Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 30 ekaina, 2023 Euskara industrian Indeusberri

IndeusBerri: industria eta euskara uztartzen dituen informazioaren topagunea

Gaur albiste dira Indeuseko lantaldeak, Emakumeak euskal kooperatibismoan, Higa topaketa, Waze aplikazioa eta Gotortze.
Banner ekaina 2023

Joan den ekainaren 23an Indeusek kide berri bat duela, Leycolan, eta lantaldeek bilera egin dutela nabarmendu du gaur IndeusBerrik, beste berri hauekin batera: UEUk antolatuta Emakumeak euskal kooperatibismoan ikastaroa egingo da uztailaren 7an Eibarren; uztailaren 17tik 21era berriz HIGA hizkuntza gutxituetako hiztun gazteen topaketa Gasteizen; EnpresaBidean irakurri dugu Waze, euskaraz hitz egiten duen nabigazio-aplikazioa; eta amaitzeko, Industria Berriaren Hiztegiari hartu diogun berba berri bat: Gotortze.

HIGA, hizkuntza gutxituetako hiztun gazteen topaketa uztailaren 17tik 21era egingo da Gasteizen. 5 eguneko programazioaren baitan, komunitate ezberdinetako kideek hizkuntzen biziberritzearen zein hizkuntza aktibismoaren alorrean formatzeko aukera izango dute, bai eta haien errealitatea partekatzeko zein besteena ezagutzeko ere. Goizeko saioek, hitzaldi edo mahai-inguru formatua izango dute eta EHUko udako ikastaroen prestakuntza-programaren baitan antolatuta eta ziurtatuta daude. Bazkalostean, hiztun gazteen arteko elkarlana eta ekintzailetasuna sustatzera bideratutako lantegiak dinamizatuko dira.
Emakumeak euskal kooperatibismoan ikastaroa UEUn uztailaren 7an. UEUk, Farapik eta Lankik elkarlanean antolatutako jardunaldia honekin Euskal Kooperatibismoan emakumezkoek izandako paperaren inguruan hausnartu nahi dugu. Baita kooperatibismoak emakume langileei zerk eskaini zien ezagutarazi nahiko genuke. Eta nolabait emakumeek euskal kooperatibismoan izandako ibilbideaz hitz egin nahi dugu, bai gaian adituak direnekin baita arituak izan direnekin ere. Eibarko Markeskoa jauregian egingo da jardunaldia uztailaren 7an.
INDEUS, Industriaren Euskal Plataformak bere lantaldeak bildu ditu eta kide berri bati ongietorria eman. Arabako Parke Teknologikoak hartu zuen ekainaren 23an Industriaren Euskal Plataformako lantaldeen batzarra eta topaketa honetan LEYCOLAN enpresari ongietorria eman zitzaion. Usurbilen kokatutako enpresa, energia sektorekoa da eta argiteria kudeatzeko soluzio berritzaileak eskaintzen ditu. Aurten bost urte bete ditu INDEUS Industriaren Euskal Plataformak eta dagoeneko 32 enpresek egin dute bat ekimenarekin. Urte amaierarako kopurua handitzea espero dute plataformako arduradunek.
“GOTORTZE” Industria Berriaren Spri Hiztegian. Sistema informatiko baten segurtasuna handitzeko prozesua, hari kalte egiteko arriskuaren adierazle den eraso-azalera murrizten duena. Sistema baten eraso- edo zaurgarritasun-azalera da baimenik gabeko erabiltzaile batek sisteman datuak sartzen edo handik datuak ateratzen saia daitekeen puntuen multzoa. Eraso-azalera ahalik eta txikiena izatea da oinarrizko segurtasun-neurrietako bat. Sistema batek zenbat eta funtzio gehiago izan, hainbat eta handiagoa da eraso-azalera; printzipioz, funtzio bakarreko sistema bat askoz ere seguruagoa da funtzio anitzeko bat baino.
Waze, euskaraz hitz egiten duen nabigazio-aplikazioa. Waze aplikazioa da euskaraz erabat eskuragarri aurki dezakegun aplikazio bakarrenetako bat. Bilbon hasi eta Euskal Herria zeharkatuko duen Frantziako Tourra hurbiltzen ari dela eta, oso aplikazio egokia izan daiteke trafikoaren egoera ezagutzeko gure errepideetatik igarotzen den egunetan. EnpresaBIDEA agerkarian irakurri dugunez Waze nabigazioko elkarlaneko aplikazio bat da, erabiltzaileek trafikoaren egoerari, gorabeherei, radarrei, gasolindegiei eta gidarientzat interesgarriak diren beste datu batzuei buruz denbora errealean ematen duten informazioan oinarritzen dena.

Lotutako albisteak

1 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
2024ko otsaileko bannerra 23 otsaila, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
INDEUS argazkia_Batzar Orokorra 23 otsaila, 2024 Euskara industrian
2024an ardatz izango dituen gaiak finkatu ditu INDEUSek, Ekin eta Gislan enpresei ongietorria eman dien Batzar Orokorrean
Irakurri gehiago
2024ko otsaileko bannerra 16 otsaila, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
2024ko otsaileko bannerra 9 otsaila, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak