Euskadi – Basque Countryk euskal startupen azken berrikuntza teknologikoak aurkeztuko ditu South Summiten
Abian da South Summiten edizio berria; urtero Madrilen egiten den ekimena, startup, inbertitzaile eta industria-enpresa aitzindarien topagunea da. Ekainaren 6ra arte iraungo du, eta Euskadik 10 euskal startupen azken berrikuntza teknologikoak aurkeztuko ditu #65-67 / 88-90 standean, Eusko Jaurlaritzaren laguntzarekin, SPRI Taldea — Enpresen Garapenerako Agentziaren bitartez. Smart Industry, e-Commerce, Health Tech eta telekomunikazioen esparruetan garatutako soluzio disruptibo berriak erakutsiko dituzte startupek.
Gainera, bi egun horietan, Euskadi – Basque Country standa bisitatzera hurbiltzen direnek bertatik bertara ezagutu ahal izango dute zein den berrikuntza-ekosistemaren irismena. Ekosistema horrek 900 startup eta 700 enpresa teknologiko baino gehiago biltzen ditu, baita ikerketa-zentroen, inbertitzaileen sare zabala eta erakundeen laguntza ere.
Adimen artifiziala, zibersegurtasuna eta IoT “made in Euskadi”
Gipuzkoa, Araba eta Bizkaiko 9 startupek adimen artifiziala, zibersegurtasuna eta IoT bezalako teknologia berritzaileekin industria-, osasun-, merkataritza- eta telekomunikazio-sektoreetarako dituzten soluzioak aurkeztuko dituzte egunotan.
Industria-sektorean, lau startupek teknologia berritzaileak garatu dituzte fabrikazioa, segurtasun digitala, prozesuen digitalizazioa edo droneen erabilera hobetzeko. Adibidez, AtomModular (Araba) enpresa sortu berria da bat, eraikinen fabrikazio industrializatuan aritzen dena, modu jasangarrian, 3D moduluekin; Cybertix-ek (Gipuzkoa), berriz, “All-in-One” zibersegurtasuneko soluzioak garatzen ditu, AArekin automatizatuta, ETEentzat; Mairu-k (Bizkaia) industriei prozesuak instalazioan digitalizatzen laguntzen die, mailaz maila, eta Zeru Drones (Gipuzkoa) hainbat industriatarako adimen artifizialeko teknologiak eta drone-multzoak garatzen da espezialista.
Merkataritza elektronikoaren eta higiezinen alokairuaren sektoreari dagokionez, Euskadik startupek garatutako talentu guztia erakutsiko du. Horien artean daude, besteak beste: Woondersoft (Gipuzkoa), online katalogoen kudeaketa errazteko soluzio teknologikoak garatzen dituena; Aloka (Gipuzkoa) enpresa sortu berriari dagokionez, ikus-entzunezko materiala peer to peer alokatzeko plataforma digitala jarri du erakusgai, eta, azkenik, Yorsio-k (Gipuzkoa) higiezinen jabekidetzako plataforma segurua aurkeztuko du.
Telekomunikazioei dagokienez, Greentel (Araba) startup arabarrak mugikorretarako eta zuntzerako duen zerbitzua erakutsiko du, praktika jasangarrietan oinarrituta. Osasunerako teknologiei dagokienez, Nutrenaissance-ek (Gipuzkoa) elikadura pertsonalizaturako tresna aurreratu bat garatu du.
Euskadiren agenda South Summit ekimenean
Ekainaren 6ra arte, startupek erakusketa bat izango dute Up!Euskadiren #65-67 / 88-90 standean. Gune horretan bertan, industria eraginkorragoa eta jasangarriagoa egiteko eta Euskadik lurraldean berrikuntza eta ekintzailetza sustatzeko dituen ekimenak ezagutzeko aukera izango dute bertaratzen direnek.
Ane Miren de Ariño Ekintzailetza eta Nazioartekotzearen zuzendariak ere euskal ekintzailetzaren ekosistemaren ordezkari gisa parte hartuko du Spanish Entrepreneurship: Nurturing What’s Next izeneko mahai-inguruan, ekainaren 5ean, 10:30ean, Catalyst Stage-en.
Gainera, 9 euskal startupek beren soluzioen berri emango dute ekainaren 5ean, 16:00etan, South Summiteko Demo Stage-en, Ane Miren de Ariño Ekintzailetza eta Nazioartekotzearen zuzendariak hasiera emango dio saioan. Bertan parte hartuko dute hauek:
- Aloka
- AtomModular
- Cybertix
- Greentel
- Mairu
- Nutrenaissance
- Woondersoft
- Yorsio
- Zeru Drones
