Iraundi, mugigarritasunerako errodamendu bereziak nahieran fabrikatzen dituen familiako enpresa

Iraundi Bergarako bigarren belaunaldiko familia-enpresa da eta 53 urteko ibilbide du. Espezialista da errodamendu bereziak eta doitasunezko koroa birakariak fabrikatzen, eta ekoitzitakoaren % 95 esportatzen du. Irtenbide tekniko paregabeak eskaintzen ditu behar zorrotzetarako, bezeroen nahierara. SPRI Taldearenadimen artifizialeko programaren laguntza jaso du enpresak. Hain zuzen ere, programaren helburua da Euskadiko enpresen artean AAn oinarritutako proiektuak babestea.

Enpresa 1972an sortu zuen Rafael Azkaratek; bere belaunaldirako aurreratua zegoen, nazioarteko ikuspegia zuen eta etengabe berritzen ari zen. Enpresa kanporako bokazio argiarekin ardaztu zuen, horri esker gaur egun bost kontinenteetan dago Iraundi, erronka teknikoak sektore estrategikoentzako irtenbide fidagarri eta iraunkor bihurtzen.

Honelako familia-enpresa baten moduan ikusten dute beren burua: «belaunaldi berriaren aurrean, bokazio berritzailea onartu duena, pertsonetan ardaztutako eredu baterantz eraldatzera bideratua», azaldu dute Ainhoa Azkaratek, Iraundiko presidenteak, eta Jone Azkaratek, zuzendaritzako kideak.

Hainbat tamainatako errodamenduak eskaintzen dituzte, 6 milimetroko diametrotik hiru metrora artekoak. Makina eta behar bakoitzari irtenbide egokituak eskaintzeko errodamendu bereziak dira, exijentzia maila altua dute eta sektore konplexuentzako egiten dira; hamaika industria-sektoretara daude bideratuta —«denak ukitzen ditugu, automobilgintza izan ezik»—, hala nola igogailuak, gidaridun ateak, trena, makina-erreminta, eraikuntza, zurgintza, mihiztadura-makinak, medikuntza, eolikoa eta defentsa. «Bira bat eskatzen duten gauza guztiek errodamendu bat dute».

Ekoitzitakoaren % 95 esportatzen dute, bereziki Europan eta Australian, Estatu Batuetan edo Hego Amerikako eremuan. «Merkatu eta sektore oso dibertsifikatuak ditugu, eta horrek krisiak nahiko ondo gainditzeko aukera eman digu».

I+G arloa garrantzitsua da Iraundirentzat. «Inbertsio handia egin dugu ikerketan eta garapenean». Epe luzearekin eta negozioaren jasangarritasunarekin duen konpromisoak I+G arloan egindako inbertsioa iraunkorra izatea ekarri du.

SPRI Taldearen adimen artifizialeko programaren laguntza eskarien programazioa hobetzera bideratu da eta dagoeneko ezarri da. «Orain dena planifika dezakegu, erosketatik pertsonetaraino. Produktuak nahieran eskaintzen ditugunez, eta bezeroek stockik nahi ez dutenez, sorta txikiagoak egiten ditugu. Horrez gain, adimen artifizialak etorkizuneko agertokien simulazioak egiten dizkizu».

Hazten eta balio gehigarri handiko produktuak berritzen jarraitzea da gure erronka. «Sektore aeroespazialean edo elikagaietan ere sakondu nahi dugu, non kalitatea nagusitzen den prezioaren arrean. Eta talentua bilatu eta mantendu nahi dugu,

SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.