Ulma Medical Technologiesek AA erabiliz itsutasun diabetikoa prebenitzeko lehen sistema bultzatu du Lehen Mailako Arretan
- Gaixotasun horrek diabetesa duten hiru pazientetik bati eragingo dio, azterketa mediko batzuen arabera
Ulma Medical Technologies, osasunari aplikatutako digitalizazioan eta adimen artifizialaren garapenean espezializatuta dagoen ULMA Taldeko enpresa, Lehen Mailako Arretan erretinopatia diabetikoaren baheketa egiteko lehen sistema automatizatuaren ezarpena gidatu du Espainian. Proiektua Errioxako Osasun Zerbitzuarekin (SERIS) lankidetzan garatu da, osasun publikoaren modernizazioan eta digitalizazioan mugarri bat da, eta Errioxa gaixotasun honen prebentziorako eta diagnostiko goiztiarrerako irtenbide aurreratuak hartzen aitzindari bihurtu du.
Teknologia honi esker, diabetesa duten 22.000 paziente errioxar baino gehiagok diagnostiko azkar eduki ahal izango dute, ospitale kontsultetara bideratu beharrik gabe, eta horrek itxaron zerrendak txikitzea eta baliabideak optimizatzea ekarriko du.
ULMA Medical Technologiesek diseinatutako sistemari esker, segundo batzuetan, erretinopatia diabetikoaren zantzuak identifikatu daitezke gaixotasunaren lehen estadioetan, eta horrek eraginkortasuna hobetzea, itxaron zerrendak txikitzea eta diabetikoak diren biztanleen arreta indartzea dakar.
Irtenbide horrek azken belaunaldiko gailu medikoak eta Adimen Artifizialeko software propioa uztartzen ditu, eta SERISeko (Errioxa) sistema klinikoekin erabateko integrazioa eskaintzen du, lehen arretako zentroetan zuzenean irudi erretinografikoen analisi azkar eta zehatza erraztuta.
Irtenbide eskalagarria
Irtenbide honen alderdi berritzaile eta estrategikoenetako bat bere diseinu modular eta eskalagarria da, zeina osasun sistema ezberdinen behar eta errealitateetara egokitzeko gai den. ULMA Medical Technologieseko zuzendari Jose Antonio (Josetxo) de Frutosek nabarmendu du garrantzitsua izan dela “eredu malgu bat eta autonomia erkidego edo osasun sare bakoitzeko baliabide teknikoetara eta protokoloetara egokitzeko gai dena garatzea. Gaur Errioxan funtzionatzen ari dena, bihar beste edozein autonomia erkidegotan egon daiteke martxan”.
Ikuspegi modular eta pertsonalizagarri horrek errazago egiten du sistema progresiboki ezartzea, bai oinarrizko ekipamendua duten zentroetan, bai ospitale aurreratuagoetan, eta dauden askotariko ekipo eta sistemekin elkarreragingarritasuna bermatzea. Gainera, baheketa beste gaixotasun edo espezialitate batzuetara zabaltzeko aukera ematen du, teknologia hori Espainian eskala handiko prozesu sanitarioak digitalizatzeko funtsezko tresna bihurtuta.
Onura pazienteentzat, profesionalentzat eta osasun sistemarentzat
Proiektu berritzaile honek zeharkako inpaktua sortzen du, onura nabarmenekin. Osasun zerbitzuek baliabideak optimizatzea, baheketaren estaldura handitzea eta espezialistengana alferrik bideratzen diren kasuak murriztea lortzen dute. Profesional sanitarioentzat, erabaki klinikoak hartzen laguntzeko zerbait da, eta karga asistentzial txikiagoa izaten laguntzen die, arreta kasu konplexuetan jarri ahal izateko. Eta pazienteentzat, berriz, garrantzi handiko proba mediko bat egiteko modu azkarra, hurbila eta erraza da.
Errioxan erkidego osoko 20 osasun zentrotan eta Calahorrako zein Logroñoko ospitaleetan zabalduko da programa, eta prebentzio zerbitzu hori diabetesa duten 22.000 pertsona baino gehiagori (Errioxako biztanleen % 6,9) eskaintzea ahalbidetuko du.
ULMA Medical Technologies
2012an sortu zenetik, ULMA Medical Technologiesek 5 milioi euro baino gehiago inbertitu ditu I+Gn eta diagnostiko soluzio adimendunen garapenean, batez ere oftalmologia eta dermatologia arloetan.
“Inbertsio horrek ikuspegi estrategiko bati erantzuten dio: osasun eraginkorragoa, irisgarriagoa eta jasangarriagoa sortzen lagundu nahi dugu, ezagutza eta teknologia propioetan oinarrituta”, adierazi du Josetxo de Frutosek. “Proiektu hau hasiera baino ez da; gure helburua da maila asistentzial guztietan prebentzioa, diagnostikoa eta osasunaren gestioa eraldatzen laguntzea, modu aktiboan”
ULMA TALDEAri buruz
ULMA Taldea bederatzi kooperatiba industrialek osatzen dute, eta kooperatiba horiek 5.747 pertsonari ematen diete enplegua eta 81 herrialdetan jarduten dute. 2024an 1.151 milioi euroko salmenta konpilatuen bolumena izanik, ULMA Taldea euskal mugimendu kooperatiboaren kasu arrakastatsua da. ULMAko negozioak erreferentzia dira askotariko industria sektoreetan.
