Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 10 ekaina, 2024 Ekintzailetza Up Euskadi Start up

Ongizate-Foro bat BGAEak hobeto ezagutzeko

Mondragon Unibertsitateko ikasleek Ongizate-Foro bat sortzea proposatu dute BGAEak hobeto ezagutzeko
FORO BIENESTAR EPSV

III. Fintech Internacional Hack & Disrupt! topaketa irabazi duen taldeak, Mondragon Unibertsitateko lau ikaslek osatutakoak, ongizate-foro bat sortzea proposatu du, BGAEak sustatzeko planteatutako erronkaren soluzio gisa. Ekimen hau Eusko Jaurlaritzak, Bilboko Udalak, Bizkaiko Foru Aldundiak, BBK Fundazioak eta Bilbao Finantza Plazak babesten dute, eta korporazioek, startupek, administrazio publikoek eta ekintzaileek osatutako ekosistema bat bultzatzea du helburu, negozio berriak sortzeko eta, teknologiaren bidez, Euskadi finantzen berrikuntzaren erreferente gisa kokatzeko.

Edizio honetan planteatutako erronkarako soluzioaren aurkezpenak urtarrilean hasitako topaketa eta bileren egutegia itxi du. Elkarrizketa sektorialak egin dira, eta, horiei esker, lantaldeak bertatik bertara ezagutu ahal izan du BGAEen benetako dimentsioa, haien ondarea 28.894 milioi eurokoa baita Euskadin. Ondare hori, termino makroekonomikoetan adierazita, EAEko BPGd-aren % 31,65 da.

Finantzetan, aseguruetan eta teknologian negozio berriak sortzea sustatzen duen BBF Fintech ekimen publiko-pribatuaren emaitza gisa, unibertsitateko gazteen diziplina anitzeko talde batek joan den urtarrilaren hasiera aldean planteatutako erronkaren ebazpena aurkeztu du gaur Bilbon. Erronka galdera honen ingurukoa zen: Nola lortu borondatezko gizarte-aurreikuspeneko erakundeek (BGAEek) herritarren artean, bereziki gazteen artean, nabaritasun handiagoa izatea?

Soluziorako proposamena Ongizatearen Foroa sortzean datza, bigarren zutabea (enpleguko pentsio-planak) ezartzeko helburuarekin eratua. Foro horretan sindikatuek eta patronalak zeregin nabarmena izango lukete, baina beste eragile batzuek ere parte hartzen dute. Izan ere, eragile guztiak bigarren zutabea gehiago ikusarazteko eta, ondorioz, indartzeko beharrarekin bat eginez gero eta soluzioak sortuz gero, 1990etik aurrera jaiotako pertsona guztiek bizi-kalitate hobea izango dute erretiroan.

Azken jardunaldi honetan izan dira Eusko Jaurlaritzako ordezkariak, hala nola Finantza Politikako zuzendari Arantza Larrauri eta Ekonomia eta Ogasun Saileko Kabinete eta Koordinazioko buru Yurdana Burgoa, FEIko zuzendari nagusi Francisco Javier Arnáez, BGAE Federazioko kideak eta Elkarkidetzako lehendakariorde Amaia Aldasoro, eta Javier Askaiturrieta, Mercer Zona Norteko zuzendaria.

Lotutako albisteak

Toribio Echevarría 2024 Premios Sariak 21 ekaina, 2024 Ekintzailetza
Dive Medical eta NX Technologies protagonistak 22024ko Toribio Echevarria Sarietan
Irakurri gehiago
Wake Up Euskadi 20 ekaina, 2024 Ekintzailetza
Wake Up! Albiste ekintzaile batzuk sarean
Irakurri gehiago
19 ekaina, 2024 Ekintzailetza
Ekintzailetzaren ekosistema indartzeko garaia da Erronka 20230 dirulaguntzekin
Irakurri gehiago
19 ekaina, 2024 Ekintzailetza
BINDek industriaren azken berrikuntza teknologikoak aurkeztuko ditu Demo Day 2024an, datorren ekainaren 27an
Irakurri gehiago
NAW 18 ekaina, 2024 Ekintzailetza
Nawk haurrentzako kirol oinetakoak birformulatu ditu
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak