Oro har, “Lurrak eta Ondasun naturalak” eta “Eraikinak” epigrafeetan eginiko inbertsioak aktibo finkotzat hartuko dira, baina jaso dezaketen gehienezko zenbatekoa diruz lagundu daitezkeen gainerako aktiboei dagokien berdina izango da.  Gehienezko zenbateko hori gaindituz gero, gehiegizko inbertsioa ez da joko diruz laguntzeko moduko inbertsiotzat, baina bai inbertsio onartutzat, Aginduan ezarritako baldintzak betetzeko.

Nolanahi ere, aktiboek zuzeneko lotura izan beharko dute enpresak xede sozialtzat duen jarduerarekin.

Berritasun aipagarriena da aurre-eskaera desagertu egin dela, tramite horrek ez baitzuen zentzurik deialdia noiz argitaratu den kontuan hartuta.

Ebazpena elektronikoki eman eta jakinaraziko da, deialdia argitaratu den egunaren biharamunetik hasi eta gehienez sei hilabeteko epean. Denbora hori igarotakoan ez bada ebazpenik jakinarazi, erakunde interesatuek ulertuko euren eskaera ukatua izan dela.

Eskaerak aurkezteko epea deialdia argitaratzen den egunaren biharamunean hasiko da eta 2023ko apirilaren 17an amaituko da.

Enpresa onuradunak dokumentu hauek bete eta aurkeztu beharko ditu, Euskal Autonomi Erkidegoko Administrazio Publikoaren helbide elektronikoaren bidez: https://www.euskadi.eus/servicios/0091211.

1. Gauzatutako inbertsioen aitorpena, zeinetan espresuki adieraziko baitu laguntza eman ostean ez duela berreskuratze-agindurik Europako Batzordeak erabaki duelako laguntza bat legez kanpokoa edo merkatu erkidearekin bateraezina dela.
2. Inbertsioen zerrenda sailkatua, bertan identifikatuz hartzekodunak, zenbatekoa, igortze-data eta, hala badagokio, ordainketaren data.
3. Eskatzailea kooperatiba bat bada, Lagun Aro BGAEarekiko ordainketetan egunean dagoela ziurtatzen duen agiria eta mutualisten zerrenda ordainketa-eskaera egin deneko datan.
4. «Alta-egoeran dauden langileen batez besteko plantilla» txostena, Gizarte Segurantzak egina ordainketa-eskaera egin deneko datan. Eskatzailea kooperatiba bat bada, mutualisten batez besteko ziurtagiria, data berean.
5. Leasing kasuetan, kontratua, faktura eta erosketa aukera gauzatzeko konpromisoa, bi aldeek sinatua.
6. Azken bi ekitaldietako Sozietateen gaineko Zerga edo PFEZa, edo, halakorik ezean, azken ekitaldiko ikuskapenaren txostena.
7. Diruz lagundu daitekeen jarduera finantzatzeko erabili diren bestelako diru-sarreren edo dirulaguntzen zerrenda xehea, bertan adieraziz bakoitzaren zenbatekoa eta jatorria.
8. Itzulketa behartuengatik eginiko diru-sarreren ordainketa-gutuna, hala badagokio.

Enpresa onuradunak ikuskapenaren esku jarriko ditu honako hauek:

1. Gauzatu eta aurkeztutako inbertsioak justifikatzeko faktura orijinalak, zeintzuetan agertuko baitira igortze-data, enpresa hartzekodunaren identifikazioa (IFZ eta erakunde edo enpresa hornitzailearen izena), eta horiekin batera, ordainketa egin izanaren dokumentuak, bertan adieraziz zenbatekoa (BEZa banakatuta) eta ordainketa-data.
2. Leasing kasuetan, aurreko puntuan eskatutako dokumentazioa: kontratua, faktura eta erosketa aukera gauzatzeko konpromisoa, bi aldeek sinatua.

Orobat eskatuko dira beharrezkotzat jotzen diren dokumentu eta informazio osagarri guztiak.

