Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 7 urria, 2022 Euskara industrian Indeusberri

IndeusBerri: industria eta euskara uztartzen dituen informazioaren topagunea

Zibersegurtasuna, Euskarabildua, UEU eta Gauzen Internet dira gaurko berriak.
IndeusBerri_bannerra_URRIA

Euskadiko Zibersegurtasun Zentroaren eskutik, urriaren 20an eta euskaraz egingo den Zibersegurtasuna Enpresan jardunaldia dakarkigu urriko lehen IndeusBerrik nabarmenduta. Zibersegurtasunarekin lotuta, ZIURek argitaratu berri duen SOC-OTEI buruzko txostena; eta honekin batera Euskarabilduaren ardatz izango den Utopia existitzen da. Teknologia burujabea herritik herrira. UEUk antolatutako jardunaldia XXI. menderako hizkuntza politikaz arituko dena. Eta Industria Berriaren SPRI Hiztegiko berba berri bat: Gauzen Internet.

XXI. menderako hizkuntza politikaz topaketa urriaren 19an UEUren eskutik. . XXI. mendearen lehen laurdenean murgildurik gaudela, sekula ezagutu ez den abiadako aldaketak ari dira gertatzen: robotizazioa, inteligentzia artifiziala, gauzen interneta, teknologia aurrerapenak, informazio joan-etorriak eta, horren guztiaren ondorioz, gizartearen eta bere balioen eraldaketa sakona. Europan batik bat, ingurunea biziki aldatzen ari da migrazio mugimenduek, mugikortasunak eta gizarte batzuen zahartzeak eraginda. Espero daitekeenez, horrek guztiak sekulako eragina izango du identitatearen erreprodukzio sistemetan.
“Utopia existitzen da. Teknologia burujabea herritik herrira” izango du ardatz EUSKARABILDUAK. Globalizazio basatiak agerian utzi du gure bizimoduak inguruneak ematen dizkigun baliabideak gainditzen dituela. Desazelerazioaz, deszentralizazioaz, subiranotasun eta kontrol autonomoaz hitz egiten da hainbat esparrutan, eta esparru teknologikoa, jakina, ez dago guzti horretatik kanpo. Asko dira menpekotasun teknologikoa murrizteko teknologia berrien garapenean, ekoizpenean eta eskuragarritasunean borrokan ari diren herrialde zein herritar taldeak.
“Zibersegurtasuna enpresan” jardunaldia, urriaren 20an, euskaraz. Zibersegurtasuna gero eta kezka handiagoa eragiten duen gaia da erakunde guztientzat. Arrazoiak asko dira: enpresaren jarduera geldiaraziko duen eraso bat jasateko arriskua murriztea, isilpeko informaziorako sarbidea babestea, dokumentazioa galtzea saihestea, etab. Jardunaldi honetan zibersegurtasuneko mehatxuen egoera zein den ikusiko dugu, baita enpresek zein arrisku dituzten, eta zibersegurtasuna kudeatzeko edozein erakundek jarraitu beharreko urratsak aztertuko ditugu.
GAUZEN INTERNET Industria Berriaren SPRI Hiztegian. Interneten erabilera, ahalbidetzen duena mundu errealeko objektuak elkarren artean edo beste objektu, ordenagailu zein zerbitzu batzuekin komunikatzea. Horretarako, objektuei informazio digitala eransten dioten teknologiak baliatzen dira. Erabilera honek aukera ematen du pertsona baino objektu gehiago konektatzeko Internetera. Esate batera, garbigailuak, termostatoak, lanparak eta antzeko tresnak Internetera konektatuz gero, uneoro jakin dezakegu itzalita edo piztuta dauden, edo zer kontsumo duten, besteak beste.
Industria-enpresei zuzendutako SOC-OTEI buruzko txostena argitaratu du ZIURek. Txosten horren helburua da industria-enpresei ezagutaraztea beren sektorera bideratutako SOC bat izatearen abantailak eta erakunde batek haren zerbitzuak eta jarduerak hedatzeko egin behar dituen urratsak. Txostenean azaltzen da zertan datzan SOC-OT bat, hau da, OT ingurune industrialetan zentratutako Segurtasun Eragiketetarako Zentro bat dela, eta testuinguruan jartzen da SOC espezializatu hauen sorrera.

Lotutako albisteak

22 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
15 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Korrika GDANSK 14 Marzo, 2024 Euskara industrian
Spri Taldeak KORRIKA egingo du hemen eta AEBn, Polonian, Txekian, Alemanian, Indian, Japonian, Korean eta Brasilen
Irakurri gehiago
8 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
1 Marzo, 2024 Euskara industrian
IndeusBerri: industria eta euskara uztartzen dituen informazioaren topagunea
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak