Albisteak 7 Azaroa, 2025

IndeusBerri: Industria eta Euskararen plaza

Albiste dira gaur Datuen kontrola, Enpresa Digitalaren ChatGPT eta Adimen Artifizialari buruzko ikastaroak eta Flash memorian oinarritutako soluzio.

Idoia Iradi eta Lorea Aizpun: "Finantzez gain, datu guztiak kontrolpean eduki behar dira" EnpresaBidea egunkariak Enpresa Digitalak egindako ikastaro baten harira egindako erreportajea dakarkizuegu. Kaosetik kontrolera tailerrak aurrekontuak egiteko datuen kudeaketan laguntza eskaini die enpresei Idoia Iradi eta Lorea Aizpunen eskutik. Kaosetik kontrolera lau orduko tailer bat da, non helburu nagusia den industria enpresak, batez ere, makina-erreminta eta zerbitzu osagarrien sektorekoak, beren negozioaren finantza kudeaketan dituzten "puntu itsuez jabetzea", bereziki, bi arlo "kritikoetan": stockaren kontrolean eta aurrekontuen prestaketan.

ChatGPT Prompt Engineering eraginkortasunez erabiltzea, azaroaren 18 eta 19an Enpresa Digitalaren eskutik. Azken urteotan, adimen artifizialak azkar egin du aurrera, eta, horri esker, makinekin interakzioan aritzeko modu berriak ezagutu dituzte erabiltzaileek. Bereziki, ChatGPTren teknologia oso tresna erabilgarria da aplikazio askotarako, hala nola bezeroarentzako arreta, testu-sorkuntza eta, are, laguntzaile birtualak. Hala ere, eraginkorra izan arren, ChatGPT erabiltzea erronka bat izan liteke adimen artifizialarekin ohituta ez dauden erabiltzaileentzat. Zehazki, ChatGPT erabiltzeko oztopo nagusietako bat da teknologiari zer eskatzen zaion ulertzen lagunduko dioten prompta eraginkorrak sortzeko zailtasuna.

Sarrera Adimen Artifizial Generatiboan: ulertu, erabili eta prestatu etorkizunerako izeneko tailerra, online, azaroaren 20an. Adimen Artifizial Generatiboa (AAG) gure eguneroko bizitzan eta lan-jardueretan gero eta presenteago dagoen teknologia da. Hiru orduko ikastaro labur honetan, ezagutza teknikorik gabe, oinarri bat eskuratuko duzu AAG zer den ulertzeko, haren funtzionamendua azaltzeko eta nola erabil dezakezun zure eguneroko lanean, zure negozioaren produktibitatea handitzeko eta erabaki hobeak hartzeko. Gainera, arreta berezia jarriko dugu arriskuei eta mugak markatzen dituzten gai garrantzitsuenei buruz:pribatutasuna, segurtasuna eta araudi juridikoak.

“Flash memorian oinarritutako soluzio” Industria Berriaren Spri Hiztegian. Datu digitalak metatzera bideratutako espazio fisikoa, elikatze-iturririk gabe ere datuak denbora askoan meta ditzaketen memoria handiko gailuez hornitua. SPRI erakundeak enpresei eskaintzen dien Blockchain laborategiaren barruan kokatuta dago.

Lotutako albisteak

19/12/2025 Euskara industrian

IndeusBerri: Industria eta Euskararen plaza

Eguberri zoriontsuak eta urte berri ona opatzeko baliatu dugu gaurko IndeusBerri, 2026a izan dadila Euskara Industrian eta Industria Euskaran aldarrikatzen dugun urtea. Bide batez, Enpresa digitalak otsailerako antolatu duen tailer bat ere aipatu nahi izan dugu eta hiztegiko kontzeptu bat: Aingeru Inbertitzaile.

12/12/2025 Euskara industrian

IndeusBerri: Industria eta Euskararen plaza

Euskarazko Wikipediaren 24.urteurrena, Euskrowd ekimena, Adimen Artifizialari buruzko jardunaldi interesgarri bat eta Proba-datu dira gaur bildutako albisteak.