Enpresa eskatzaileak eskaera bat bete behar du, non jasoko diren:

1. Eskatzaileak egingo dituen inbertsioen memoria xehea, zeinak bere baitan hartuko baititu plan industriala, plan ekonomiko-finantzarioa, laneko plana eta planak burutzeko epeak. Era berean, atxikita izan beharko ditu Oinarri Teknologiko edo Berritzaileko enpresa dela ziurtatzen duten agiriak.
2. Enpresako plantillari buruzko informazio-agiria, lanbide-kategoriaren eta sexuaren arabera banakatuta, eta deialdi hau argitaratu aurreko azken ekitaldiaren itxierari dagokiona.
3. Gizarte Segurantzak emandako “Alta egoeran dauden langileen batez besteko plantilla” txostena edo, eskatzailea kooperatiba bat bada, mutualisten batez bestekoaren ziurtagiria; bai txostena eta bai ziurtagiria deialdi hau argitaratu aurreko 3 urteei dagokiena.
4. Sozietateen gaineko Zergaren azken bi aitorpenak edo, hala badagokio, Pertsona Fisikoen Errentaren gaineko Zergarenak, edo Merkataritza Erregistroan azken bi ekitaldietan aurkeztutako urteko kontuak eta agiri gehigarriak.
5. Eratze-eskritura (enpresa eratu berria denean bakarrik), Identifikazio Fiskaleko Txartela, eta eskatzailearen ahalordea, salbu eta agiri horiek Ekonomi Garapen, Jasangarritasun eta Ingurumen Sailaren esku badaude eta ez bada ezer aldatu. Kasu horretan, eskaeran bertan adieraziko da zein egun eta bulego eta/edo sailetan aurkeztu ziren.
6. Eskatzailea ETE bat dela frogatzen duten agiriak (Europar Batasuneko araudian jasotako ETE kalifikazioaren arabera), hau da: enpresaren eta, hala badagokio, harekin elkartu edo lotutako gainerako enpresen urteko enplegu-datuak, negozio-bolumena eta balantze orokorra. Enpresa-taldearen datu orokorrak ere aurkeztu behar dira, barne hartuz talde osoaren antolamendu-eskema bat, partaidetzak eta enplegu-datuak, ustiapen-zifra eta balantzea, denak ere laguntza eskatu aurreko bi ekitaldietakoak.
7. Ekonomi Jardueren gaineko Zergan alta hartuta dagoela adierazten duen dokumentua.
8. Erantzukizunezko adierazpena -datu-faltsutzerik gertatuz gero, indarreko zehapen-araubidea aplikatuko zaio, bai administrazio arlokoa eta bai penala- alderdi hauek egiazkoak direla ziurtatzen duena:
   • Enpresa eskatzaileak betetzen dituela laguntzen deialdia egiteko Agindu honen artikuluetan eskatzen diren baldintza guztiak.
   • Aitortu dituela beste erakunde publiko edo pribatu batzuei proiektu berarentzat eskatu dizkien eta/edo haietatik jaso dituen laguntzak.
   • Eskaera egiteko unean, enpresa eskatzaileak ez duela dirulaguntza edo laguntza publikoak jasotzea eragozten dion administrazio-zehapenik edo zehapen penalik, eta ez duela aipatutakook eskuratzeko ezgaitzen duen legezko galarazpenik.
   • Enpresa eskatzailea ez dagoela Euskal Autonomi Erkidegoko Administrazio Orokorrak eta haren menpeko erakunde autonomoek emandako izaera bereko laguntzen edo dirulaguntzen esparruan hasitako ezein itzultze- edo zigor-prozeduraren eraginpean.
   • Egunean dagoela itzuli beharreko dirulaguntzen ordainketan.
   • Ez dagoela laguntzak berreskuratzeko agindu baten menpe, Batzordeak aurretiaz erabaki badu laguntza bat legez kanpokoa eta barne merkatuarekin bateraezina dela, eta ez dagoela krisi-egoeran, krisi-egoeran dauden eta finantza arlokoak ez diren enpresen salbamendurako eta berregituraketarako Estatuko laguntzei buruzko Europar Batasunaren jarraibideen arabera (EO, C 249, 2014-07-31).
   • Erregularizatuta daukala Ogasunarekiko eta Gizarte Segurantzarekiko egoera.
   • Betetzen dituela Dirulaguntzei buruzko 38/2003 Lege Orokorreko 13. artikuluan eskatzen diren baldintzak.

