Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 17 Azaroa, 2022 Digitalizazioa

1.200 lagunetik gora bildu dira SPRI Taldeak bultzatutako teknologia berriei buruzko LibreCon2022 ekitaldian

Bi egunez era guztietako jarduerak egin dira: hitzaldiak, mahai-inguruak, azoka, demostrazioak eta LibreCon sari-banaketa.

Teknologiaren sektoreko huts egin ezinezko eta erreferentziazko ekitaldi bihurtuta bukatu du aurtengo edizioa LibreCon 2022 ekitaldiak. Kongresua SPRI Taldearekin (Eusko Jaurlaritzaren enpresaritza arloko agentziarekin) lankidetzan antolatu da, eta iraun dituen bi egunetan teknologia irekien garapenarekin lotutako 1.200dik gora profesional, enpresa eta erakunde erakarri ditu.

70 ekitaldi baino gehiago egin dira lau espaziotan: Inspiration Space, Open Space, Expo, Tech Space, Demo Space eta Talent Space, zeintzuetan 75etik gora hizlarik parte hartu baitute. Talentua atzemateko jarduerak ere egin dira.

Bilbo Europako gune teknologikoetako bat bihurtu da, zeren LibreCon ekitaldiaz gain Bilbon hartu baitu egoitza BAT Accelerator Tower-ak, munduan ongien konektatutako ekintzailetza- eta berrikuntza-ekosistema bat, non teknologia kuantikoak garatzen diren.

ESLE-Ezagutza irekiaren eta teknologia libreen enpresen euskal elkartea eta My Public Inbox antolatzaileak oso gustura eta eskertuta agertu dira erantzunarekin, bai parte-hartzeagatik eta baita ere ekitaldia gogoetarako foro estrategiko bat izan den aldetik.

LibreCon ekitaldian oraina aztertu da, baina batez ere etorkizuna, zeren hainbat gai estrategiko landu baitira, hala nola metabertsoaren etorkizuna, zibersegurtasunari buruzko errealitatea, Web 3 munduan garatzen ari diren esperientzia murgiltzaileak, tokenizazioa eta bere ondorioak gure eguneroko bizitzan, edo gero eta garrantzitsuagoak diren konputazio kuantikoa eta etorkizuneko ordenagailuak.

“Reinventing Openness” izan da aurtengo edizioaren leloa. Eta argi geratu da Teknologia Irekiek konponbideak eta baliabideak eskaintzen dituztela gaur egun eremu eta sektore guztietan sortzen diren beharrizanei erantzuteko. Hitzaldiak eta keynote-ak eman dituzten profesionalek azpimarratu duten bezala, gaur egun inoiz baino beharrezkoagoa da elkarrekin sortzea eta kolaboratzea, lehiakorrago izateko, aukerak eta baliabideak hobeto aprobetxatzeko eta, finean, maila globaleko konponbideak eskaintzeko.

Izan ere, LibreCon ekitaldian bereziki sustatzen da edukiak, ezagutzak eta esperientziak partekatzea, baina era berean aukera bikaina da komunitatean gogoeta egiteko, kontaktuak sortu eta sendotzeko, eta proiektu eta negozioetan kolaboratzeko behar diren sinergiak sortzeko.

Halaber, LibreCon ekitaldiak ikusgarritasuna eman die gaur egun proiektu teknologikoak lideratzen dituzten hainbat emakumeri. Hizlari guztiek azpimarratu dute LibreCon dela Estatuan software libreari buruz egiten den konferentzia garrantzitsuena eta huts egin ezinezko ekitaldi bihurtu dela.

LibreCon sariak

Hauek dira saritu diren proiektuak eta pertsonak:

  • LibreCon 2022ko hitzaldi tekniko onena: Isard VDI
  • Open teknologiak konponbide errealetan aplikatzeko kasu arrakastatsu onena: Kode irekiaren papera Lookiero webgunearen datu-ekosisteman
  • Open teknologietan oinarritutako estrategia publiko onena: Quantum Ecosystem estrategia, Bizkaiko Foru Aldundiak lideratua
  • Emakumea teknologien arloan integratzeko ekimen onena: Innolab
  • Herritarrengan inpaktu handiena izan duen open teknologietan oinarritutako proiektu onena: EJIE, “NIK patrika digitala” proiektuagatik
  • Open teknologien sektorean oihartzun handiena izan duen enpresa: Cloudera
  • ESLE sari berezia: Dani Armendariz, ESLEko lehen presidentea

Lotutako albisteak

27 urtarrila, 2023 Digitalizazioa
CreativiTIC: “Errealitate birtual eta areagotuaren esparruan trebatu nahi diren pertsonak aurkitu nahi ditugu”
Irakurri gehiago
25 urtarrila, 2023 Digitalizazioa
Sherpa.ai-k datuen pribatutasunari aplikatutako Adimen Artifizialeko plataforma bat iragarri du
Irakurri gehiago
25 urtarrila, 2023 Digitalizazioa
Elmek bere bezeroen digitalizazio prozesuetan laguntzen du, ‘industria adimenduna’ bultzatzeko xedearekin
Irakurri gehiago
24 urtarrila, 2023 Digitalizazioa
Sergio Gilek, Tecnaliako Adimen Artifizialeko arduradunak, inauguratuko ditu BAICorner solasaldiak
Irakurri gehiago
13 urtarrila, 2023 Digitalizazioa
I-Batu-k metalgintza-sektoreari SaaS plataformen bidez saltzeko ziklo osoa eskaintzen du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak