Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 26 Marzo, 2018 Berrikuntza Digitalizazioa Ekintzailetza Berrikuntza soziala Fast Track Innobideak programa Start up UP Euskadi

Zabalik dago Social Innovation Competition lehiaketaren 2018ko deialdia

Azterlan batek aztergai ditu nolakoak izango diren datozen hamarkadako enpresa-ereduak.

 

Aurtengo edizioak ardatz bezala hartuko ditu gazteentzako tokiko garapen ekimenak.

Re:think Local izango da Europako Batzordeak urtero antolatzen duen Social Innovation Competition 2018 lehiaketaren leloa. Deialdiak dioen bezala, ekonomia oso azkar ari da aldatzen teknologiaren eskutik. Negozio-ereduen eta lan egiteko moduen eraldaketa horrek aukera berriak ireki ditu zenbait eskualdetan, baina beste batzuk zailtasun handiak dituzte egokitzeko, eta eskualde horietako gazteek emigratu egiten dute etorkizuna hobe baten bila.

 

Social Innovation Competition lehiaketak ardatz izango ditu komunitate horiei erantzun berriak ematen dizkieten konponbideak, hots, tokiko ezaugarriak aprobetxatzen dituztenak gazteei zuzendutako aukerak sortzeko. Asmoa da laguntza ematea komunitate erresiliente bihurtzeko prozesua ahalbidetuko duten ekimenei, hau da, ekonomia digital berriko ekimen sostengarri eta inklusiboei, bereziki gazteek eurek zuzentzen dituztenei.

 

Proposamenak aurkezteko epea zabalik egongo da apirilaren 27ra arte, eta parte har dezakete ekintzaile taldeek, irabazi asmodun edo asmorik gabeko antolakundeek eta norbanakoek. Deialdian hainbat adibide aipatzen dira (orientatiboak baino ez direnak) erakusteko nolako ekimenak aurkez daitezkeen lehiaketara. Hona hemen batzuk: teknologiak erabiltzea gazteei lan-aukera berriak eskaintzeko, ekintzaile gazteak ahalduntzeko tresnak, lan irregularren aurrean segurtasun ekonomikoa hobetzeko konponbideak edota gaitasun berrietan prestatzeko programak.

 

Guztira, Social Innovation Competition lehiaketak 200.000 euro banatuko ditu lau saritan. Lehen fasean hautatuko dira finalerdietara pasako diren 30 proiektuak, eta uztailean Social Innovation Academyn parte hartuko dute ideiak fintzeko. Irailean jakinaraziko dira 10 finalistak, zeintzuek aukera izango baitute beren ekimena aurkezteko epaimahaiaren aurrean, azaroaren 8an egingo den sari-banaketa ekitaldian. Han aukeratuko dituzte 3 proposamen irabazleak, eta bakoitzak 50.000 euro jasoko ditu bere ideia bultzatzeko. Azkenik, 2019an beste deialdi bat egingo da 2018ko finalerdietan sartu ziren 30 ekimenentzat, 50.000 euroko saria emateko azken 12 urteetan inpaktu handiena lortu duen proiektuari.

 

2017an Equality Rebooted izan zen lehiaketaren leloa, eta hauek izan ziren hiru irabazleak: Buildx, etxebizitza sostengarriak diseinatzeko eta eraikitzeko tresnak partekatzeko plataforma bat; Feelif aplikazioa, ikusmen urritua duten pertsonei aukera ematen diena pantaila batean formak sentitzeko eta Saga teknologietarako P2P ikaskuntza-sarea.

 

Social Innovation Competition 2018

 

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak