Erosotasuna, aldakortasuna eta estiloaren arteko konbinaketa: MyWay Heels
MyWay Heels Shangain sorturiko proiektu ekintzailea da, LEINN formakuntza-bidaia baten ondorioz. Fundatzaileetako batek orkatila bihurritu zuen eta horretaz ikertzea erabaki zuten, mundu osoko milioika andrek pairatzen duten arazoa baita.
“Gutxiago gehiago dela” gogoraraztea gustatzen zaizue. Zer da zehazki MyWay?
MyWayHeels oinetakoen marka bat baino gehiago da. Takoiak eta sandalia lau bihurtzeko gaitasuna izateaz gain, amesteko eta pertsonek euren buruarengan sinesteko aukera eskaintzen du. Gure helburua ez da balorea metatzea, gure bezeroen artean sortzea baizik: norbaitek MyWay Heels janztean, segurtasun, erabaki eta pasioz egitea nahi dugu.
Erraza eta bikaina aldi berean; nola funtzionatzen du?
Gure mekanismoa oso erabilterraza da. Azken batean, horixe da gure helburua, ahalik eta sinple eta arinena izatea. Funtsean, atzeko pieza txiki bat biratu, takoia kendu, beste takoi batekin aldatu eta pieza berriz biratu behar da, takoia segurtasunez finkatzeko.
Hau guztia, hain garrantzitsua den erosotasuna galdu gabe.
Bai, proiektu hau takoiekin izan genituen esperientzietatik sortu zenez, takoiok eginiko kaltea ezagutzen dugu. Izan ere, urtero 100 milioi andre baino gehiago kexatzen dira takoiek eragindako lesio edo kalteengatik. Takoia zenbat eta altuagoa izan, oinek gero eta presio handiagoa jasaten dute, gorputz osoari eragiten.
Proiektua “istripu batean” sortu zela esan genezake, baina ideia eta garapena ez dira nolanahikoak izan; proiektua metodikoki baieztatua izan da.
Sortze eta prototipatze sasoian gure foku nagusiak osasuna eta erosotasuna izan dira. Zapaltze eta grabitateari buruzko hainbat ikerlan egin ditugu podologo profesional baten eskutik eta berak produktua baieztatu eta gomendatu du. Merkatua ere aztertu dugu eta mekanismo intuitibo eta erabilterraza diseinatzeko gai izan gara.
Finantzazioa eta beste laguntza batzuk negozioa martxan jartzeko eta proiektatzeko gakoak izan dituzue.
Enpresa gaztea gara eta gure energia eta denbora proiektuan inbertitzen dugu, gure pasioa baita. Esperimentazio sasoian gaude eta gure baliabideei etekin handiena ateratzen ari gara. Gogoan dugu oraindik lehenengo prototipoetarako aurrekontua eman ziguten unea, 30.000€ eskatzen zizkiguten! Guk geuk 3D inprimagailuekin egitea erabaki genuen. Orduan ez genekien nola hasi ere, eta gaur egun 7 prototipo ezberdin egin ditugu.
Pandemian zehar crowdfunding bat ireki genuen lehenbiziko inbertsio-hazia lortzeko eta hala prototipoa garatzeko.
Era berean, produktuen 250 salmenta baino gehiago lortu ditugu ‘merchandise’ MyWay Heels-en bi errondatan. Dena taldeak berak diseinatua izan da, proiektua ezagutzera emateko eta mugitzeko helburuz. Gaur egun hazteko eta fabrikatzeko finantzazio bila gabiltza.
Proiektua egonkortu eta hazteko finantzazioa. Zein egoeratan dago MyWay Heels eta zein erronka dituzue berehalako etorkizunari begira?
Bai, uneon hazten jarraitu behar dugu. Oso argi ditugu geure helburuak, baina finantza-indarra falta zaigu haietara heltzeko. Paraleloki, beste negozio-lerro batzuetan dihardugu, hala nola merkatutxoak. Bide batez, otsailaren 12an eta 13an Zorrotzaurreko ‘Espacio 600’ gunean izango gara geure marka ezagutzera emateko eta diru pixka bat irabazteko. Gure helburua lehenengo oinetako-pareak lehenbailehen ateratzea da. Badakigu jendeari gustatzen zaiola gure ideia eta baieztatua izan dela bai hemen, bai estatu mailan, bai nazioartean ere. Lan gogorra egiten ari gara geure ametsa betetzeko; alegia, MyWay Heels ahalik eta denda eta herrialde gehienean egotea.
Taldea honakoek osatzen dute gaur egun: Yaiza Barandiaran (CEO eta Content Creator), Aroa Ugarte (Harreman publikoak), Clara Abades (Estrategia-zuzendaria), Yago de la Rica (Produktu-zuzendaria) eta Jon Ander Merodio (Hedatze-zuzendaria).
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.