Aurrerakinen itzulketak finkoak dira, eta periodikoki egingo dira, bost urtez jarraian, Finantzen Euskal Institutuaren kontu batean.

Itzulketak honela egingo dira:

• Behin inbertsioak egiteko ezarritako epea -jasota dago dirulaguntza emateko ebazpenean- amaitu ondoren, enpresek urtebeteko gabealdia izango dute itzulketak egiten hasi aurretik.
• Lehen itzulketa urtebeteko gabealdiaren ondoren egingo da, hau da, dirulaguntza emateko ebazpenean adierazitako epea amaitzen den ekitaldiaren ondorengo 2. urtean.
• Gainerako itzulketak jarraian egingo dira, bosgarren urtea bete arte.

Bost urtez, bi itzulketa egingo dira urtean, bata otsailean eta bestea uztailean. Itzulketa bakoitzaren zenbatekoa jasotako laguntzaren hamarrena izango da.

Zuzendaritza kudeatzaileak likidazio-txosten bat egingo du urtero ekitaldia amaitzean, eta bertan jasoko ditu Administrazioaren aldeko edo kontrako balizko diferentziak, bai eta, hala badagokio, kasuan kasuko interesak.

Diferentziak hurrengo itzulketan erregularizatuko dira.

Azken likidazioan detektatutako diferentziak erregularizatzeko hiru hilabeteko epea egongo da itzulketa akastuna egin den egunetik kontatzen hasita.

Nolanahi ere, posible da itzultzeke dagoen laguntza epemugaren aurretik itzultzea.

Administrazioak aurrerakin itzulgarrien ordainketa egin ahal izateko, onuradunak administrazio honen “Hirugarrenen erregistro elektronikoan” agertu behar du.

Enpresa onuradunak eskatutako dokumentuak bete eta aurkeztu beharko ditu, Euskal Autonomi Erkidegoko Administrazio Publikoaren helbide elektronikoaren bidez: https://www.euskadi.eus/servicios/0091211.

Enpresa onuradunak hiru hilabeteko epea du inbertsioen azken adierazpena aurkezteko, inbertsioak egiteko ezarritako epea amaitzen denetik kontatzen hasita.

Epe hori amaitu ondoren ez badu adierazpenik aurkeztu, Saileko Industria Administrazioaren Lurralde Ordezkaritzari eskatuko zaio ikuskatu ditzala ordura arte aitortu eta aurkeztutako inbertsioak.

Aipatutako inbertsioak ikuskatu ondoren, Lurralde Ordezkaritzak proposamen-txosten bat idatziko du justifikatu eta ikuskatu dituen inbertsioei dagokien laguntza itzulgarriaren azken likidazioari buruz, eta Industria eta Trantsizio Energetikoko zuzendariari igorriko dio.

Aurrerakin itzulgarriak, oro har, urtean birritan ordainduko dira, justifikatutakoaren araberako proportzioan, behin egiaztatu ondoren onuraduna egunean dagoela bere zerga-betebeharretan eta Gizarte Segurantzari dagozkionetan, eta ez dela zorduna itzulketa-ebazpen bat dela medio. Zorduna bada itzulketa-ebazpen bat dela medio,  ez da ordainketarik egingo.

Aurkeztutako eskaerek baldintza guztiak betetzen badituzte, prozedura bakar batean izapidetuko dira, eta Industria eta Trantsizio Energetikoko zuzendariari dagokio horiek ebaztea.

Laguntzak puntuazio-ordenaren arabera emango dira, harik eta esleitutako kreditua agortzen den arte. Erakunde batek baino gehiagok puntuazio bera lortzen badute, espedientea osatu zeneko egunaren arabera finkatuko da esleipen-ordena.

Ebazpenak adieraziko du eskatutako dirulaguntzak eman ala ukatzen diren, eta alderdi hauek ere zehaztuko ditu:

• Onuradunen zerrenda, ondoko hauek adierazita: erakunde eskatzailearen izena, aurkeztutako inbertsioaren zenbatekoa, diruz lagundu daitekeen inbertsioarena eta emandako laguntzarena.
• Ukatutako eskaeren zerrenda, zergatia adierazita.

Bi kasuetan, eranskin indibidualizatu bat gehituko zaie, zeintzuetan espresuki adieraziko baitira:

• Onuradunen kasuan: onartutako inbertsioa, diruz lagundu daitekeen inbertsioa, sortuko diren enpleguak, emandako laguntzaren zenbatekoa eta “Gauzatu-Industria 2023 programako prozeduraren jarraibideak” izeneko dokumentua.

Ukatutakoen kasuan: ukatu izanaren arrazoiak.

Eskaerak akatsak baditu, ez badago behar bezala beteta edo ez bada aurkezten eskatutako dokumentazioa, enpresa interesdunari eskatuko zaio akatsak zuzentzeko edo dokumentuak aurkezteko 10 eguneko epean, eta jakinaraziko zaio hori egin ezean ezetsi egingo dela bere eskaera.

Eskaera beteta aurkeztu behar da -enpresa bakoitzak eskaera bakar bat aurkeztuko du egin nahi dituen jarduera guztietarako- eta, erakunde eskatzailea ordezkatzeko legezko gaitasuna duen pertsonaren sinaduraz gain, eskatzen diren agiri guztiak atxiki behar dira.

Administrazio-prozeduraren informazio-fitxa (bertan jasota daude izapideak egiteko jarraibideak, erantzukizunpeko adierazpenak eta ereduak, bai eta eskaera egiteko inprimakirako sarbidea) https://www.euskadi.eus/servicios/0091211 helbidean dago. Eta helbide horretan bertan egingo dira laguntza eman ondoren egin beharreko izapide guztiak (jakinarazpenak eta justifikazioak barne).

Helbide honetan daude Euskal Autonomi Erkidegoko Administrazio Publikoaren egoitza elektronikoan onartzen diren identifikaziorako eta elektronikoki sinatzeko bitartekoak: https://www.euskadi.eus/certificados-electronicos.

Era berean, aukera dago tramitazio elektronikoa ordezkari baten bidez egiteko. Kasu horretan, ordezkaria inskribatu egin beharko da Euskal Autonomi Erkidegoko Administrazioaren Ahalordeen Erregistro Elektronikoan, helbide honetan: https://www.euskadi.eus/representantes.

Eskatzaileak, gainera, alta hartu beharko du edo bere datuak aldatu beharko ditu hirugarrenen erregistro elektronikoan, helbide honetan: https://www.euskadi.eus/altaterceros.

Diruz laguntzeko moduko inbertsioak gehienez 24 hilabeteko epean gauzatu behar dira inbertsioak gauzatzen hasten direnetik kontatzen hasita.

Diruz laguntzeko moduko inbertsiotzat hartuko da enpresaren aktiboan sartuko diren aktibo finkoen erosketa, baldin aktibo horiek baldintza hauek betetzen badituzte:

a) Azaroaren 16ko 1514/2007 Errege Dekretuan bildutako Kontabilitate Plan Orokorrak ezarritako definizioaren arabera kategoria edo epigrafe hauetan dauden aktiboak izatea:

203. Industri Jabetza eta Patenteak.
204. Aplikazio informatikoak.
205. Lurrak eta Ondasun naturalak.
206. Eraikuntzak.
207. Instalakuntza teknikoak.
208. Makinak.
209. Tresnak.
210. Beste instalazio batzuk.
211. Informazio prozesuetarako ekipoak.

«Lurrak eta Ondasun naturalak» eta «Eraikuntzak» epigrafeetako inbertsioaren gehienezko zenbatekoa laguntza jaso dezaketen gainerako aktiboen berdina izango da. Gehienezko zenbateko hori gaindituz gero, gehiegizko inbertsioa ez da joko diruz laguntzeko moduko inbertsiotzat, baina bai inbertsio onartutzat, Aginduan ezarritako baldintzak betetzeko.

Nolanahi ere, aktiboek zuzeneko lotura izan beharko dute enpresak xede sozialtzat duen jarduerarekin.

b) Lehen aldiz erabiliko direnak edo lehenbizikoz martxan jarriko direnak izatea, salbu eta lehendik erabilitako eraikinak eta bestelako eraikuntzak erosten badira; kasu horretan, berriak balira bezala hartuko dira.

Era berean, ulertuko da diruz laguntzeko moduko gastua dela aktiboak erostea konkurtso-prozedura batean sartuta dagoen establezimendu bati, edo aktiboak erosi izan ez balira konkurtso-prozeduran sartua legokeenari. Aktiboak erlaziorik ez duten hirugarren pertsonei erosiko zaizkie, eta operazioa merkatuko baldintzetan egingo da.

c) Gutxienez hiru urteko amortizazio epea izatea, eta gutxienez hiru urtez egotea enpresaren aktiboan.

d) Finantza-errentamendu bidez finantzatutako inbertsioak -dirulaguntza jaso dezakeen inbertsiotzat hartua izan dadin- esplizituki jasotzea hura erosteko aukera kontratua amaitzean, bai eta kontratua gauzatzeko konpromisoa, bi alderdiek sinatua.

e) Aktiboak, oro har, hirugarreni lagata ez egotea, kontuan izan gabe lagatzearen truke kontraprestaziorik badagoen.

f) Oro har, enpresa eskatzaileak edo harekin elkartu nahiz lotutako enpresek fabrikatua ez izatea.

g) Dirulaguntza jaso dezaketen aktibo ez-materialak, oro har, enpresa onuradunaren establezimenduan ustiatuko dira, aktiboaren elementu amortizagarritzat joko dira, hirugarrenei merkatuko baldintzetan erosiak izango dira, eta enpresaren aktiboan mantenduko dira gutxienez hiru urtez.

Sailari espresuki jakinaraziko zaio zeintzuk diren elkartutako edo lotutako enpresei aktiboak erosi izanaren ondoriozko inbertsioak, eta kanpo kontrolerako auditoretzen bidez baloratuko dira.

Ez dira diruz laguntzeko moduko inbertsiotzat joko:

1. Bazkideren batek kapitalari espezietan egindako ekarpenak.
2. Ordezkapen-inbertsioak.
3. Laguntza-eskaera aurkeztu aurretik hasitako inbertsioak.

Aurrerakin itzulgarriak diruz lagun daitekeen inbertsioaren % 35erainokoak dira.

Aurrerakinak gehienez 200.000,00 eurokoak izango dira sortutako enplegu bakoitzeko, eta gehienez 150.000,00 eurokoak mantendu den enplegu bakoitzeko. Inolaz ere ezingo da jaso 1.500.000,00 euro baino gehiago.

Kontuan izanik enpresaren tamaina eta Oinarri Teknologikokoa edo/eta Berritzailekoa den, itzuli beharreko laguntza izango da diruz lagundu daitekeen inbertsioari intentsitate hauek aplikatzearen emaitza:

Deialdi honetan jasotzen diren laguntzak bateragarriak izango dira beste administrazio publiko edo erakunde pribatu batzuek xede bererako ematen dituztenekin, baldin eta denek batera ez badute gainditzen ezarritako muga.

Aurrerakin itzulgarriak.

Enpresa batek oinarri berritzailerik baduen erabakitzeko, irizpide hauek hartuko dira kontuan, zeintzuen bidez 30 puntu lortu ahal izango baitira gehienez.

Irizpide hauetako bakoitzean 3 puntu lortu ahal izango dira, i) irizpidean izan ezik, zeinetan 6 puntu banatuko baitira:

