Miguel Bernar.
Berrikuntza
Elkarrizketak 21 Azaroa, 2024

Walter Pack: “Gure konpromisoa ez da amaitzen estandarrak beteta, horiek gainditzea lehen urratsa da”

Miguel Bernarrek, Igorreko ETE honen sortzaileak, automobilentzako piezen diseinuaren arloko lidergoa sendotuz ospatu du enpesaren 30. urteurrena
-

Walter Packek 30 urteko esperientzia du pieza dekoratiboak eta funtzionalak diseinatzen eta garatzen. Igorren, Bartzelonan, Alacanten, Mexikon eta Indian ditu egoitzak, eta baikortasunez begiratzen dio etorkizunari. Izan ere, gai izan da automobilgintza-sektorerako osagaien programa berriak erakartzeko. Iaz, 200 milioi euroko balioarekin eta, 2024an, 150 milioi euroko balioarekin. Mundu mailako erreferentea da. Miguel Bernar sortzailearen eta egungo CEOaren arabera, funtsean, industriako liderren partner estrategiko bilakatu da, automobilgintzatik hasi eta etxetresna-elektrikoen sektorera.

Zer motatako pieza dekoratibo eta funtzionalez ari gara hizketan?

Diseinua eta funtzionaltasuna uztartzen dituzten piezak dira, automobilgintzaren eta etxetresna elektrikoen gisako sektoreentzat garatuak. Horiek barne hartzen dituzte atzetik argiztatutako panelak, ukipen-display interaktiboak eta gainazal dekoratiboak, teknologia integratuarekin. Adibidez, gainazal dekoratiboak eta funtzionalak garatzen ditugu Mercedesen S klaseko ibilgailuetarako edo Brad Pittek iragartzen dituen Delonghi kafe-makina ikonikoetarako. Gainera, teknologia berritzaileak erabiltzen ditugu, hala nola plastronika. Horrek piezetan zuzenean elektronika txertatzen du, soluzio arinak, aurreratuak eta jasangarriak sortzeko. Pieza horiek estandar tekniko zorrotzenak betetzen dituzte, eta erabiltzailearen esperientzia eraldatzen dute.

Eta zein da pieza horien lehengaia?

Piezak, nagusiki, plastiko teknikoekin eginda daude, adibidez, polikarbonatoekin; bereziki, gardentasuna edo erresistentzia altua behar denean. Dena den, pieza horien funtzionalitatea eta iraunkortasuna optimizatzeko aplikatzen ditugun prozesu aurreratuek dute benetako balioa. Adibidez, hardcoat-en gisako estaldurak erabiltzen ditugu. Horiek UV izpietatik, marraduretatik eta kanpoko beste faktore batzuetatik babesten dute. Era berean, tinta eta tratamendu dekoratiboak erabiltzen ditugu, pieza bakoitza soluzio funtzionala eta bisualki bikaina izan dadin.

Zurearen gisako ETE bat zergatik da liderra sektore horren global batean, hau da, diseinuaren sektorean?

Sektore honetako liderrak izatea lortu dugu, 30 urtetik gorako esperientzia dugulako eta berrikuntzaren aldeko etengabeko apustua egin dugulako. Adituak gara soluzio dekoratibo eta funtzionaletan teknologia aurreratuak txertatzen, hala nola plastronika edo IME. Horrek bezeroen espektatibak gainditzen ditu. Igorren dugun lantokitik, proiektu konplexuak garatu ditugu. Horri esker, bazkide estrategiko gisa posizionatu gara mundu mailan, oso sektore exijenteetan, adibidez, automobilgintzan eta etxetresna elektronikoen sektorean.

Aurten automobilgintzarako programa berriak eskuratu dituzue, 150 M €-ko balioarekin. Zer pieza mota egingo dituzue autoen barnealderako?

Automobilgintzako programa berriek 200 milioi euroko balioa izan zuten 2023an, eta 150 milioikoa 2024an. Horien bidez, pieza aurreratuak garatuko ditugu autoen barrualderako. Horiek barne hartzen dituzte display dekoratibo interaktiboak, atzetik argiztatutako kontsolak eta geometria konplexuak dituzten ukipen-gainazalak. Funtzionalitatea eta erabiltzaileen esperientzia handitzeko diseinatu ditugu horiek. Horren adibide garrantzitsua da Mexikoko BMWrekin egin dugun elkarlana. Osagai teknologikoak eta estetikoak garatuko ditu. Hala, sendotu egingo dugu autoen barrualdeko diseinuaren sektorean bazkide estrategiko gisa dugun posizioa.

Zer inpaktu izango du horrek Igorreko zuen egoitzan?

Igorreko gure lantegia Walter Packen bihotza da, eta mundu mailako gure estrategiaren zutabe giltzarria da. Gaur egun, gure enpresaren parte diren 600 pertsona baino gehiagoren artean, askok lan egiten dute egoitza horretan. Erakarritako proiektu berriei esker, beste 50 pertsona kontratatzea aurreikusten dugu. Horrek indartu egingo ditu gure ekoizpen-ahalmenak. Hazkunde horrek erreferente gisa kokatu gaitu berrikuntzan, diseinuan eta ekoizpenean, eta gure lehiakortasuna indartu du automobilgintza-sektorean eta giltzarriak diren beste merkatu batzuetan.

Prozesu honetan, berrikuntzak funtzio garrantzitsua du, orain dela gutxi Wolsburgoko IZB azokan aurkeztu duzuen mundu mailako berrikuntzarekin ikusi dugun moduan.  Zertan datza ostadar-efektua kentzeko garapen hori?

