Berrikuntzak eta ekintzailetzak 1000 ikasle baino gehiago bildu ditu Deusto Ekintzaile Astean

Deustuko Unibertsitateak berrikuntzaz eta ekintzailetzaz sentsibilizatzeko sustatzen duen mugarri garrantzitsuenetako bat da Deusto Ekintzaile Astea. Ekimenak 10 urte baino gehiago ditu. Topaketaren helburu nagusia da ekintzailearen figura ikasleei hurbiltzea eta pertsonen portaera berritzailea eta ekintzailea piztea, dinamiken, tailerren eta hitzaldien bidez.

Horretarako, Kauffman Ekintzailetzaren Fundazioak sustatutako Ekintzailetzaren Aste Globalarekin bat egiten du Unibertsitateak, Eusko Jaurlaritzarekin eta Santander Bankuarekin lankidetzan, Santander Unibertsitateen bitartez. Deustuko Unibertsitateak (Deusto Emprenderen bitartez) bigarren urtez jarraian jaso du Global Entrepreneurship Week-en enbaxadore izateko saria.

Oraingo honetan,”Garapen Jasangarrirako 17 Helburuak” izenburupean, azaroaren 13tik 24ra, izan da, eta 2000 ikasle eta 40 jarduera baino gehiago izan dira. Ikasleek eta irakasleek hainbat ekitalditan parte hartu ahal izan zuten: Soir.eeko arte lanen tailerra; errealitate birtualaren esperientzia Zyoniarekin; ur aztarnaren kalkulua AQUADAan paTekin; Iceberg Visual Consulting-en hormairudi kolaboratiboa , besteak beste.

Street SKPren ihes-gela esperientzia dibertigarri eta ezberdina izan zen, eta ikasleari Deusto Ekintzaile Asteari buruz pixka bat gehiago ikasteko aukera eman zion. Helburua zen DeustoKabi, Bilboko campuseko inkubagailua eta Deusto Ekintzaile prestakuntza programen kokapena ezagutzea, esaterako, creaction!.

Tailer ugari ere izan ziren, hala nola “Ekonomia Zirkularra eta Ekodiseinua” EKOMODOrekin, “Mentoring Express” eta “Ekintzaileentzako Komunikazio Eraginkorra“, besteak beste. Gainera, hitzaldiak antolatu ziren, besteak beste, Deusto Ekintzaile Solasaldiak, Sabbatic eta NaizFit-ekin, TEDxUDeusto-rekin, Aitor Sevillano-rekin edo eraldaketa pertsonal eta profesionalari buruzko Ekintzaile Talkekin, My Social Roots-eko Elena García Concejo-rekin.

Bestalde, Bilboko campusean Deusto EmprendeBOX gunea jarri zen, bata bestearen gainean jarritako bi itsas edukiontziz osatutako gunea, Deusto Ekintzaile Astearen topagunea. Ikasleak jakin-min eta interes handiz hurbildu ziren Yuïten produktuak aurkitzera, Crazy Lizarden saltsa minak probatzera, oroitzapen-argazkia egitera edo erruletari tira eginda zoria probatzera.