Mecanizados Tracer, tornu tradizionaletatik balio erantsi handiko fresaketa espezializatura
Mecanizados Tracer Azkoitiko ETEa da eta tornuen prozesuaren menderakuntzarengatik da ezaguna. Fresaketa-prozesua gehitu du bere eskaintzan. Bi milioi euro inbertitu ditu azken zazpi urteetan makinetan. Bere salmenten % 95 Euskadin dago. Enpresak SPRI Taldearen hainbat dirulaguntza-programa jaso ditu, hala nola Renove, Industria Digitala edo Kloud.
Enpresa 2013an sortu zen Azkoitian, baina egungo bazkideek beste enpresa-esperientzia bat izan zuten aurretik beraien gurasoekin. Hasieran tornuen prozesuan zentratu ziren. “Baina ikusi genuen prozesu bakar batean espezializatzea arazotsua izan zitekeela etorkizunerako eta balio erantsi handiko fresaketa-prozesua gehitzea eta eskaintza pieza osora zabaltzea erabaki genuen”, azaldu du Juan Antonio Sudupe egungo kudeatzaileak.
Enpresak balio erantsi handiko soluzio teknikoak eskaintzen ditu sektore hauetan, hala nola hidraulikoan, makina erremintan, engranajeetan, trengintzan eta energian. “Eta defentsa sektorean sartzen ari gara”. Beste produktu batzuen artean, torlojuen azkoinak (makina erremintaren mugimendu bertikal eta horizontalentzako ardatzak) edo gas-hodientzako eta engranajeentzako junturak fabrikatzen ditu. “Hori da gehien fabrikatzen duguna. Ia guztia egiten dugu, fresaketa eta torneaketa. Lanketa bezeroak egiten du”.
Tornuetako piezekin soilik, milaka egiten dituzte hilero. “30.000 pieza-programa ditugu, askotarikoak. Piezarik handienek hiru metroko luzera dute”. Guztiak eskariaren arabera fabrikatzen dituzte.
Urteko fakturazioa bi milioi euro ingurukoa da. “Lehen fakturazio guztia torneaketatik zetorren, eta orain fresaketatik geroz eta gehiago. Asmoa da bakoitza % 50 izatea. Horrek bezeroen aukera zabaltzen du. 30 bezero ditugu dagoeneko”. Merkatuaren % 95 Euskadin du.
Egindako inbertsioen artean, adierazgarriak dira Ibarmia enpresaren 5 ardatzeko mekanizazio-zentroa, Integrex eta Variaxis modeloetako Mazak zentroak eta hiru dimentsioko neurketak egiteko ekipamendua.
18 langile ditu enpresak Azkoitiko fabrikan. “Asmoa 20ra igotzea da”. I+G garrantzitsua da enpresarentzat eta, horregatik, SPRI Taldearen hainbat dirulaguntzatara aurkeztu da. “Bi Renove plan izan ditugu, Industria Digitaleko bost eta Kloudeko beste bat. Dirulaguntza horiek guztiak I+Grako izan dira. Esperientzia luzea dugu SPRIrekin”. Azken zazpi urteotan, 300.000 euro inguru inbertitu dituzte ikerketan eta garapenean.
Etorkizuneko erronka da martxan dauden proiektuak finkatzea, “RP ezartzea batez ere”. Eta adimen artifiziala jorratzeko eta digitalizatzen jarraitzeko asmoa dute. “Aeronautikako sektorearekin ere harremanetan gaude, merkatu berri gisa”.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
