Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 20 urtarrila, 2022 Ekintzailetza Up Euskadi Bind40 Start up UP Euskadi

55 startup-ek erantzungo diete EAEko 22 ETE industrialen erronka teknologiko berriei

Eusko Jaurlaritzaren BIND 4.0 SME Connection ekimenak 80 startup baino gehiagoren 131 hautagaitza lortu ditu honen lehen edizioan
new logo bind 4.0

ETE industrialen beharrak Klusterren Antolakunde Dinamizatzaileek (KAD), Uptek-ek (AFM), ACLIMA-k, Energia Klusterrak eta ACICAE-k plazaratu dituzte.

 

55 finalisten artean, gehienak euskaldunak dira (36), 13 Estatutik datoz eta eta 6 jatorriz nazioartekoak dira.

 

Urtarrilaren 24tik 27ra bitarteko astean egingo dira pitchingak, eta jarraian ETE-ek aukera izango dute hausnartzeko eta proiektu bat garatzeko hautatutako startup

 

BIND 4.0 SME Connection-en lehen edizioan guztira 55 startup finalista hautatu dira, automozioaren, energiaren, ingurumenaren eta fabrikazio aurreratuaren sektoreetako 22 ETE industrialek planteatutako erronka teknologiko berriei erantzuteko. Ekimen hori Eusko Jaurlaritzak jarri du abian, SPRI Taldearen bitartez, eta arrakasta handia izan du deialdian, 130 proiektutik gora aurkeztu dituzten 80 startup baino gehiagok eman baitute izena.

Horrela, BIND 4.0 berrikuntza irekiko plataformaren ekimen berri honek Klusterren Antolakunde Dinamizatzaileek (KAD), Uptek-ek (AFM), Aclimak, Energiaren Klusterrak eta Acicaek plazaratutako erronka teknologikoei erantzuteko neurriko teknologia disruptiboak eskaini dituzten startup-en zerrenda argitaratu du.

​​BIND 4.0 SME Connection ekimen publiko-pribatu berria da, eta industriako klusterren antolakunde dinamizatzaileekin eta Euskadiko erreferentziako ETE-ekin lankidetzan sortu zen. Programak hiru helburu nagusi ditu: startup-ekin lankidetzan (berrikuntza irekia) Euskadiko ETE industrialen lehiakortasuna eta eraldaketa sustatzea; startup-ei merkatuan sartzen laguntzea, ETE industrialek aurkeztutako erronkei erantzungo dieten proiektuekin; eta, azkenik, startup-ak gehitzea Euskal Ekintzailetza eta Berrikuntza Ekosisteman.

Ildo horretan, Leyre Madariaga Eusko Jaurlaritzako Eraldaketa Digitalaren eta Ekintzailetzaren zuzendariak nabarmendu du ekimen berri horrek interes eta harrera handia izan duela, ETE-ek startup-en laguntza izan dezaten, BIND 4.0ren bidez, baina haien neurrira emandako erantzunekin.

Madariagak gaineratu duenez, “parte-hartzearen arrakastak agerian uzten du Euskadin startup ekosistema oso indartsua dugula, eta behar eta erronka oso argiak dituzten ETEak ditugula, digitalizazioak industrian planteatzen dituen erronka berriei erantzun behar dietenak, batez ere gaur egungo egoera aldakor honetan. Gainera, Klusterren Antolakunde Dinamizatzaileekin lankidetzan aritzea funtsezkoa izan da proiektua martxan jartzeko eta EAEko ETE-ei sarbidea errazteko.”

Finalisten erronkak eta soluzioak

BIND 4.0 SME Connection-en lehen edizioan izena emateko epea itxi ondoren, guztira 55 startup finalista hautatu dira: 36 Euskadikoak dira, eta, zehazki, 8 Arabakoak, 16 Gipuzkoakoak eta 12 Bizkaikoak. Horrez gain, Estatuko 13 enpresa daude, eta nazioarteko 6.

Era berean, proiektu finalista bakoitzak klusterren antolakunde dinamizatzaileek planteatutako erronka bati erantzuten dio. Hori dela eta, finalisten artean, 24 startup daude automozioko sektoreko ETE-en erronkei aurre egiteko proiektuak aurkeztu dituztenak. Helburu dute kalitate-kontrolaren prozesuak optimizatzeko gai izango diren soluzio berriak sortzea, produktuaren trazabilitatea eta ekoizpena hobetzea sentsorikaren bidez eta urruneko laguntza hobetzea errealitate areagotuaren bidez. Bestalde, 19 startup finalistak makina-erremintaren sektoreko ETE-en erronkei konponbideak eskeintzen dizkiete. Horien helburua da datuen ikusgarritasuna eta adimena hobetzea kanpoko eta barruko prozesuak optimizatzeko, eta, horrez gain, kalitate-kontrolerako teknologiak erabiltzea.

