Ana Ayerbe (RENIC): “industriak bere ekoizpen-prozesuan eta produktuen kalitatean eragiba izan dezaketen zibererasoei egin behar die aurre”
Azken urteotan, digitalizazioak 4.0 industriaren aro berrira eraman du enpresa-sektorea, eta aurrerapen horrek arriskuak ere dakartza, hala nola zibersegurtasunaren ondoriozko erasoak. “Industriak enpresa tradizionalen erronka berberei egin behar die aurre” ohartarazi du Ana Ayerbe RENIC Zibersegurtasuneko Ikerketako Bikaintasun Sare Nazionaleko presidenteak eta Tecnaliako Cores-Digital Arloko zuzendariak. CEOaren iruzurra, rasomware (datuen bahiketa) edo phishing (nortasunaren ordezpena) bezalako erasoak, Ayerbek ohartarazi duenez, “industriaren kasuan produktuaren ekoizpen-prozesuan zein produktuaren kalitatean eragina izan dezaketenak”.
Horregatik, adituak ohartarazi du ekipoen eta zerbitzuen funtzionamendu egokia posible izango dela soilik hainbat faktore aintzat hartzen badira, “zibersegurtasuna eta gure pribatutasuna produktuen diseinutik, horrela gerta daitezkeen gorabeheren aurrean erresilienteak izateko”. Ildo horretan, Ayerbek adierazi duenez, gaur egun gero eta gehiago dira zibersegurtasunaren arloan enpresentzat eskuragarri dauden tresnak, “SPRIren Zibersegurtasun Industrialeko programa edo BDIH Konexio programak enpresak zibersegurtasunera hurbildu eta etapa desberdinetan jarduteko aukera ematen die.
Gainera, Ayerbek ezinbestekotzat jotzen du zuzendaritzak ekimen horietan parte hartzea, eta enpresei gomendatzen die “dagozkien sektorearen eta fabrikatzen duten produktu motaren arabera eragin diezaieketen araudien berri izatea”.
Eusko Jaurlaritzak zibersegurtasuna bultzatzen du euskal enpresetan, Basque Cybersecurity Centerren inguruan gai horri buruzko sare ekonomiko bat sortuz.