1. Apustu egitea etengabeko hobekuntzaren, kudeaketako berrikuntzaren eta kalitate ziurtagiriak eskuratzearen alde. Kontuan hartuko da martxan jarritako apustuen azalpena.
2. Enpleguan, esportazioetan, merkatu-kuotan, produktu berrien merkaturatzean, eta abarretan kudeaketa egokia ezarri izanaren ondoriozko emaitza positiboen analisia.
3. Inbertsio proiektuaren helburua eta garatu nahi diren produktu berriekin edo landu nahi diren merkatu berriekin duen erlazioa.
4. Nazioartekotzeko plana izatea, non zehaztuko diren enpresaren produktuak kanpo-merkatuetan sartzeko estrategiak eta egin beharreko ekintzak, eta non adieraziko diren zeintzuk diren enpresari interesatzen zaizkion eremuak eta horien periodifikazioa.
5. Berdintasun Plan bat edo emakumeen eta gizonen arteko aukera berdintasunerako erakunde kolaboratzaile baten ziurtagiriak edukitzea, eta baita ere jazarpen sexistaren aurkako protokoloak, laneko eta familiako bizitzak bateratzeko neurriak, e.a., salbu eta ez bada derrigorrezkoa enpresaren berezko ezaugarriengatik.
6. Bere jarduera Enpresa eta Berrikuntza Zentro (EBZ) hauetakoren batean hasitakoa izatea eta/edo haren tutoretzapean egotea: Arabako Enpresa eta Berrikuntza Zentroa (BIC Araba), Ezkerraldeko Enpresen Garapenerako Zentroa (BIC Bizkaia Ezkerraldea), Bizkaiko Enpresa eta Aurrerapen Zentroa (BEAZ), Gipuzkoako Enpresa eta Berrikuntza Zentroa (BIC Gipuzkoa).
7. Kontuan hartzea enpresa-berrikuntzaren dimentsio globala nazioarteko kate globaletako berrikuntzari dagokionez.
8. Lerrokatuta egotea ingurumenaren aldeko apustuarekin, eraginkortasun energetikoarekin, emisioak murriztearekin eta Garapen Jasangarriari buruzko 2030 Agendan onartutako Garapen Jasangarriko Helburuen (GJH) betepenarekin.
9. Estrategia bat eta ezarpen-maila jakin bat izatea IKTen arloan (informazio, komunikazio eta Interneteko teknologiak), digitalizazioan, IoT-n, 4.0 Industrian, eta abarretan, jarduera eta negozio-eredua garatzeko.

Ulertuko da enpresak izaera berritzailea duela, baldin eta gutxienez % 50eko puntuazioa lortu badu berrikuntzari buruzko irizpideetan.

Halaber, Oinarri Teknologikoko enpresatzat edota Enpresa Berritzailetzat jo ahal izango dira enpresa sortu berriak, baldin eta jatorria badute Euskadiko Zientzia, Teknologia eta Berrikuntza Planeko programen babesean egindako ikerketa edota garapen teknologikoko proiektuetan.

Enpresa batek oinarri teknologikorik baduen erabakitzeko, irizpide hauek hartuko dira kontuan, zeintzuen bidez 70 puntu lortu ahal izango baitira gehienez.

1. Oinarrizko irizpide bakoitzak 0-10 bitarteko puntuazioa emango du.

• 1.1.– Goi-mailako teknologiako sektore industrialetan jardutea (INEren irizpideen arabera). Euskadiko Zientzia, Teknologia eta Berrikuntzako 2030 Planaren nahiz Espezializazio Adimenduneko Estrategiaren (RIS3) arabera, lehentasuna izango dute sektore hauetan dihardutenek: energia garbiagoak, industria adimenduna eta osasun pertsonalizatua. Kontuan hartuko da zein sektoretan egiten duen lan enpresak eta zein sektorerekin erlazionatzen den (bezeroak eta hornitzaileak).
  • Intentsitate teknologiko handiko sektoreetako enpresak (8-10 puntu).
  • Intentsitate teknologiko ertaineko sektoreetako enpresak (4-7 puntu).
  • Intentsitate teknologiko baxuko sektoreetako enpresak (1-3 puntu).
• 1.2.– I+G+B-ko inbertsio-maila handia izatea. Kontuan hartuko dira I+G+B-ra eta berrikuntza teknologikora bideratzen diren baliabideak (aurrekontua, lantaldea, esperientzia, ekipo instrumentalak, etab.).
  • Sektoreko batez bestekoarekin alderatuta, enpresak bere salmenta-zifraren portzentaje handi bat bideratzen du I+G-ra (8-10 puntu).
  • Enpresak portzentaje esanguratsu bat bideratzen du I+G-ra (4-7 puntu).
  • Enpresak baliabide gutxi bideratzen ditu I+G-ra, edo ez du bat ere bideratzen (1-3 puntu).
• 1.3.– Ezagutza teknologikoa produktu edo prozesu berri bilakatzea, produktu edo prozesu horiek merkaturatzeko. Kontuan hartuko da bere sektorearen ezagutza teknologikoa (enpresan lehenago izandako kasuak eta adibideak azalduz).
  • Enpresak badu ezagutza teknologiko “esklusiboa” eta, gainera, modu egokian industrializatzen du (8-10 puntu).
  • Enpresak badu produktu edo prozesu berriei buruzko ezagutza teknologiko berritzailea bere sektoreko batez bestekoarekin alderatuta, eta ezagutza hori merkatuaratzeak bide eman dio gainerakoengandik bereiziz lehiatzeko. (4-7 puntu).
  • Enpresak ez du gainerakoengandik bereizten duen ezagutza teknologikorik sektore barruan (1-3 puntu).