Bestetik, 15 startup-ek ingurumenaren sektoreko ETE-en erronkei aurre egiteko proiektuak aurketzu dituzte. Erronkek helburu dute hainbat beharri erantzutea, besteak beste hondakinak tratamendu-lantegietan sartzeko logistika optimizatzea, lantegi horien eraginkortasuna bermatzea eta larrialdi-egoerak prebenitu eta kudeatzea. Eta, azkenik 20 finalistak energiaren sektoreari bideratutako konponbideak proposatu dituzte, eta horien artean hautatuko dira honako proiektuak garatuko dituzten parte-hartzaileak: instalazio elektrikoen mantentzearen eraldaketa digitala, produktuaren trazabilitatea eta ikusmen artifiziala karga manipulatzeko soluzio integraletan.

Startup finalista guztiek programan parte hartzeko baldintzak betetzen dituzte. Guztiek bete behar dituzte baldintza hauek: sektore industrialean aplikatutako teknologia berriak garatzea, ikusi, testatu eta probatu daitekeen eta dagoeneko merkatuan eskuragarri egongo den produktu edo zerbitzu bat edukitzea eta 8 urte baino gehiago ez izatea.

BIND 4.0 SME CONNECTION-EKO STARTUP FINALISTAK

1 AirChain Technologies
2 Akasik Tecnologies, s.l.
3 ALCHEMY MACHINE LEARNING S.L.
4 Alerion
5 Amebi Sistemak, SL
6 ANCORA
7 AOTECH, ADVANCED OPTICAL TECHNOLOGIES S.L.
8 AQUADAT
9 Barbara IoT
10 Code Contract
11 D&A Innvotive Systems
12 Data Value Management
13 Dative
14 Dattium Technology
15 D-cube
16 DENKweit GmbH
17 EGA SOLUTIONS S.L.
18 EVORGY
19 Forcast
20 HardSoftKoop
21 HUPI IBERICA S.L.U.
22 Ikustec Vision Systems Lab S.L.L
23 IMMERSIA Data Visualization
24 INALIA INNOVACIÓN Y DESARROLLO
25 Infinite Foundry
26 innoSEP
27 Innovae
28 Inovako
29 Ipartic Consulting, S.L.
30 IRONCHIP TELCO, S.L.
31 IZURUN TECHNOLOGY S.L.
32 Kaytek Digital Business, S.L.
33 Kevo Technologies
34 Laubor Technologies
35 LINQ (LINQcase Industrial Solutions, S.L.)
36 MESbook
37 MUUTECH MONITORING SOLUTIONS
38 NABLA VISION SL
39 NORLEAN M&P, S.L.
40 NUAVIS
41 NUUK TECHNOLOGIES SL.
42 oculavis GmbH
43 Oonlive
44 OSANE Consulting, S.L.
45 Remote Monitoring Services
46 Savvy Data Systems
47 Siali
48 SIGMA Industrial Precision S.L.
49 SincroPool
50 Sticker Control
51 Tagenea
52 Tormesh Solutions SL
53 Vi4Crane S.L.
54 Vixion Connected Factory, S.l.
55 WimbiTek

*Ekimenean parte hartu nahi baduzu, jarri harremanetan gurekin helbide honetan: info@bind40.com.

BIND 4.0 plataformari buruz

BIND 4.0 industria adimenduneko berrikuntza-plataforma ireki eta publiko-pribatua da. Ekonomiaren Garapen, Jasangarritasun eta Ingurumen Sailak sortu zuen, SPRI Taldearen eta Euskal Ekintzailetza Sistemaren UpEuskadi plataformaren bidez. Gaur egun, Euskadin egoitza duten eta sektoreko erreferenteak diren 80 enpresa nagusi baino gehiagorren lankidetza du, besteak beste hauena: Angulas Aguinaga, Iberdrola, ITP Aero, Mercedes Benz, Siemens Gamesa, Quirónsalud eta Coca Cola European Partners. Ekimen hori hiru helbururekin sortu zen: startup-en garapena azeleratzea Euskadiko ekosistema industrialean, enpresen eraldaketa digitala sustatzea eta Euskadiko ekosistema ekintzailetzako “hub” industrial aurreratu gisa kokatzea. 2016az geroztik, BIND 4.0 plataformak 130 “startup” baino gehiago sustatu eta 200 proiektu baino gehiago garatu ditu. Gainera, 6,5 milioi euro baino gehiago fakturatu ditu. Datorren 2022ko uztailean irekiko da BIND 4.0 Open Innovation Acceleration Program delakoaren zazpigarren edizioa, eta azaroan hasiko da ETE-ei zuzendutako BIND 4.0 SME Connection-en bigarren edizioa. Informazio gehiago: www.bind40.com

 

Lotutako albisteak

Wake Up Euskadi 27 Marzo, 2024 Ekintzailetza
Wake Up! Albiste ekintzaile batzuk sarean
Irakurri gehiago
27 Marzo, 2024 Ekintzailetza
Gamanek aldagailu inklusiboak eta higienikoak diseinatzen eta instalatzen ditu desgaitasuna duten pertsonentzat
Irakurri gehiago
26 Marzo, 2024 Ekintzailetza
Nola izan enpresa ekintzaile bat Barnekintzaile programarekin, barne-ekiteko laguntza.
Irakurri gehiago
26 Marzo, 2024 Ekintzailetza
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Irakurri gehiago
Bakarts.io Bakarts 26 Marzo, 2024 Ekintzailetza
Bakarts, artearen NFTen ‘marketplace-a’
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak