IndeusBerri: industria eta euskara uztartzen dituen informazioaren topagunea

INDEUS Industriaren Euskal Plataformaren Batzar Orokorrari buruzko albistea nabarmendu dugu gaur IndeusBerrin. Honekin batera, Bideoak eta konferentzia profesionalak sortzeko tresnari buruz Enpresa Digitalak eskaintzen dituen tailerrak, lan munduan euskararen erabilera indartzeko ahaleginean nabarmendu diren enpresa, ikastetxe eta ikasleei egindako aitortza ekitaldia eta Eusko Jaurlaritzak eta PuntuEus fundazioak elkarlanerako egindako akordioa jaso ditugu.

Eusko Jaurlaritzak eta PuntuEUS Fundazioak ingurune digitalean euskararen erabilera areagotzeko elkarlana aurkeztu dute. Kultura eta Hizkuntza Politika Sailak eta PuntuEUS Fundazioak erakunde bien arteko elkarlanerako ildoak aurkeztu dituzte. 2022-2023 epealdirako jardueren helburua gizartean eta eremu sozioekonomikoan euskararen erabilera ingurune digitalean sustatzea eta .EUS domeinuaren presentzia areagotzea da.

Bideoak eta konferentzia profesionalak sortzen ikasteko aukera eskaintzen digu Enpresa Digitalak. OBS Studio, software libreko tresnaren bidez, hainbat plataformatan, modu erraz eta praktikoan, bideo-grabazioak eta zuzeneko emanaldiak egiten ikasteko tailerrean parte hartzeko bi aukera eskaintzen dizkigu Enpresa Digitalak: martxoaren 1ean eta martxoaren 15ean. Ekitaldia online egingo da.

INDEUS, Industriaren Euskal Plataformak aurtengo erronkak finkatu ditu. Iazko jarduna aztertu eta aurtengo erronkak erabakitzeko helburuarekin egin du Indeus ekimenak bere Batzar Orokorra. Industria arloan euskararen erabilera sustatzeko helburuarekin Sprik, EEEk, hiru Foru Aldundiek eta Hizkuntza Politikarako Sailburuordetzak bultzatutako ekimenean, 27 enpresa industrial, zentro teknologiko eta erakunde daude honezkero.

Lan munduan euskararen erabilera indartzeko ahaleginean nabarmendu diren enpresa, ikastetxe eta ikasleak aitortu dituzte. “LH DuaLa Euskaraz” aitortza ekitaldia egin zuten otsailaren 18an Bergarako Miguel Altuna LHII institutuan, euskararen erabilera zabaltzeko ahaleginean erreferente diren Gipuzkoako lantoki eta Lanbide Heziketako ikastetxe eta ikasleei beraien jarduna aitortzeko.

Lotutako albisteak

18 apirila, 2024 Euskara industrian

GKN, Larraioz, Basque Automation eta Soziolinguistika Klusterrak bat egin dute INDEUSekin

Irakurri gehiago

12 apirila, 2024 Euskara industrian

IndeusBerri: industria eta euskara uztartzen dituen informazioaren topagunea

Irakurri gehiago

5 apirila, 2024 Euskara industrian

IndeusBerri: industria eta euskara uztartzen dituen informazioaren topagunea

Irakurri gehiago

22 Marzo, 2024 Euskara industrian

IndeusBerri: industria eta euskara uztartzen dituen informazioaren topagunea

Irakurri gehiago

15 Marzo, 2024 Euskara industrian

IndeusBerri: industria eta euskara uztartzen dituen informazioaren topagunea

Irakurri gehiago

Joan blog-era