberdinetatik jasotzen dugula (PLCak, CRM, SCADA, Excel…). Enpresek oso bereizita daukate informazio hori eta ez dakite datuek balioa hartzen dutela informazioa bateratzen denean. Informazio hori lantzeko, espazio bakar batean bildu behar dira datu guztiak. Informazioa egon badago, eta baita ere datuak batzeko tresna teknologikoak.
Enpresei interesatzen zaizkie datuen analitikako tresnak?
Euskadin, zehazki, Eusko Jaurlaritzak eta SPRIk sustatu dute interes hori, enpresek galdetu dezaten zer den datuen analitika. Enpresa asko hurbiltzen dira guregana jakiteko zer egin daitekeen, eta solasaldi bat aski da lehen ideiak eta premiak ikusten hasteko. Pixkanaka ohartzen ari dira badauzkatela datuak eta informazioa, eta zerbait garrantzitsua egiteko erabil ditzaketela.
Zeintzuk dira Dataset enpresaren helburuak 2019rako?
Egia esan oso pozik gaude, lan eta bezero asko dauzkagu eta. Gure erronka nagusia da zerbitzu on bat ematea, inplementazio onak egitea eta jendeak ikus dezala egindakoak funtzionatzen duela.
Bestalde, arazoak dauzkagu langileak aurkitzeko. Badago jende oso ona, baina zaila da startup txiki batera erakartzea. Guk bilatzen dugun langile-profilak gaitasun logikoa izan behar du arazoak konpontzeko, gainerakoak bidean ikasiko ditu eta. Gainera, prest egon behar du etengabe prestatzen eta ikasten jarraitzeko, ezagutza teknologikoak segituan geratzen baitira zaharkituta.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.