Filtra tu búsqueda



Iker Hernandez, Loyola Norteko kudeatzailea.
Berrikuntza
Albisteak 18 abendua, 2024

Loyola Norte, Gipuzkoako muntaketa elektrikoen erreferrentziazko ETEa

Astigarragako enpresak tamaina bikoiztu du bost urtetan

Loyola Norte Astigarragako ETE bat da eta muntaketa elektrikoetan espezializatuta dago. Enpresei eta administrazio publikoei zerbitzu osoa ematen die. Bost urtetan soilik tamaina bikoiztu du eta erreferentea da Gipuzkoako sektorean. I+G arloko inbertsioa bere fakturazioaren % 5 ingurukoa da.

Enpresa 1982an sortu zen, aurreko Montajes Loyolaren jarraipen gisa. Aurreko enpresa horrek porrot egin zuen. “Enpresa handia zen eta hainbat delegazio zituen. Bakoitza bere kabuz muntatu zen eta Loyola Norte Astigarragan genuen egoitzan hasi zen. Orduan Donostia zen hori”, azaldu du Iker Hernandez Loyola Norteko kudeatzaileak.

Enpresak jatorrizko jarduerarekin jarraitzen du; industriako muntaketa elektrikoekin, enpresei eta administrazio publikoei begira. Duela bost urte, aurreko akziodunak erretiratu egin zirenez eta enpresa likidatu egingo zutenez, “langileak harremanetan jarri ziren nirekin, eskualdatze ordenatua egiteko eta hirugarrengo bati saltzea ekiditeko”. Erosi egin zuten eta bosturteko honetan Loyola Nortek tamaina bikoiztu eta sektoreko beste enpresa bat erosi du, Montajes Elca,. Gasteizen dago kokatuta eta haren dimentsioa ere bikoiztu egin da.

Loyola Nortek zerbitzu osoa eskaintzen die bezero espezifikoei. “Elektrizitatearekin eta automatizazioarekin lotutako guztia egiten dugu, zerbitzurik onena bermatuz eta bezeroak bere proiektuan hornitzaile asko behar ez izateko. Enpresa profesionalizatu dugu SPRIren laguntzarekin, digitalizazioaren edo zibersegurtasunaren arloan”. Aplikatutako berrikuntza ia guztiak barne-produktuan izan dira, “produktu propioa ateratzeko I+G arloko batzuk izan ezik. Adibidez, ondo aseta ez dauden merkatuko hobiak, hala nola tele-kudeaketarako sistemak”.

Erreferentea da Gipuzkoan muntaketa elektrikoetan eta enpresa “dinamikoa, geroz eta handiagoa eta bezeroaren arazoa konpontzeko prest dagoena da. Zerbitzu-enpresa da gurea, eta bezeroaren esanera dago, ez produktuarenera. Bezeroari arazo bat kentzea da gure lana”.

45 pertsona daude plantillan (horri Montajes Elcako beste 27 langile gehitu behar zaizkio) eta urteko fakturazioa 4 milioi euro ingurukoa da. I+G arloko inbertsioa negozioaren % 5 ingurukoa da. “Adimen artifizialeko hainbat proiektu egin ditugu SPRIrekin. Ezagutza sortzeak egunerokoan gauzak integratzeko aukera ematen digu. Ondo datorkigu barne-mailan”. Haren merkatuak 40 bezero nagusi ditu eta Gipuzkoan oinarritzen da nagusiki.

Azken urteetako hazkundearen ondoren, etorkizuneko erronkak dira barne-prozesuak hobetzea eta egonkortzea, “hazkunde horren zati bat xurgatzeko. Eta hurrengoa, hobetzen dugun zerbitzua hobetzea, plantillaren kalitatea hobetuz”.

Beste helburuetako bat da zerbitzuen gama handitzea, industriarekin lotuta dagoen guztia osatzeko, “eta erosketen bidez handitzeko prest gaude”. Duten arazoetako bat da goi-mailako elektrikaririk ez dagoela. “Enpresa asko ez dira handitzen sektore honetan kualifikatutako langilerik ez dagoelako”.

SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.

 

 

 

Lotutako albisteak

Buruplast  automobilgintzaren  sektorerako  osagai  plastikoak  fabrikatzen  zentratzen  da
12/12/2024 Berrikuntza

Buruplast automobilgintzaren sektorerako osagai plastikoak fabrikatzen zentratzen da

Arabako enpresaren bezerorik handiena Mercedes-Benz da, bai estatuan, bai nazioartean. Horregatik, Mercedes-Benz VAN.EArako proiektuetan parte hartzearen aldeko apustua egiten du.

SPRIk  eta  Euskadiko  Teknologia  Parkeak  urrezko  A  saria  lortu  dute,  EUSKALITen  Kudeaketa  Aurreratuaren  Euskal  Saria
12/12/2024 Berrikuntza

SPRIk eta Euskadiko Teknologia Parkeak urrezko A saria lortu dute, EUSKALITen Kudeaketa Aurreratuaren Euskal Saria

Mikel Jauregi sailburuak amaierako hitzaldian adierazi duenez, “Euskadiko enpresen lehiakortasunerako, berrikuntza, nazioartekotzea edo deskarbonizazioa bezain garrantzitsua da kudeaketa aurreratuko sistema sendoa izatea”

Mongar,  lau  hamarkada  Bizkaiko  galdaragintzari  eskainiak
02/12/2024 Berrikuntza

Mongar, lau hamarkada Bizkaiko galdaragintzari eskainiak

Enpresak merkatu berrietara ireki eta bezero berriak erakarri nahi ditu, baita lantegiko eta bulego teknikoko langileen plantilla handitu eta produktu berriak garatu ere.

Eskualdeen  lehiakortasuna  sustatzeko  topaketa  batean  parte  hartu  du  SPRIk  Belgikan
28/11/2024 Berrikuntza

Eskualdeen lehiakortasuna sustatzeko topaketa batean parte hartu du SPRIk Belgikan

Ekosistema adimendunak eta berritzaileak bultzatu nahi ditu Clusters Meet Regionek

EMA  Ergonomiak  lan-inguruneetan  kargak  manipulatzeko  irtenbideak  eskaintzen  ditu
28/11/2024 Berrikuntza

EMA Ergonomiak lan-inguruneetan kargak manipulatzeko irtenbideak eskaintzen ditu

Gipuzkoako enpresak lanpostuen ergonomia hobetzeko makinak diseinatzen ditu, laneko lesioak eta bajak izateko arriskua nabarmen murrizteko.

Joan blog-era

Jarraitu gurekin

Gure sareetan espezializatutako kanalak eta eguneroko aktualitateak.