IZB azokan berrikuntza iraultzailea aurkeztu genuen, plastikozko displayetan ostadar-efektua kentzen duena. Arazo hori bereziki agerikoa da betaurreko polarizatuak erabiltzen dituzten gidarien kasuan. Aurrerapen horrek nabarmen hobetzen ditu ikusgarritasuna eta segurtasuna, eta diseinu-askatasun handiagoa eskaintzen du, kristalaren gisako soluzio tradizionalekin alderatuta. Walter Packen, piezak diseinatzeaz gain, esperientziak diseinatzen ditugu. Proiektu bakoitza erronka bat da, harago joateko, ideiak soluzio bilakatzeko eta posible dena birdefinitzeko. Gure konpromisoa ez da amaitzen estandarrak beteta, horiek gainditzea lehen urratsa da. Hauxe da Walter Pack: sormena motor gisa, berrikuntza esentzia gisa, eta dagoeneko eraikitzen ari garen etorkizuna.

SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.

 

Lotutako albisteak

Unkobe,  pieza  konplexuak  galdatzeko  hareazko  moldeetan  espezializatutako  Beasaingo  enpresa

Unkobe, pieza konplexuak galdatzeko hareazko moldeetan espezializatutako Beasaingo enpresa

Konpainiak SPRI Taldearen laguntza jaso du Industria digitala programatik, eta bost urtean negozioa % 30 handitzea aurreikusten du.

Spool  Sistemas,  automobilgintzarako  aluminiozko  piezen  injekzioan  espezializatutako  enpresa

Spool Sistemas, automobilgintzarako aluminiozko piezen injekzioan espezializatutako enpresa

Elgoibarko enpresak SPRI Taldearen adimen artifizialeko programaren dirulaguntza jaso du, eta salmenten % 65 esportatzen du

Euskal  heldulekuak  Saudi  Arabiako  ‘The  line’  proiekturako
11/07/2025 Nazioartekotzea

Euskal heldulekuak Saudi Arabiako ‘The line’ proiekturako

Didheya enpresa gipuzkoarrak, nazioartean presentzia handia duenak, altzairu herdoilgaitzezko osagaien ekoizpenaren % 80 esportatzen du. 2025erako 6,7 milioi euroko fakturazioa aurreikusten du.

AT  Mecasol-ek  digitalizazioaren  eta  jasangarritasunaren  aldeko  apustua  sendotzen  du  bere  hazkunde  industrialean

AT Mecasol-ek digitalizazioaren eta jasangarritasunaren aldeko apustua sendotzen du bere hazkunde industrialean

Bizkaiko enpresak bere gaitasun produktiboak hobetu ditu eta soluzio pertsonalizatuak eskaintzen dizkie mekanizazio eta soldadura arazo konplexuei.

Lander  Simulationek  mundu  osoko  gidariak  formatzen  dituen  teknologia  garatzen  du
08/07/2025 Nazioartekotzea

Lander Simulationek mundu osoko gidariak formatzen dituen teknologia garatzen du

Gipuzkoako enpresak gidatze simulagailuak neurrira fabrikatzen ditu eta Kanada, Alemania edo Australia bezalako herrialdeetara esportatzen ditu.

Mein,  zehaztasun  eta  kalitate  handiagoa  ahalbidetzen  duen  Gipuzkoako  fundazioa
07/07/2025 I+G+B

Mein, zehaztasun eta kalitate handiagoa ahalbidetzen duen Gipuzkoako fundazioa

Ezkio-Itsasoko enpresak SPRI Taldearen BDIH Konexio programako laguntza bat jaso du eta fakturazioaren % 95 baino gehiago esportatu egiten du.

Salutak  osasun  mentala  teknologiatik  demokratizatzen  duen  eredu  bat  bultzatu  du

Salutak osasun mentala teknologiatik demokratizatzen duen eredu bat bultzatu du

Bizkaian, 2024tik, enpresak telemedikuntza, app bat eta adimen artifiziala konbinatzen ditu, zaintza irisgarriagoa izateko.

EIDEk  diseinuaren  eta  prestakuntzaren  munduko  mapan  jarri  du  Bilbo
03/07/2025 Berrikuntza

EIDEk diseinuaren eta prestakuntzaren munduko mapan jarri du Bilbo

Euskadiko Diseinugileen Elkarteak Guggenheim museoan 22 herrialdetako 100 gazte diseinatzaileren talentua aitortu du, diseinuari gizarterako bektore estrategiko gisa egindako ekarpenagatik

Wend-ek  harreman  sozialak  plan  errealekin  egindako  aplikazioaren  bidez  iraultzen  ditu
03/07/2025 Berrikuntza

Wend-ek harreman sozialak plan errealekin egindako aplikazioaren bidez iraultzen ditu

Euskal aplikazioak jende berria ezagutzeko berezkotasuna aisialdi partekatuaren bidez berreskuratzen du eta erabiltzailearen esperientzia hobetzeko berrikuntzaren alde egiten du.

Smart  to  Walk,  trekking-a  esperientzia  adimentsu  bihurtzen  duen  startup-a
03/07/2025 Ekintzailetza

Smart to Walk, trekking-a esperientzia adimentsu bihurtzen duen startup-a

Urdulizen jatorria duen enpresa honek, makila adimendun bat eta app osagarri bat sortu ditu mendi-ibiliak seguruagoak, sozialagoak eta konektatuagoak izan daitezen.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.