NX Technologies, ibilgailu elektrikoetarako produktu berritzailea duen Donostiako startupa
NX Tecnologies Donostiako startup bat da eta ibilgailu elektrikoentzako produktu berritzailea eskaintzen du: inbertsore bat (trakzio-sistemaren “garun” lana egiten duen eta motorren eta baterien arteko komunikaziorako ezinbestekoa den gailu elektronikoa). Bere prestazioak direla eta, ez dago merkatuan halakorik. Aurten, enpresak fakturazioa bikoiztuko du eta, hurrengo urtera begira, berriro ere bikoitza haztea aurrez ikusi du. Iazko azaroan banatutako TOP101 sarietako bat eskuratu zuten bost euskal enpresetako bat da (sariek Estatu mailako ekintzailetza aitortzen dute).
Enpresa 2020ko uztailean sortu zen lau gazte ekintzaileren ekimenari esker: Jon Duroudier arduradun teknikoa), Mikel Peral (CEOa), Xavier Descarrega (produktuaren garapeneko arduraduna) eta Mikel Martínez (testingaren arduraduna). Ingeniaritza ikasketak egiten ari zirela ezagutu zuten elkar eta, beren ibilbidea automobilgintzako enpresa liderretan (AVL, Ferrari eta Punch Powertrain, besteak beste) garatu ostean, enpresa hau eratzeko elkartzea erabaki zuten.
Hala, goraka zihoan ibilgailu elektrikoetarako potentzia-elektronikako merkatuan aukera detektatu ostean, aukera hori aprobetxatzen asmatu zuten. Sektorearen hazkunde bizkorrari eta gero eta handiagoa zen merkatuaren eskaerari erantzuna emanez, enpresak jarduera nagusiak bi marka independentetan dibertsifikatu zituen: NX Technologies, powertraineko produktuen garapenaz arduratzen dena, eta EPowerlabs, mugikortasun elektrikoko industriarako testingeko zerbitzuetara bideratzen dena, azaldu digu Jon Duroudeirrek, finantza arloko zuzendariarekin, Nahia Blancorekin, batera.
Enpresaren bezero nagusiak mugikortasunaren sektorekoak dira, baina serie handiak (turismo-ibilgailuak) osatzen ez dituzten horietan oinarrituta; hau da, autobusak, itsasontzi elektrikoak, hondeamakinak, traktoreak edo motozikletak, besteak beste. “Turismoen merkatuarentzat zerbitzatuz gero, bolumen handia, aparteko produkzio-instalazioak eta finantza arloko gaitasun handia izan behar dituzu. Gainerako ibilgailuek potentzial handiko merkatuak sortuko dituzte, guztia elektrifikatuko baita”, adierazi dute bi arduradunek.
Hala, NX Tecnhologies bi produktu-lerrotan oinarritzen da. Lehenengoa inbertsorea izenekoa da. Horren funtzioa ibilgailuaren eraginkortasun energetikoa maximizatzea da. Horren kontrol adimendunak azelerazioa eta abiadura doitzen ditu, energia-kontsumoa optimizatuz, bateriaren autonomia handituz eta gidatzeko garaian esperientzia eta segurtasuna hobetuz.
“Merkatuan zegoenarekiko ezberdina den inbertsorea eskaintzen dugu. Gurea txikiagoa, trinkoagoa eta kostuari dagokionez lehiakorragoa da. Gure lehiakideek baino prestazio handiagoak dituen sistema da, pisu erdia du eta hiru aldiz leku gutxiago, eta hori abantaila handia da. Gainera, giltza eskura eskaintzen dugu. Merkatuko punta-puntako teknologia da”.
Eskaintzen duten bigarren produktua baterien kudeaketa-sistemarena da. “Produktua lehendik merkatuan bazegoen arren, segurtasuna hobetzea ahalbidetzen duten funtzionalitate berriak gehitzea lortu dugu. Oso malgua den eta bateria-arkitektura mota askotan integragarria den produktua dugu.
Diseinua bertan eginda
NX Tecnologiesek osagaien fabrikazioa azpikontratatu egiten du, baina diseinua bertan egina da eta muntaketa-lana beraiek egiten dute. “Gure helburua hemen, gure DNArekin, egitea da, Euskadi industrializatzen laguntzeko. Txinara jo beharrik izan gabe, teknologia etxetik egin daitekeela uste dugu.
Enpresa urtean 200 inbertsore inguru fabrikatzen ari da dagoeneko, eta “datorren urtean, kopurua hirukoiztea espero dugu”. Bere bezero nagusiak izen handiko motozikleten, itsasontzien eta ekortzeko makina elektrikoen Europako fabrikatzaileak dira, besteak beste. Salmenten gune nagusia atzerrian dago, esportazioen tasa % 98 ingurukoa baita.
26 langile ditu enpresak eta fakturazioa, aurten, 1,2 milioi eurokoa izango da (2023koa ia bi halako). “Hurrengo urtera begira, aurreikuspena fakturazioa berriro bikoiztea da. EBko Next Generation funtsetako PERTE VECeko hiru proiektutan ari gara lanean. Haietako bat da autobus elektrikoentzako Irizarren proiektu bat, potentzia-inbertsore batean oinarrituta dagoena”. Enpresa teknologiko gisa, I+G arloa funtsezkoa da eta ia talde osoak egiten du bertan lan.
Erronka nagusiak “bezero garrantzitsuekin proiektuak ixtea litzateke. Izan ere, hori lortuz gero, enpresa gisa handitu eta produkzioari zein pertsonei dagokienez hazi beharko genuke”. Helburua urtean milaka unitatea saltzea da. Beste helburuetako bat da merkatuak ugaritzea.
“Interes handia sortzen ari gara eta, eskari horri aurre egin ahal izateko, egitura izan beharra dugu. Baina baita mantentze-lanetarako taldea ere”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.