2. Euskarri-irizpide bakoitzak 0-10 bitarteko puntuazioa emango du

• 2.1.– I+G+B-ko proiektuak ustiatzea. Kontuan hartuko da bideratzen duen bere I+G-a produktu edo prozesu berrien garapenera.
  • Enpresak merkaturatzen dituen produktu edo prozesu berriak garatzera edo hobetzera bideratzen du bere I+G-a. (8-10 puntu).
  • Enpresak batzuetan lankidetzan ustiatzen ditu barne-garapenak edo I+G arlokoak. (4-7 puntu).
  • Enpresak ez du ustiatzen I+G-a, eta atzean geratu da bere sektoreko produktu edo prozesuen maila teknologikoari dagokionez. (1-3 puntu).
• 2.2– Gainerakoengandik bereizten duen teknologia propio eta babestua izatea. Kontuan hartuko dira enpresa batek dauzkan patenteak, markak, erregistratutako ereduak eta know-how-a.
  • Enpresak baditu patente propioak edo teknologia-maila handia (8-10 puntu).
  • Enpresak baditu lizentziak edo nolabaiteko teknologia-maila bat (4-7 puntu).
  • Enpresak ez du patente edo lizentziarik, eta bere ezagutzak edo bitarteko teknologikoak ez dira nahikoa sektorean nabarmentzeko. (1-3 puntu).

3. Bigarren mailako irizpide bakoitzak 0-10 bitarteko puntuazioa emango du.

• 3.1.– Parke Teknologikoetan edo Enpresa eta Berrikuntza Zentroetan kokatuta egotea. Enpresaren berrikuntza teknologikoko profila hartuko da kontuan.
  • Enpresa bere berrikuntza teknologikoko profilaren araberako parke teknologiko batean kokatzen da. Edo enpresa berria BIC batean sortu da, zeinarekin parte hartu baitu negozio-planaren garapenean eta exekuzioan (8-10 puntu).
  • Enpresa parke teknologiko edo BIC batean kokatuta egon zen hasieran, eta gero tokiz aldatu zen. Edo nolabaiteko harremana izan du BIC batekin (5-7 puntu).
  • Enpresa edo enpresa berria ez da inoiz egon parke batean kokatuta, eta ez du harremanik izan BIC batekin (punturik ez).
• 3.2.– Harremana eta irisgarritasuna. Kolaborazioak eskaintza teknologikoarekin, Euskal Autonomi Erkidego barruan eta kanpoan (unibertsitateko sailak, teknologi zentroak, laborategiak, etab.), eta lankidetza teknologikoko edo berrikuntza irekiko bestelako akordioak bezero, hornitzaile, kluster edo berrikuntza sareekin.
  • Enpresak ezagutzen ditu Euskadiko, Estatuko edo nazioarteko unibertsitateak, teknologi zentroak eta laborategiak, eta erregularki kolaboratzen du haiekin. Gainera, hitzarmenak dauzka horietako bat edo gehiagorekin (8-10 puntu).
  • Enpresak eskaintzako zentroren batekin kolaboratzen du edo lankidetza teknologiko eta garapen bateratuko programak egiten ditu bezero, hornitzaile edo sektoreko beste enpresa batzuekin edo klusterrekin (4-7 puntu).
  • Enpresak ez du kolaboratzen eskaintza teknologikoarekin eta ez du lankidetza tekniko edo teknologikorik beste enpresa batzuekin (0-3 puntu).

Ulertuko da enpresak oinarri teknologikoa duela, baldin ebaluazioan lortutako guztizko nota a) ataleko guztizko notaren % 50ekoa edo handiagoa bada, eta irizpide bakoitzean lortutako nota honakoen berdina edo handiagoa bada: