Practicum Emprendek unibertsitateko ekintzailetza sustatzen du Deustun
‘Practicum Emprende’ Startupen graduko curriculum praktikei laguntzeko programa bat da, Santander Universidades lagunduta eta finantzatuta, eta Deustuko Unibertsitateko Berrikuntza eta Ekintzailetza Unitatearen lankidentza duena.
Programak bi helburu ditu; unibertsitateko ekintzailetza eta ikasleen enplegagarritasuna sustatzea ekosistema ekintzailearen barruan. Ekimen honi esker, sortu berriak diren hainbat enpresak kudeaketan, finantzetan, marketingean eta beren proiektuetarako interesgarriak diren diziplinetan trebatutako talentu gaztea gehitu ahal izango dute beren taldeetan.
Deustuko Unibertsitateak eta Banco Santanderrek lankidetzarako esparru-akordioa berritu dute, hiru ardatzen inguruan, hainbat programa eta ekintza aurreikusten dituena: esaterako; enplegagarritasuna, ekintzailetza eta hezkuntza, gizartearen garapenerako ezinbestekoak diren faktoreak.
Ekintzailetza ardatzaren barruan, halaber, “Creaction” programaren laguntza berritu da. Programa honek Deustuko Unibertsitateko titulazio guztietako graduko ikasleen espiritu ekintzaile eta berritzailea sustatzea du helburu; Aisia, Kultura, Kirol eta Jolas Proiektuen Zuzendaritzako Masterreko TFMen artean hautatutako Aisialdiko ekimen-proposamenak inplementatzeko jarduerekin batera.
info+ HEMEN
