Logos, duela 70 urtetik gama altuko altzari pertsonalizatuak eskaintzen dituen ETEa
Logos Zaldibian kokatutako enpresa bat da, etxerako konponbide globalak eskaintzen dituzten altzariak egiten dituena. Bere berezitasun nagusia da duela 70 urte baino gehiagotik gama altuko fabrikazio industrializatuko eredu bat duela baina artisau-nortasunarekin. Konpainiak SPRI Taldearen “Innobideak” programako laguntza bat jaso du, zeinak laguntza ematen baitu berrikuntza ez-teknologikoa eta pertsonen parte-hartzea sustatzeko, kudeaketa aurreratua txertatzeko eta bikaintasuna bilatzeko antolakundeetan.
Logos 1952an sortu zen sukaldeko eta bainugelako gama altuko altzari fabrikatzaile gisa, nagusiki sukaldeko armairu eta arasak. 1982an kooperatiba bilakatu zen, 2002an nazioartekotze bideari ekin zion eta Frantziara eta Portugalera zabaldu zen, eta 2011n Amerikara iritsi zen.
Hurrengo mugarria 2013an heldu zitzaien, 1.500dik gora pertsonaz osatutako Ner Group enpresa-taldean sartu zirenean, harreman-estilo berri bat partekatzeko. “2008ko krisiak kalte handia egin zigun, eta aldaketa baten beharra ikusi genuen. Horregatik sartu ginen Ner taldean. Horrek goitik behera aldatu zuen gure antolakuntza-eredua eta erronka berriei aurre egiteko modua” azaldu du Logos-eko koordinatzaile nagusi Alberto Gonzalok. 2014an Kallmar enpresa nafarra erosi zuten, neurrira eginiko diseinuko armairu eta jantzitoki pertsonalizatuen fabrikazioan espezializatua. “Horri esker, gure produktua dibertsifikatu ahal izan genuen”.
Logos-ek eskaintzen duen produktua etxerako konponbideen diseinu eta fabrikazioa da: sukaldeak, bainugelak, armairuak eta jantzitokiak, panelak, itxiturak, ate pibotagarriak edo logelak. Bere bezeroak dira dekorazio-estudioak eta etxerako elementuak nahiz sukaldeak saltzen dituzten dendak.
“Gama altuko bezeroak dira, eta guk produktu-konponbideak ematen dizkiegu espazioak proiektatu ditzaten integralki eta akabera gama berarekin. Pertsonalizazioan oinarritzen gara, katalogo zabal batekin eta kalitate handiko akaberekin. Produktu oso fidagarri eta iraunkorra da gurea”.
Fabrikatzaile industrializatua da, baina artisau-nortasuna gordetzen
Enpresaren berezitasun nagusia da edozein proiektu egokitu dezaketela “modu industrializatu batean, baina konponbide pertsonalizatu bat eta zerbitzu hurbil eta abegikorra eskainiz, banatzaileak enpresara hurbilduz eta gure proiektuaren parte direla sentiaraziz. Eskaintzen dugun produktu-gamarekin, eta gure katalogo teknikotik abiatuta, edozein instalazio integratu dezakegu kontzeptu bakar batean, giro harmonizatuak sortuz”.
Logos fabrikatzaile industrializatua da, baina artisau-nortasuna gordetzen du. “Beti ematen diogu ukitu pertsonalizatu bat, eta harreman hurbila dugu banatzailearekin”.
Enpresak 7 milioi euro inguru fakturatzen ditu urtean, eta 65 langile ditu. “Gure helburua ez da handiak izatea, baizik eta egiten dugunari balio erantsia gehitzea, gama altuko bezeroen nitxo horretan posizionatuz”.
Konpainiak SPRI Taldearen “Innobideak” programako laguntza bat jaso du bere lehiakortasuna hobetzeko antolakundeko pertsonen parte-hartzea handituz. Dagoeneko garatuta dagoen proiektu horrek antolakuntzako kultura berritzaile eta parte-hartzaile bat sortu du.
Etorkizuneko erronkak dira Logos marka indartzea “eta gama altuko segmentuan mantendu eta haztea, fabrikazioari balio erantsi handiagoa emanaz”. Gainera, sendotzen ari da “trakzio-indar handia egiten ari diren merkatuetan, esaterako Frantzian eta Belgikan. Eta, horrez gain, aktiboki lanean ari gara arlo komertzialean, eta emaitza positiboak lortu ditugu Europako merkatuko beste hainbat herrialdetan, hala nola Erresuma Batuan, Herbehereetan edo Portugalen. Hori bai, ez ditugu ahaztu AEBetako gama altuko merkatu-nitxoan ditugun banatzaileak”.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa