Berriki sortu da Donowe, proiektu sozialei mikro-dohaintzak egiteko plataforma
Bilbon sortutako Donowe startup-a GKE solidario txikiei zuzentzen zaie gehienbat
Lau euskal ekintzailek oraintsu abiarazi dute Donowe startup-a, inguruko kausa sozialak babesteko onlineko plataforma bat, sistema erraz, seguru eta gardena eskaintzen duena. Ekimena dohaintza txikietan oinarritzen da eta bildutako dirua oso-osorik erabiltzen da proiektu solidarioak finantzatzeko.
Negozio digitalen Demium haztegiaren barruan sortu da, plataformaren lau sortzaileen kezka batetik abiatuta. “Onura soziala sortuko zuen proiektu teknologiko bat abiarazi nahi genuen” azaldu du Vidal Escalantek, Donowe enpresako marketineko buruak “aurretiazko azterlan bat egin genuen GKEen egoerari buruz eta ikusi genuen potentzial handia zegoela, kalean lan asko egin arren, Internet bidezko komunikazioa falta zaielako”.
Startup hori bereziki zuzentzen zaie antolakunde eta kausa txikiei, tresna digitalak aprobetxatzeko gaitasun gutxien dutenei. Proiektu hau mikro-dohaintzak jasotzeko plataforma bat da, non edonork egin baititzake dohaintzak puntualki edo hilean behin. “Gure helburua da proiektuak martxan dauzkaten antolakunde txikiei laguntzea ekintza zehatzak garatzen” azaldu du startup-eko marketineko zuzendariak.
Proiektuaren beste ezaugarri garrantzitsuenetako bat da bildutako dirua oso-osorik eta zuzenean iristen dela aukeratutako antolakundera, hau da, kausa solidario zehatz horretara, eta antolakundeekin sinatutako kontratuak bermatzen du hori. Plataformak babesle, fundazio eta enpresa kolaboratzaileen bitartez lortuko du sostengarritasun ekonomikoa.
Donowe Euskadin kokatutako hamarretik gora proiektu solidariorekin abiarazi da. Arlo desberdinetako proiektuak dira: laneratzea, hezkuntza, gaitzei buruzko ikerketa edota animalien babesa, adibidez. Plataforman sartu ahal izateko balore sozial batzuk eta gardentasun balore batzuk bete behar dituzte. Hona hemen plataformak bultzatutako kausa batzuk: gizarteratze eta laneratze arloko Josenea GKEa, galgo zakurrak erreskatatu eta adoptatzeko Galgoleku elkartea eta Go Maialen elkartea, 8 urteko Maialen neskatoari tratamendua emateko funtsak biltzen dituen proiektua (Maialenek Donohue sindromea du, munduan hiru kasu ezagun baino ez dituen gaixotasun bat).
Demium #AllStartup
Demium oinarri teknologikoko enpresa proiektuentzako haztegi bat da, egoitzak dituena Bilbon, Valentzian, Madrilen, Bartzelonan eta Malagan. Ekainaren 7tik 9ra talentua konektatzeko Demium #AllStartup ekitaldia egingo da Bilbon. Asteburu horretan, parte-hartzaileek taldeak osatuko dituzte proiektu pilotuak garatzeko eta ondoren profil onenak aukeratuko dira Demium hazkuntza-programarako. Izena emateko epea zabalik dago ekainaren 3ra arte.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.