Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 11 uztaila, 2023 Ekintzailetza Up Euskadi Start up

Herritarrek energia-kontsumoa optimizatu ahal izateko aplikazio bat, Think Big ‘ 23 enpresa-ideiarik onena

Lehiaketaren helburua Bizkaiko UPV/EHUko ikasleen artean espiritu ekintzailea sustatzea da
Premios Think Big 2023 EHU / UPV

Euskal Herriko Unibertsitateko Industria Ingeniaritzako Masterreko ikasle Julen Ferro buru duen ePower Ferrotek startuparen aplikazio batek eraman du “Think Big 2023” lehiaketa. Gailu horri esker, kontsumitzaileek, bai etxean, bai enpresan, energia-kontsumoa optimizatu ahal izango dute. “Aplikazio sinple eta erabilerraz baten bidez, erabiltzaileek energia kontsumoa kudeatu ahal izango dute ingeniaritza elektrikoari buruzko ezagutzarik izan gabe“, argitu du Julen Ferrok, 3.000 €-ko lehen saria jaso duenak.

Think Big UPV/EHUko Bizkaiko Campuseko ikasleen artean espiritu ekintzailea sustatzea helburu duen enpresa-ideien lehiaketa da. Horrela, ikasleak animatzen dira beren ezagutza eta esperientzia profesionalak aplika ditzaten, komertzialki bideragarriak diren zerbitzu eta produktuak garatzeko asmoarekin.

Bigarren saria, 2.000 eurokoa, Mikel Fernández Lafuente, Asier Gamarra Morales eta Iciar Yepes Goitiaren Beta Mentor proiekturako izan da. Eskalada-ibilbideak sortu eta gauzatzeko laguntza-sistema bat, eskalatzaileak aurrez zehaztutako ibilbide baten bidez gidatzeko aukera ematen duena. Bi motorrek orientatutako laser puntadun batek jarraitu beharreko bidea marrazten du, programak gauzatutako kalkulu bektorial bati esker.

Halaber, hirugarren bi sariak, 1.000 eurokoak bakoitza, Alethia eta El mono en las calles proiektuetarako dira. John Gómez Lópezena. Yeimy Sánchez Rodríguez eta Luis Eduardo López Vasquezen Alethiak baso-enpresen ingurumen-kudeaketa digitalizatzeko software bat aurkeztu dute, Blockchain teknologia eta Big Data uztartzen dituena. Bestalde, Uxue Castrilloren ‘El mono en las calles’ proiektuak esku-hartze artistikoak sortzen ditu espazio publiko edo pribatuetan, “diseinatzen diren lekuaren historia kontatzen dutenak, artea kaleetara hurbiltzeko helburuarekin, eragin sozial, ekonomiko eta turistikoa sortuz”.

Halaber, 500 euroko hiru akzesit banatu dira ‘Cobbler Biofuel’, ‘Cepillo de dientes’ y ‘BioOrganiTech’ proiektuetarako. Lehiaketa ZITEKek antolatu du eta epaimahaia UPV/EHUko, BEAZeko (Bizkaian ekonomia sustatzeko eta berrikuntza sustatzeko sozietate publikoa) eta Bizkaiko Foru Aldundiko ordezkariek osatu dute. Proiektuak baloratzeko orduan, honako hauek hartu dira kontuan: ideiaren berrikuntza eta originaltasuna eta garapena, bideragarritasun teknikoa eta ekonomiko-finantzarioa, irtenbidea eta lehiarako abantaila, proiektuaren eskalagarritasun-maila, gizartean eta ingurumenean duen eragina eta GJHekiko lotura, eta ekintzailearen konpromisoa.

Premios Think Big 2023 EHU / UPV

Lotutako albisteak

Wake Up Euskadi 26 uztaila, 2024 Ekintzailetza
Wake Up! Albiste ekintzaile batzuk sarean
Irakurri gehiago
Impact Week 23 uztaila, 2024 Ekintzailetza
Impact Week 2024 delakoak gizarte eta ingurumen inpaktua duten inbertsioen Europako erreferente bihurtuko du Bizkaia
Irakurri gehiago
23 uztaila, 2024 Ekintzailetza
Solarcycle, bizikleta eta patinete elektrikoak kargatzeko eguzkiaren energia baliatzen duen enpresa
Irakurri gehiago
PREMIOS THINK BIG 2024 21 uztaila, 2024 Ekintzailetza
‘FOS Detection’ proiektuak lehen saria lortu du ‘Think Big 2024’ sarietan
Irakurri gehiago
LA GRAN KEDADA, KUARTANGO, ARABA 19 uztaila, 2024 Ekintzailetza
Landa Kedada Handiaren edizio berria, irailaren 27tik 29ra, Kuartangon
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak